ਮਾਉਵਾਦ ਵਿਰੋਧੀ ਮੁਹਿੰਮ ਕਾਰਨ ਫੜਨਵੀਸ ਨੂੰ ਮਿਲੀਆਂ ਧਮਕੀ ਭਰੀਆਂ ਚਿੱਠੀਆਂ

Minister Davinder Fadanvis

ਮੁੰਬਈ : ਮਹਾਰਾਸ਼ਟਰ ਦੇ ਮੁੱਖ ਮੰਤਰੀ ਦਵਿੰਦਰ ਫੜਨਵੀਸ ਨੂੰ ਕਥਿਤ ਤੌਰ 'ਤੇ ਮਾਉਵਾਦੀ ਜਥੇਬੰਦੀਆਂ ਵਲੋਂ ਦੋ ਧਮਕੀ ਪੱਤਰ ਮਿਲੇ ਹਨ। ਇਹ ਚਿੱਠੀਆਂ ਪੁਲਿਸ ਨੂੰ ਦੇ ਦਿਤੀਆਂ ਗਈਆਂ ਹਨ। ਮੁੱਖ ਮੰਤਰੀ ਦੀ ਸੁਰੱਖਿਆ ਵੀ ਵਧਾ ਦਿਤੀ ਗਈ ਹੈ। ਰਾਜ ਦੇ ਗ੍ਰਹਿ ਵਿਭਾਗ ਦੇ ਸੂਤਰਾਂ ਨੇ ਦਸਿਆ ਕਿ ਮੁੱਖ ਮੰਤਰੀ ਦਫ਼ਤਰ ਨੂੰ ਦੋ ਹਫ਼ਤੇ ਪਹਿਲਾਂ ਇਹ ਚਿੱਠੀਆਂ ਮਿਲੀਆਂ ਹਨ।

ਗੜ੍ਹਚਿਰੌਲੀ ਵਿਚ ਹਾਲ ਹੀ ਵਿਚ ਨਕਸਲ ਵਿਰੋਧੀ ਮੁਹਿੰਮ ਚਲਾਈ ਗਈ ਸੀ ਜਿਸ ਮਗਰੋਂ ਇਹ ਚਿੱਠੀਆਂ ਮਿਲੀਆਂ ਹਨ। ਇਸ ਮੁਹਿੰਮ ਵਿਚ 39 ਮਾਉਵਾਦੀ ਮਾਰੇ ਗਏ ਸਨ। ਅਗਲੀ ਜਾਂਚ ਲਈ ਚਿੱਠੀਆਂ ਪੁਲਿਸ ਨੂੰ ਦੇ ਦਿਤੀਆਂ ਗਈਆਂ ਹਨ। ਮੰਤਰਾਲੇ ਦੇ ਸੂਤਰਾਂ ਮੁਤਾਬਕ ਦੋਹਾਂ ਚਿੱਠੀਆਂ ਵਿਚ ਗੜ੍ਹਚਿਰੋਲੀ ਮੁਕਾਬਲਿਆਂ ਦਾ ਜ਼ਿਕਰ ਹੈ। ਫੜਨਵੀਸ ਅਤੇ ਉਸ ਦੇ ਪਰਵਾਰ ਦੇ ਜੀਆਂ ਨੂੰ ਧਮਕੀ ਦਿਤੀ ਗਈ ਹੈ।                  (ਏਜੰਸੀ)