Photo

ਨਵੀਂ ਦਿੱਲੀ : ਉਤਰ ਪ੍ਰਦੇਸ਼ ਵਿਚ 69 ਹਜ਼ਾਰ ਅਧਿਆਪਕਾਂ ਦੀ ਭਰਤੀ ਨੂੰ ਲੈ ਕੇ ਮਾਮਲੇ ਨੇ ਨਵਾਂ ਮੋੜ ਲਿਆ ਹੈ। ਸੁਪਰੀਮ ਕੋਰਟ ਦੇ ਵੱਲੋਂ ਸਿੱਖਿਆ ਸ਼ਾਸਤਰਾਂ ਦੀ ਅਰਜ਼ੀ ਤੇ 69 ਹਜ਼ਾਰ ਸਹਾਇਕ ਅਧਿਆਪਕਾਂ ਦੀ ਭਰਤੀ ਦੇ ਮਾਮਲਿਆਂ ਵਿਚ 37339 ਪਦਾਂ ਨੂੰ ਹੋਲਡ ਕਰਨ ਦੇ ਆਦੇਸ਼ ਦਿੱਤੇ ਹਨ। ਜ਼ਿਕਰਯੋਗ ਹੈ ਕਿ ਸੁਪਰੀਮ ਕੋਰਟ ਦੇ ਵੱਲੋਂ ਪਿਛਲੀ ਸੁਣਵਾਈ ਵਿਚ ਯੂਪੀ ਸਰਕਾਰ ਨੂੰ ਇਕ ਚਾਰਟ ਸ਼ੀਟ ਦੇ ਜ਼ਰੀਏ ਇਹ ਸਮਝਾਉਂਣ ਨੂੰ ਕਿਹਾ ਸੀ ਕਿ ਰਿਜ਼ਰਵ ਸ਼੍ਰੇਣੀ ਲਈ ਨਿਰਧਾਰਤ 40% ਅਤੇ ਜਨਰਲ ਲਈ 45% ਦੀ ਕਟ-ਆਫ ਤੇ ਕਿੰਨੇ ਸਿੱਖੀ ਸ਼ੀਮਿਤ ਪਾਸ ਹੋਏ ਹਨ,

ਪਰ ਸਿੱਖਿਆਮਿੱਤਰ ਦਾ ਕਹਿਣਾ ਹੈ ਕਿ ਕੁੱਲ 45, 357 ਸਿੱਖਿਆਮਿੱਤਰਾਂ ਨੇ ਲਿਖਤੀ ਪ੍ਰੀਖਿਆ ਵਿੱਚ ਫਾਰਮ ਭਰੇ ਸਨ, ਜਿਨ੍ਹਾਂ ਵਿੱਚੋਂ 8018 ਸਿੱਖਿਆਮਿੱਤਰ 60-65% ਦੇ ਨਾਲ ਪਾਸ ਹੋਇਆ। ਇਸ ਤੋਂ ਇਲਾਵਾ ਸਿਖਿਆ ਮਿੱਤਰਾਂ ਦਾ ਇਹ ਵੀ ਕਹਿਣਾ ਹੈ ਕਿ ਇਸ ਵਿਚ ਹੈਰਾਨੀਜਨਕ ਗੱਲ ਇਹ ਹੈ ਕਿ ਕਿਸੇ ਦੇ ਕੋਲ ਵੀ ਇਹ ਜਾਣਕਾਰੀ ਨਹੀਂ ਹੈ ਕਿ ਕਿਹੜੇ-ਕਿਹੜੇ ਸਿਖਿਆਮਿੱਤਰ 40-45 ਦੀ ਕੱਟਆਫ਼ ਵਿਚ ਪਾਸ ਹੋਏ ਹਨ। ਇਸ ਲਈ ਸਿਖਿਆ ਮਿੱਤਰ ਮੰਗ ਕਰ ਰਹੇ ਹਨ। ਕਿ 69000 ਪਦਾਂ ਵਿਚੋਂ 37339 ਰਿਜ਼ਰਵ ਰੱਖ ਬਾਕੀਆਂ ਸਿਖਿਆ ਸਹਾਇਕਾਂ ਨੂੰ ਭਰਤੀ ਕੀਤਾ ਜਾਵੇ ਜਾਂ ਫਿਰ ਪੂਰੀ ਪ੍ਰਕ੍ਰਿਆ ਤੇ ਹੀ ਰੋਕ ਲਗਾਈ ਜਾਵੇ।

ਦੱਸ ਦੱਈਏ ਕਿ ਇਸ ਭਰਤੀ ਤੇ ਇਲਾਹਾਬਾਦ ਹਾਈਕੋਰਟ ਦੀ ਲਖਨਊ ਪੀਠ ਨੇ ਸੁਣਵਾਈ ਤੋਂ ਬਾਅਦ ਪਹਿਲਾਂ ਹੀ ਇਸ ਮਾਮਲੇ ਤੇ ਸਟੇ ਲਗਾ ਦਿੱਤਾ ਹੈ। ਹੁਣ ਬੁੱਧਵਾਰ 10 ਜੂਨ ਨੂੰ ਹਾਈ ਕੋਰਟ ਆਪਣਾ ਫੈਸਲਾ ਸੁਣਾਏਗੀ। ਜੇਕਰ ਇਸ ਮਾਮਲੇ ਤੇ ਹੁਣ ਬੈਂਚ ਸਟੇ ਹਟਾ ਵੀ ਦਿੱਤੀ ਹੈ ਤਾਂ 37339 ਪਦਾਂ ਨੂੰ ਰੋਕ ਕੇ ਹੀ ਭਰਤੀ ਕੀਤੀ ਜਾਵੇਗੀ, ਕਿਉਂਕਿ ਇਸ ਦੇ ਬਾਰੇ ਸੁਪਰੀਮ ਕੋਰਟ ਨੇ ਅੰਤਿਮ ਫੈਸਲਾ ਦੇ ਦਿੱਤਾ ਹੈ।

ਦੱਸ ਦੇਈਏ ਕਿ 2 ਜੂਨ ਨੂੰ ਸਹਾਇਕ ਅਧਿਆਪਕਾਂ ਦੀਆਂ 69000 ਅਸਾਮੀਆਂ ਲਈ ਚੁਣੇ ਗਏ ਉਮੀਦਵਾਰਾਂ ਦੀ ਅੰਤਮ ਮੈਰਿਟ ਸੂਚੀ ਜਾਰੀ ਕੀਤੀ ਗਈ ਸੀ। ਚੁਣੇ ਗਏ ਉਮੀਦਵਾਰ ਅਧਿਕਾਰਤ ਵੈਬਸਾਈਟ upbasiseduboard.gov.in 'ਤੇ ਜਾ ਸਕਦੇ ਹਨ ਅਤੇ ਪੂਰੀ ਸੂਚੀ ਵੇਖ ਸਕਦੇ ਹਨ। ਚੁਣੇ ਗਏ ਉਮੀਦਵਾਰਾਂ ਨੂੰ ਜ਼ਿਲ੍ਹਾ ਅਲਾਟ ਕਰ ਦਿੱਤਾ ਗਿਆ ਹੈ। ਇਸ ਸੰਬੰਧੀ ਵੇਰਵੇ ਵੈਬਸਾਈਟ ਤੇ ਉਪਲਬਧ ਹਨ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।