Bus Accident

ਨਵੀਂ ਦਿੱਲੀ: ਉੱਤਰ ਪ੍ਰਦੇਸ਼ ਦੇ ਆਗਰਾ ਕੋਲ ਜਮੁਨਾ ਐਕਸਪ੍ਰੈਸ-ਵੇ ‘ਤੇ ਸੋਮਵਾਰ ਨੂੰ ਇੱਕ ਵੱਡਾ ਹਾਦਸਾ ਹੋ ਗਿਆ। ਲਖਨਊ ਤੋਂ ਦਿੱਲੀ ਜਾ ਰਹੀ ਅਯੁੱਧਿਆ ਡਿਪੋ ਦੀ ਜਨਰਥ ਐਕਸਪ੍ਰੈਸ ਰੋਡਵੇਜ ਬਸ ਝਰਨਾ ਨਾਲੇ ਵਿੱਚ ਡਿੱਗ ਗਈ। ਹਾਦਸੇ ‘ਚ 29 ਲੋਕਾਂ ਦੀ ਮੌਤ ਹੋ ਗਈ। ਇਸ ਤੋਂ ਇਲਾਵਾ ਦੋ ਦਰਜਨ ਲੋਕ ਜਖ਼ਮੀ ਹੋ ਗਏ। ਬੱਸ ਰੇਲਿੰਗ ਤੋੜਦੇ ਹੋਏ 50 ਫੁੱਟ ਡੂੰਘੇ ਨਾਲੇ ‘ਚ ਜਾ ਡਿੱਗੀ। ਹਾਦਸੇ ਸਮੇਂ ਬੱਸ ਵਿੱਚ ਲਗਪਗ 50 ਲੋਕ ਸਵਾਰ ਸਨ। ਹਾਦਸੇ ਦੀ ਜਾਣਕਾਰੀ ਮਿਲਣ ਤੋਂ ਬਾਅਦ ਪ੍ਰਸ਼ਾਸਨ ਅਤੇ ਪੁਲਿਸ ਟੀਮ ਮੌਕੇ ‘ਤੇ ਪਹੁੰਚ ਗਏ।

ਜਖ਼ਮੀ ਲੋਕਾਂ ਨੂੰ ਨਜ਼ਦੀਕੀ ਹਸਪਤਾਲ ‘ਚ ਭਰਤੀ ਕਰਵਾਇਆ ਗਿਆ ਹੈ। ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਆਦਿਤਿਯਨਾਥ ਨੇ ਦੁਰਘਟਨਾ ਦੀ ਜਾਂਚ ਕਮੇਟੀ ਤੋਂ ਕਰਾਉਣ ਦੇ ਹੁਕਮ ਦਿੱਤਾ ਹਨ। ਉਥੇ ਹੀ, ਉੱਤਰ ਪ੍ਰਦੇਸ਼ ਰੋਡਵੇਜ ਨੇ ਲਾਸ਼ਾਂ ਦੇ ਪਰਵਾਰਾਂ ਨੂੰ 5-5 ਲੱਖ ਰੁਪਏ ਦਾ ਮੁਆਵਜਾ ਦੇਣ ਦਾ ਐਲਾਨ ਕੀਤਾ ਹੈ।

ਯੂਪੀ ਸੀ.ਐਮ ਦਫ਼ਤਰੀ ਟਵਿਟਰ ਅਕਾਉਂਟ ‘ਤੇ ਟਵੀਟ ਕੀਤਾ ਗਿਆ ਹੈ, ਯੋਗੀ ਆਦਿਤਿਯਨਾਥ ਨੇ ਜਨਪਦ ਆਗਰਾ ‘ਚ ਹੋਈ ਸੜਕ ਦੁਰਘਟਨਾ ‘ਤੇ ਸੋਗ ਪ੍ਰਗਟ ਕੀਤਾ ਅਤੇ ਜਖ਼ਮੀਆਂ ਨੂੰ ਹਰ ਸੰਭਵ ਡਾਕਟਰੀ ਸਹਾਇਤਾ ਪ੍ਰਦਾਨ ਕਰਨ ਲਈ ਪ੍ਰਸ਼ਾਸਨ ਨੂੰ ਨਿਰਦੇਸ਼ ਦਿੱਤੇ ਹਨ।

ਉਨ੍ਹਾਂ ਨੇ ਸਵਰਗਵਾਸੀ ਲੋਕਾਂ ਦੀ ਆਤਮਾ ਦੀ ਸ਼ਾਂਤੀ ਲਈ ਕਾਮਨਾ ਕਰਦੇ ਹੋਏ ਲਾਸ਼ਾਂ ਦੇ ਸੰਸਕਾਰ ਲਈ ਪਰਵਾਰ ਦੇ ਪ੍ਰਤੀ ਦੁੱਖ ਪ੍ਰਗਟ ਕੀਤਾ ਹੈ। ਯੂਪੀ ਪੁਲਿਸ ਨੇ ਟਵਿਟਰ ‘ਤੇ ਲਿਖਿਆ ਹੈ, ਜਮੁਨਾ ਐਕਸਪ੍ਰੈਸ-ਵੇ ਉੱਤੇ, ਇਟਾਵਾ ਤੋਂ ਦਿੱਲੀ ਜਾ ਰਹੀ ਅਯੁੱਧਿਆ ਡਿਪੋ ਦੀ ਜਨਰਥ ਐਕਸਪ੍ਰੇਸ ਰੋਡਵੇਜ ਬੱਸ, ਯੂਪੀ 33 ਏਟੀ 5877 ਭਰ ਕੇ ਗਰਾਮ ਕੁਬੇਰਪੁਰ ਦੇ ਕੋਲ ਝਰਨਾ ਨਾਲੇ ਵਿੱਚ ਡਿੱਗ ਜਾਣ ਨਾਲ ਪਾਣੀ  ਵਿਚ ਅੱਧੀ ਡੁੱਬ ਗਈ। 29 ਲਾਸ਼ਾਂ ਕੱਢੀਆਂ ਗਈਆਂ ਤੇ ਕਰੀਬ 15-16 ਲੋਕ ਜਖ਼ਮੀ ਹਾਲਤ ‘ਚ ਕੱਢ ਕੇ ਹਸਪਤਾਲ ਵਿਚ ਭੇਜੇ ਗਏ ਹਨ।