30 ਦਿਨਾਂ ਅੰਦਰ ਸਿਹਤ ਕੰਪਨੀਆਂ ਨੂੰ ਕਰਜ਼ਾ ਦੇਣ ਬੈਂਕ : ਰਿਜ਼ਰਵ ਬੈਂਕ
50,000 ਕਰੋੜ ਰੁਪਏ ਦੇ ਨਕਦ ਧਨ ਦੀ ਸਹੁਲਤ ਮਿਲਣ ਤੋਂ ਬਾਅਦ
ਮੁੰਬਈ: ਰਿਜ਼ਰਵ ਬੈਂਕ ਨੇ ਬੈਂਕਾਂ ਨੂੰ ਕਿਹਾ ਹੈ ਕਿ ਉਨ੍ਹਾਂ ਨੂੰ ਵਿਸ਼ੇਸ਼ ਤੌਰ ’ਤੇ ਐਲਾਨੇ 50,000 ਕਰੋੜ ਰੁਪਏ ਦੇ ਨਕਦ ਧਨ ਦੀ ਸੁਵਧਾ ਮਿਲਣ ਤੋਂ ਬਾਅਦ 30 ਦਿਨ ਅੰਦਰ ਸਿਹਤ ਸੇਵਾਵਾਂ ਦੇਣ ਵਾਲੀਆਂ ਕੰਪਨੀਆਂ ਨੂੰ ਕਰਜ਼ਾ ਮੁਹਈਆ ਕਰਵਾਉਣ।
ਰਿਜ਼ਰਵ ਬੈਂਕ ਨੇ ਇਸ ਹਫ਼ਤੇ ਦੇ ਸ਼ੁਰੂ ਵਿਚ ਕੋਰੋਨਾ ਦੀ ਚੁਣੌਤੀ ਨੂੰ ਦੇਖਦੇ ਹੋਏ ਦੇਸ਼ ਵਿਚ ਸਿਹਤ ਢਾਂਚੇ ਅਤੇ ਸੇਵਾਗਾਂ ਨੂੰ ਮਜ਼ਬੂਤ ਬਣਾਉਣ ਲਈ 50,000 ਕਰੋੜ ਰੁਪੲੈ ਦੇ ਕਰਜ਼ੇ ਦੀ ਸ਼ੁਰੂਆਤ ਕੀਤੀ ਹੈ। ਇਸ ਤਹਿਤ ਬੈਂਕ ਸਿਹਤ ਖੇਤਰ ਦੀਆਂ ਕੰਪਨੀਆਂ ਨੂੰ ਕਰਜ਼ਾ ਦੇਣ ਲਈ ਕੇਂਤਰੀ ਬੈਂਕਾਂ ਤੋਂ ਮਾਰਚ 2022 ਤਕ ਰੇਪੋ ਦਰ ’ਤੇ ਉਧਾਰ ਲੈ ਸਕਦੀਆਂ ਹਨ।
ਯੋਜਨਾ ਤਹਿਤ ਬੈਂਕ ਸਿਹਤ ਸੇਵਾ ਖੇਤਰ ਵਿਚ ਕੰਮ ਕਰਨ ਵਾਲੀਆਂ ਸਾਰੀਆਂ ਕੰਪਨੀਆਂ ਨੂੰ ਨਵਾਂ ਕਰਜ਼ਾ ਮੁਹਈਆ ਕਰਾ ਸਕਣਗੇ। ਟੀਕਾ ਨਿਰਮਾਣਕਾਰ ਹੋਣ ਜਾਂ ਟੀਕਾ ਆਯਾਤ ਕਰਨ ਵਾਲੇ ਜਾਂ ਪੂਰਤੀਕਾਰ ਹੋਣ।
ਪਹਿਲ ਦੇ ਆਧਾਰ ’ਤੇ ਸਿਹਤ ਉਪਕਰਨਾਂ ਦੇ ਪੂਰਤੀਕਾਰ, ਹਸਪਤਾਲ, ਡਿਸਪੈਂਸਰੀ, ਸਿਹਤ ਕੇਂਦਰ ਅਤੇ ਪੈਥਾਲੌਜੀ ਲੈਬ ਸਾਰੇ ਇਸ ਸੁਵਧਾ ਦਾ ਲਾਭ ਲੈ ਸਕਣਗੇ। ਫਿਲਹਾਲ ਰਿਜ਼ਰਵ ਬੈਂਕ ਨੇ ਕਿਹਾ ਕਿ ਇਸ ਖਿੜਕੀ ਸੁਵਧਾ ਤਹਿਤ ਬੈਂਕਾਂ ਵਲੋਂ ਲਈ ਗਈ ਰਕਮ ਬਦਲੇ ਯੋਜਨਾ ਪੂਰੀ ਹੋਣ ਤਕ ਉਸ ਵਿਸ਼ੇਸ਼ ਵਰਗ ਨੂੰ ਕਰਜ਼ਾ ਮੁਹਈਆ ਕਰਾਉਂਦੇ ਰਹਿਣਾ ਹੋੋਵੇਗਾ।