Allahabad High Court : ਬਗ਼ੈਰ ਵਿਆਹ ਤੋਂ ਵੀ ਔਰਤ ਅਤੇ ਮਰਦ ਇਕੱਠੇ ਰਹਿ ਰਹੇ ਹੋਣ ਤਾਂ ਵੀ ਦਾਜ ਦਾ ਕੇਸ ਚਲ ਸਕਦੈ : ਹਾਈ ਕੋਰਟ

Allahabad High Court : ਇਲਾਹਾਬਾਦ ਹਾਈ ਕੋਰਟ ਨੇ ਕਿਹਾ ਹੈ ਕਿ ਜੇਕਰ ਕੋਈ ਔਰਤ ਅਤੇ ਮਰਦ ਬਿਨਾਂ ਵਿਆਹ ਕੀਤੇ ਪਤੀ-ਪਤਨੀ ਦੇ ਰੂਪ ’ਚ ਰਹਿ ਰਹੇ ਹਨ ਤਾਂ ਦਾਜ ਦੀ ਮੰਗ ਜਾਂ ਦਾਜ-ਮੌਤ ਦੇ ਅਪਰਾਧ ’ਚ ਮਾਮਲਾ ਦਰਜ ਕੀਤਾ ਜਾ ਸਕਦਾ ਹੈ।

ਇਹ ਟਿਪਣੀਆਂ ਜਸਟਿਸ ਰਾਜਬੀਰ ਸਿੰਘ ਨੇ ਪ੍ਰਯਾਗਰਾਜ ਦੀ ਸੈਸ਼ਨ ਅਦਾਲਤ ਦੇ ਹੁਕਮ ਨੂੰ ਚੁਨੌਤੀ ਦੇਣ ਵਾਲੀ ਪਟੀਸ਼ਨ ਨੂੰ ਖਾਰਜ ਕਰਦਿਆਂ ਕੀਤੀਆਂ। ਹੇਠਲੀ ਅਦਾਲਤ ਨੇ ਔਰਤ ਦੇ ਦਾਜ-ਮੌਤ ਦੇ ਮਾਮਲੇ ’ਚ ਪਟੀਸ਼ਨਕਰਤਾ ਨੂੰ ਰਿਹਾਅ ਕਰਨ ਦੀ ਅਰਜ਼ੀ ਰੱਦ ਕਰ ਦਿਤੀ ਸੀ।

ਮੌਜੂਦਾ ਪਟੀਸ਼ਨ ’ਚ ਇਹ ਦਲੀਲ ਦਿਤੀ ਗਈ ਸੀ ਕਿ ਹੇਠਲੀ ਅਦਾਲਤ ਦਾ ਹੁਕਮ ਤੱਥਾਂ ਅਤੇ ਕਾਨੂੰਨ ਦੇ ਉਲਟ ਹੈ ਅਤੇ ਇਸ ਲਈ ਇਸ ਨੂੰ ਰੱਦ ਕੀਤਾ ਜਾਣਾ ਚਾਹੀਦਾ ਹੈ।

ਉਨ੍ਹਾਂ ਕਿਹਾ, ‘‘ਔਰਤ ਦਾ ਵਿਆਹ ਰੋਹਿਤ ਯਾਦਵ ਨਾਂ ਦੇ ਵਿਅਕਤੀ ਨਾਲ ਹੋਇਆ ਸੀ ਅਤੇ ਇਸ ਗੱਲ ਦਾ ਕੋਈ ਸਬੂਤ ਨਹੀਂ ਹੈ ਕਿ ਔਰਤ ਨੇ ਉਸ ਤੋਂ ਤਲਾਕ ਲੈ ਲਿਆ ਸੀ। ਦਰਅਸਲ, ਔਰਤ ਨੇ ਪਟੀਸ਼ਨਕਰਤਾ ਨਾਲ ਰਹਿਣਾ ਸ਼ੁਰੂ ਕਰ ਦਿਤਾ ਸੀ ਅਤੇ ਦੋਹਾਂ ਦਾ ਵਿਆਹ ਨਹੀਂ ਹੋਇਆ ਸੀ।’’