ਅਲਵਰ ਪੁਲਿਸ ਨੇ ਪਹਿਲੂ ਖ਼ਾਨ ਦੇ ਬੇਟੇ ਵਿਰੁਧ ਅੱਗੇ ਜਾਂਚ ਦੀ ਮੰਗੀ ਮਨਜ਼ੂਰੀ
ਪਹਿਲੂ ਖ਼ਾਨ ਦਾ ਨਾਮ ਆਰੋਪ ਪੱਤਰ ਹਟਾ ਦਿੱਤਾ ਗਿਆ ਹੈ।
ਨਵੀਂ ਦਿੱਲੀ: ਗੈਰ ਕਾਨੂੰਨੀ ਤਰੀਕੇ ਨਾਲ ਗਊਆਂ ਦੀ ਢੁਹਾਈ ਕੇਸ ਵਿਚ ਅਲਵਰ ਪੁਲਿਸ ਨੇ ਕੋਰਟ ਤੋਂ ਪਹਿਲੂ ਖ਼ਾਨ ਦੇ ਦੋ ਬੇਟਿਆਂ ਵਿਰੁਧ ਅੱਗੇ ਜਾਂਚ ਕਰਨ ਦੀ ਆਗਿਆ ਮੰਗੀ ਹੈ। ਪਹਿਲੂ ਖ਼ਾਨ ਦੀ ਇਕ ਅਪ੍ਰੈਲ 2017 ਨੂੰ ਕੁੱਝ ਕਥਿਤ ਗਊ ਰੱਖਿਅਕਾਂ ਨੇ ਅਲਵਰ ਵਿਚ ਕੁੱਟਮਾਰ ਕੀਤੀ ਸੀ। ਬਾਅਦ ਵਿਚ ਪਹਿਲੂ ਖ਼ਾਨ ਦੀ ਹਸਪਤਾਲ ਵਿਚ ਮੌਤ ਹੋ ਗਈ ਸੀ। ਪਹਿਲੂ ਖ਼ਾਨ ਅਤੇ ਉਸ ਦੇ ਦੋ ਪੁੱਤਰ ਮਾਸ ਲੈ ਕੇ ਨੂੰਹ ਜਾ ਰਹੇ ਸਨ ਅਤੇ ਲੋਕਾਂ ਨੇ ਉਹਨਾਂ ਤੇ ਗਊ ਤਸਕਰੀ ਦਾ ਸ਼ੱਕ ਸੀ।
ਪਹਿਲੂ ਖ਼ਾਨ ਦੇ ਬੇਟੇ ਨੇ ਦਸਿਆ ਕਿ ਉਹ ਅਲਵਰ ਦੇ ਟਪੂਕੜਾ ਵਿਚ ਜਾਨਵਰ ਵੇਚਣ ਜਾ ਰਹੇ ਸਨ ਅਤੇ ਟ੍ਰਕ ਆਪਰੇਟਰ ਨੇ ਦਾਅਵਾ ਕੀਤਾ ਕਿ ਉਸ ਨੇ ਅਪਣਾ ਵਾਹਨ ਘਟਨਾ ਹੋਣ ਤੋਂ ਪਹਿਲਿਂ ਕਿਸੇ ਦੂਜੇ ਵਿਅਕਤੀ ਨੂੰ ਵੇਚ ਦਿੱਤਾ ਸੀ। ਪੁਲਿਸ ਨੇ ਪਹਿਲੂ ਖ਼ਾਨ ਦੇ ਦੋਵਾਂ ਬੇਟਿਆਂ ਇਰਸ਼ਾਦ ਅਤੇ ਆਰਿਫ਼ ਅਤੇ ਟ੍ਰਕ ਆਪਰੇਟਰ ਖ਼ਾਨ ਮੁਹੰਮਦ ਵਿਰੁਧ ਇਸ ਸਾਲ ਮਈ ਵਿਚ ਚਾਰਜਸ਼ੀਟ ਪਹਿਲਾਂ ਤੋਂ ਦਾਇਰ ਕਰ ਦਿੱਤੀ ਹੈ।
ਸਾਰੇ ਆਰੋਪੀਆਂ ਨੂੰ ਰਾਜਸਥਾਨ ਪਸ਼ੂ ਪਾਲਣ ਐਕਟ 1995 ਦੀਆਂ ਕਈ ਧਾਰਾਵਾਂ ਵਿਚ ਆਰੋਪੀ ਮੰਨਿਆ ਗਿਆ ਹੈ। ਪਹਿਲੂ ਖ਼ਾਨ ਦਾ ਨਾਮ ਆਰੋਪ ਪੱਤਰ ਹਟਾ ਦਿੱਤਾ ਗਿਆ ਹੈ ਕਿਉਂ ਕਿ ਉਸ ਦੀ ਮੌਤ ਹੋ ਚੁੱਕੀ ਹੈ।