ਲਾਰੈਂਸ ਬਿਸ਼ਨੋਈ ਗੈਂਗ ਦੇ ਬਦਮਾਸ਼ ਮਨੀਸ਼ ਯਾਦਵ ਨੂੰ ਯੂਪੀ STF ਨੇ ਕੀਤਾ ਕਾਬੂ ,ਹਥਿਆਰਾਂ ਦੀ ਕਰਦਾ ਸੀ ਸਪਲਾਈ

Uttar Pradesh : ਉੱਤਰ ਪ੍ਰਦੇਸ਼ STF ਨੇ ਲਾਰੇਂਸ ਬਿਸ਼ਨੋਈ ਗੈਂਗ ਦੇ ਮੈਂਬਰ ਮਨੀਸ਼ ਯਾਦਵ ਨੂੰ ਗ੍ਰਿਫਤਾਰ ਕੀਤਾ ਹੈ। ਮਨੀਸ਼ ਯਾਦਵ ਗੋਰਖਪੁਰ ਦੇ ਰਹਿਣ ਵਾਲੇ ਸ਼ਸ਼ਾਂਕ ਪਾਂਡੇ ਅਤੇ ਵਿੱਕੀ ਲਾਲਾ ਜ਼ਰੀਏ ਲਾਰੇਂਸ ਬਿਸ਼ਨੋਈ ਗੈਂਗ ਨਾਲ ਜੁੜਿਆ ਹੋਇਆ ਸੀ। ਉਹ ਇੰਦੌਰ ਤੋਂ ਗੈਂਗ ਲਈ ਹਥਿਆਰ ਸਪਲਾਈ ਕਰਦਾ ਸੀ। ਪੁਲਸ ਨੇ ਦੱਸਿਆ ਕਿ 2023 'ਚ ਅੰਬਾਲਾ 'ਚ ਮੱਖਣ ਸਿੰਘ ਲਬਾਣਾ 'ਤੇ ਹੋਈ ਫਾਇਰਿੰਗ ਲਈ ਹਥਿਆਰ ਮਨੀਸ਼ ਯਾਦਵ ਨੇ ਹੀ ਦਿੱਤੇ ਸਨ।

ਲਾਰੈਂਸ ਦੇ ਚਚੇਰੇ ਭਰਾ ਅਨਮੋਲ ਬਿਸ਼ਨੋਈ ਨੇ ਵਿਦੇਸ਼ ਵਿੱਚ ਬੈਠ ਕੇ ਮੱਖਣ ਸਿੰਘ ਲਬਾਣਾ ਤੋਂ 50 ਲੱਖ ਰੁਪਏ ਦੀ ਫਿਰੌਤੀ ਦੀ ਮੰਗ ਕੀਤੀ ਸੀ। ਜਦੋਂ ਉਸ ਨੇ ਇਨਕਾਰ ਕੀਤਾ ਤਾਂ ਉਸ 'ਤੇ ਗੋਲੀ ਚਲਾ ਦਿੱਤੀ ਗਈ। ਵਿੱਕੀ ਲਾਲਾ ਅਤੇ ਸ਼ਸ਼ਾਂਕ ਪਾਂਡੇ ਪਹਿਲਾਂ ਹੀ ਅੰਬਾਲਾ ਜੇਲ੍ਹ ਵਿੱਚ ਬੰਦ ਹਨ। ਉਸ ਖ਼ਿਲਾਫ਼ ਹਰਿਆਣਾ ਵਿੱਚ ਅਸਲਾ ਸਪਲਾਈ ਦੇ ਕੇਸ ਦਰਜ ਹਨ ਅਤੇ ਮਨੀਸ਼ ਯਾਦਵ ਇਸ ਮਾਮਲੇ ਵਿੱਚ ਲੋੜੀਂਦਾ ਸੀ। ਹਰਿਆਣਾ STF ਦੇ ਇਨਪੁਟ 'ਤੇ UP STF ਨੇ ਮਨੀਸ਼ ਯਾਦਵ ਨੂੰ ਗ੍ਰਿਫਤਾਰ ਕੀਤਾ ਹੈ।

