ਸੰਯੁਕਤ ਰਾਸ਼ਟਰ ਸੰਗਠਨ ਨੂੰ ਭਾਰਤ ਨੇ ਤੋਹਫੇ ਵਿਚ ਦਿੱਤਾ ਸੋਲਰ ਪੈਨਲ!
ਯੂਐਨ ਦਫ਼ਤਰ ਦੀ ਛੱਤ ’ਤੇ ਲਗਾਇਆ ਗਿਆ ਸੋਲਰ ਪੈਨਲ!
ਨਵੀਂ ਦਿੱਲੀ: ਸੰਯੁਕਤ ਰਾਸ਼ਟਰ ਨੇ ਭਾਰਤ ਦੁਆਰਾ ਗਿਫ਼ਟ ਕੀਤੇ ਗਏ ਸੋਲਰ ਪੈਨਲਸ ਨੂੰ ਨਿਊਯਾਰਕ ਸਥਿਤ ਯੂਐਨ ਹੈਡਕੁਆਰਟਰ ਦੀ ਛੱਤ ਤੇ ਲਗਾਇਆ। ਭਾਰਤ ਦੁਆਰਾ ਸੰਯੁਕਤ ਰਾਸ਼ਟਰ ਨੂੰ ਤੋਹਫੇ ਵਿਚ ਸੋਲਰ ਪੈਨਲ ਦਿੱਤੇ ਹਨ। ਇਹ ਸੋਲਰ ਪੈਨਲ 50 ਕਿਲੋਵਾਟ ਤਕ ਬਿਜਲੀ ਪੈਦਾ ਕਰ ਸਕਦੇ ਹਨ। ਸੰਯੁਕਤ ਰਾਸ਼ਟਰ ਨੇ ਟਵੀਟ ਕੀਤਾ ਕਿ ਸੋਲਰ ਪੈਨਲ ਭਾਰਤ ਦਾ ਇਕ ਤੋਹਫਾ ਸੰਯੁਕਤ ਰਾਸ਼ਟਰ ਦੀ ਛੱਤ ਤੇ ਸਥਾਪਿਤ ਕੀਤਾ ਗਿਆ ਹੈ।
ਪੈਨਲ ਜ਼ਿਆਦਾ ਤੋਂ ਜ਼ਿਆਦਾ 50 ਕਿਲੋਵਾਟ ਬਿਜਲੀ ਉਤਪਾਦਨ ਕਰ ਸਕਦੇ ਹਨ। ਸੋਲਰ ਪੈਨਲਾਂ ਦੇ ਨਾਲ ਸੰਯੁਕਤ ਰਾਸ਼ਟਰ ਦਫ਼ਤਰ ਵਿਚ ਇਕ ਹਰੇ ਰੰਗ ਦੀ ਛੱਤ ਵੀ ਸਥਾਪਿਤ ਕੀਤੀ ਗਈ ਹੈ। ਇਹ ਹਰੇ ਰੰਗ ਦੀ ਛੱਤ, ਜਿਸ ਨੂੰ ਇਕ ਜੈਵਿਕ ਛੱਤ ਵੀ ਕਿਹਾ ਜਾਂਦਾ ਹੈ ਇਕ ਛੱਤ ਹੈ ਜੋ ਵਨਸਪਤੀ ਨਾਲ ਬਣੀ ਹੋਈ ਹੈ। ਸੰਯੁਕਤ ਰਾਸ਼ਟਰ ਵਿਚ ਭਾਰਤ ਦੇ ਰਾਜਦੂਤ ਅਤੇ ਸਥਾਈ ਪ੍ਰਤੀਨਿਧੀ ਸੱਯਦ ਅਕਬਰੂਦੀਨ ਨੇ ਊਰਜਾ ਦੇ ਨਵਿਉਣਯੋਗ ਸਰੋਤਾਂ ਦਾ ਉਪਯੋਗ ਕਰ ਕੇ ਜਲਵਾਯੂ ਪਰਿਵਰਤਨ ਨਾਲ ਲੜਨ ਲਈ ਭਾਰਤ ਦੀ ਪ੍ਰਤੀਬੱਧਤਾ ਨੂੰ ਦਰਸਾਉਂਦੇ ਹੋਏ ਇਸ ਵਿਚ ਪਹਿਲਾਂ ਟਵੀਟ ਕੀਤਾ ਸੀ।
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅਪਣੀ ਹਾਲੀਆ ਰੂਸ ਦੀ ਯਾਤਰਾ ਤੇ ਕਿਹਾ ਕਿ 2022 ਤਕ ਸਵੱਛ ਊਰਜਾ ਦੇ 175 ਉਤਪਾਦਨ ਕਰਨ ਦੇ ਉਦੇਸ਼ ਨਾਲ ਭਾਰਤ ਵੱਡੇ ਪੈਮਾਨੇ ਤੇ ਸੌਰ ਊਰਜਾ ਤੇ ਧਿਆਨ ਕੇਂਦਰਿਤ ਕਰ ਰਿਹਾ ਹੈ। ਉਹਨਾਂ ਨੇ ਇਹ ਵੀ ਕਿਹਾ ਕਿ ਭਾਰਤ ਸੌਰ ਊਰਜਾ ਬੈਟਰੀ ਨਿਰਮਾਣ ਦਾ ਕੇਂਦਰ ਬਣ ਸਕਦਾ ਹੈ। ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਦੇਸ਼ ਵਿਚ ਖਾਣਾ ਪਕਾਉਣ ਲਈ ਸੌਰ ਊਰਜਾ ਦਾ ਉਪਯੋਗ ਕੀਤਾ ਜਾਂਦਾ ਹੈ।
ਭਾਰਤ ਨੇ ਸੌਰ ਊਰਜਾ ਦੇ ਉਪਯੋਗ ਨੂੰ ਵਧਾਵਾ ਦੇਣ ਲਈ ਕਈ ਯੋਜਨਾਵਾਂ ਸ਼ੁਰੂ ਕੀਤੀਆਂ ਹਨ। ਰੂਫਟਾਪ ਪੈਨਲਾਂ ਨੂੰ ਸਥਾਪਿਤ ਕਰਨ ਲਈ ਰਾਸ਼ਟਰੀਕਰਨ ਬੈਂਕਾਂ ਤੋਂ 10 ਲੱਖ ਦਾ ਲਾਭ ਉਠਾਇਆ ਜਾ ਸਕਦਾ ਹੈ। ਕੇਂਦਰ ਸਰਕਾਰ ਛੱਤ ਤੇ ਫੋਟੋਵੋਲਿਟਕ ਪ੍ਰਣਾਲੀ ਲਈ 30 ਫ਼ੀ ਸਦੀ ਲਾਗਤ ਦਾ ਭੁਗਤਾਨ ਕਰਦੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।