Brave daughter fought with the bear to save her father

 

ਸਿਰੋਹੀ: ਰਾਜਸਥਾਨ ਦੇ ਸਿਰੋਹੀ ਜ਼ਿਲੇ 'ਚ ਇਕ ਬਹਾਦਰ ਧੀ ਨੇ ਆਪਣੇ ਪਿਤਾ ਨੂੰ ਰਿੱਛ ਤੋਂ ਬਚਾਉਣ ਲਈ ਜਾਨ ਦੀ ਵੀ ਪਰਵਾਹ ਨਹੀਂ ਕੀਤੀ। ਉਸ ਨੇ ਰਿੱਛ ਨਾਲ ਲੜਦੇ ਹੋਏ ਆਪਣੇ ਪਿਤਾ ਨੂੰ ਬਚਾਇਆ। ਸਿਰੋਹੀ ਦੇ ਰੇਵਦਾਰ ਕਸਬੇ ਦੇ ਸਿਲਦਾਰ ਪਿੰਡ 'ਚ ਇਕ ਰਿੱਛ ਨੇ ਇਕ ਕਿਸਾਨ 'ਤੇ ਹਮਲਾ ਕਰ ਦਿੱਤਾ। ਹਮਲਾ ਹੁੰਦਾ ਦੇਖ ਕੇ ਕੁੱਤਿਆਂ ਨੇ ਰੌਲਾ ਪਾ ਦਿੱਤਾ, ਜਦੋਂ ਖੇਤ 'ਚ ਬਣੇ ਘਰ 'ਚ ਸੁੱਤੀ ਪਈ 14 ਸਾਲਾ ਧੀ ਨੇ ਦੇਖਿਆ ਤਾਂ ਰਿੱਛ ਉਸ ਦੇ ਪਿਤਾ ਉੱਤੇ ਹਮਲਾ ਕਰ ਰਿਹਾ ਸੀ, ਜੋਸ਼ਨਾ ਨੇ ਕਰੀਬ 7-8 ਮਿੰਟ ਦੀ ਜੱਦੋਜਹਿਦ ਤੋਂ ਬਾਅਦ ਭਾਲੂ ਨੂੰ ਭਜਾ ਦਿੱਤਾ।

ਭਾਲੂ ਨੇ ਉਸ ਦੇ ਪਿਤਾ ਕਿਸਾਨ ਕਰਮਾ ਰਾਮ ਚੌਧਰੀ (50) ਨੂੰ ਬੁਰੀ ਤਰ੍ਹਾਂ ਜ਼ਖਮੀ ਕਰ ਦਿੱਤਾ। ਕਿਸਾਨ ਨੂੰ ਗੁਜਰਾਤ ਦੇ ਮੇਹਸਾਣਾ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ ਹੈ। ਹਾਦਸੇ ਤੋਂ ਬਾਅਦ ਉਸ ਦੀ ਬੇਟੀ ਜੋਸ਼ਨਾ ਅਤੇ ਪਰਿਵਾਰ ਸਦਮੇ 'ਚ ਹੈ। ਜੋਸ਼ਨਾ ਨੇ ਦੱਸਿਆ ਕਿ ਰਿੱਛ ਨਾਲ ਸੰਘਰਸ਼ ਦੌਰਾਨ ਮੇਰੇ ਮਨ ਵਿਚ ਇਕ ਹੀ ਗੱਲ ਸੀ ਕਿ ਮੇਰੇ ਨਾਲ ਜੋ ਵੀ ਹੋ ਜਾਵੇ ਮੈਂ ਆਪਣੇ ਪਿਤਾ ਨੂੰ ਕੁਝ ਨਹੀਂ ਹੋਣ ਦੇਵਾਂਗੀ।

ਕਿਸਾਨ ਨੂੰ ਮੁੱਢਲੀ ਸਹਾਇਤਾ ਤੋਂ ਬਾਅਦ ਮਹਿਸਾਣਾ (ਗੁਜਰਾਤ) ਦੇ ਹਸਪਤਾਲ ਰੈਫਰ ਕਰ ਦਿੱਤਾ ਹੈ। ਸੋਸ਼ਲ ਮੀਡੀਆ 'ਤੇ ਜੋਸ਼ਨਾ ਦੀ ਤਾਰੀਫ ਹੋ ਰਹੀ ਹੈ। ਲੋਕ ਉਸ ਨੂੰ ਬਹਾਦਰੀ ਲਈ ਪੁਰਸਕਾਰ ਦੇਣ ਦੀ ਮੰਗ ਵੀ ਕਰ ਰਹੇ ਹਨ। ਜੋਸ਼ਨਾ ਨੇ 8ਵੀਂ ਜਮਾਤ ਤੱਕ ਪੜ੍ਹਾਈ ਕੀਤੀ ਅਤੇ ਫਿਰ ਖੇਤ ਤੋਂ ਸਕੂਲ ਦੀ ਦੂਰੀ ਕਾਰਨ ਪੜ੍ਹਾਈ ਛੱਡ ਦਿੱਤੀ।