ਲਾਰੈਂਸ ਬਿਸ਼ਨੋਈ ਗੈਂਗ ਦਾ ਮੈਂਬਰ ਮਨੀਸ਼ ਯਾਦਵ ਗ੍ਰਿਫਤਾਰ

ਦੱਸ ਦੇਈਏ ਕਿ ਸਾਲ 2019 'ਚ ਮਨੀਸ਼ ਯਾਦਵ 'ਤੇ ਮਾਮੂਲੀ ਕੁੱਟਮਾਰ ਦਾ ਮਾਮਲਾ ਦਰਜ ਹੋਇਆ ਸੀ। ਕਿਸੇ ਨੇ ਉਸ ਵੱਲ ਧਿਆਨ ਨਹੀਂ ਦਿੱਤਾ ਸੀ। ਉਹ ਯੂਟਿਊਬ ਅਤੇ ਟੀਵੀ ਚੈਨਲਾਂ 'ਤੇ ਲਾਰੈਂਸ ਬਿਸ਼ਨੋਈ ਦੀਆਂ ਕਹਾਣੀਆਂ ਦੇਖ ਕੇ ਪ੍ਰਭਾਵਿਤ ਹੋਇਆ। ਇਸ ਤੋਂ ਬਾਅਦ ਮਨੀਸ਼ ਦੀ ਮੁਲਾਕਾਤ ਗੋਰਖਪੁਰ ਦੇ ਰਹਿਣ ਵਾਲੇ ਸ਼ਸ਼ਾਂਕ ਪਾਂਡੇ ਨਾਲ ਹੋਈ। ਉਹ ਪਹਿਲਾਂ ਹਥਿਆਰ ਸਪਲਾਈ ਕਰਕੇ ਕੁਝ ਪੈਸੇ ਇਕੱਠੇ ਕਰਨਾ ਚਾਹੁੰਦਾ ਸੀ। ਉਦੋਂ ਯੂਪੀ ਦਾ ਲਾਰੈਂਸ ਬਿਸ਼ਨੋਈ ਲਾਰੇਂਸ ਲਈ ਸ਼ਾਰਪ ਸ਼ੂਟਰ ਬਣਨਾ ਚਾਹੁੰਦਾ ਸੀ।

UP STF ਨੇ ਗੁਪਤ ਸੂਚਨਾ 'ਤੇ ਮਨੀਸ਼ ਨੂੰ ਫੜਿਆ

ਮਨੀਸ਼ ਯਾਦਵ ਨੇ ਲਾਰੇਂਸ ਬਿਸ਼ਨੋਈ ਨੂੰ ਆਪਣਾ ਗੁਰੂ ਦੱਸਿਆ। ਉਹ ਕਿਸੇ ਵੀ ਕੀਮਤ 'ਤੇ ਗੈਂਗਸਟਰ ਲਾਰੈਂਸ ਬਿਸ਼ਨੋਈ ਨਾਲ ਜੁੜਨਾ ਚਾਹੁੰਦਾ ਸੀ। ਇਸ ਦੌਰਾਨ ਮਨੀਸ਼ ਨੂੰ ਵਿਦੇਸ਼ 'ਚ ਬੈਠੇ ਲਾਰੈਂਸ ਦੇ ਚਚੇਰੇ ਭਰਾ ਅਨਮੋਲ ਬਿਸ਼ਨੋਈ ਦੇ ਸੰਪਰਕ 'ਚ ਆਉਣ ਦਾ ਮੌਕਾ ਮਿਲਿਆ ਅਤੇ ਉਸ ਨੇ ਸ਼ੂਟਰਾਂ ਨੂੰ 3 ਪਿਸਤੌਲ ਦੇ ਦਿੱਤੇ। ਪੁਲਿਸ ਦਾ ਕਹਿਣਾ ਹੈ ਕਿ ਮਨੀਸ਼ ਤੋਂ ਪੁੱਛਗਿੱਛ ਕੀਤੀ ਜਾ ਰਹੀ ਹੈ।