Tamil Nadu News : ਮੰਦਿਰਾਂ 'ਚ ਹੋ ਰਹੀ ਹੈ ਪਾਰਵਤੀ ਦੀ ਪੂਜਾ , ਮੇਲੇ 'ਚ ਲੱਗੇ ਪੋਰਨ ਸਟਾਰ ਮੀਆ ਖਲੀਫਾ ਦੇ ਪੋਸਟਰ , ਤਾਮਿਲਨਾਡੂ 'ਚ ਹੰਗਾਮਾ
ਮੀਆ ਖਲੀਫਾ ਦੀ ਤਸਵੀਰ ਵਾਲਾ ਇਹ ਬੋਰਡ ਆਦੀ ਤਿਉਹਾਰ ਦੌਰਾਨ ਦੇਖਿਆ ਗਿਆ
Tamil Nadu News : ਤਾਮਿਲਨਾਡੂ ਦੇ ਕਾਂਚੀਪੁਰਮ ਇਲਾਕੇ ਵਿੱਚ ਇੱਕ ਧਾਰਮਿਕ ਤਿਉਹਾਰ ਦੌਰਾਨ ਇੱਕ ਹੋਰਡਿੰਗ ਨੂੰ ਲੈ ਕੇ ਵਿਵਾਦ ਖੜ੍ਹਾ ਹੋ ਗਿਆ ਹੈ। ਇਸ ਹੋਰਡਿੰਗ 'ਚ ਸਾਬਕਾ ਪੋਰਨ ਸਟਾਰ ਮੀਆ ਖਲੀਫਾ ਦੀ ਤਸਵੀਰ ਛਪੀ ਹੈ।
ਰਿਪੋਰਟ ਮੁਤਾਬਕ ਮੀਆ ਖਲੀਫਾ ਦੀ ਤਸਵੀਰ ਵਾਲਾ ਇਹ ਬੋਰਡ ਆਦੀ ਤਿਉਹਾਰ ਦੌਰਾਨ ਦੇਖਿਆ ਗਿਆ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਮੌਕੇ 'ਤੇ ਤਾਮਿਲਨਾਡੂ ਦੇ ਮੰਦਰਾਂ 'ਚ ਦੇਵੀ ਅੰਮਾਨ (ਪਾਰਵਤੀ) ਦੀ ਪੂਜਾ ਕੀਤੀ ਜਾਂਦੀ ਹੈ।
ਖ਼ਬਰਾਂ ਅਨੁਸਾਰ ਕੁਰੂਵਿਮਲਾਈ ਦੇ ਨਾਗਥੰਮਨ ਅਤੇ ਸੇਲੀਅਮਮਨ ਮੰਦਰਾਂ ਵਿੱਚ ਤਿਉਹਾਰ ਮਨਾਉਣ ਲਈ ਹੋਰਡਿੰਗਜ਼ ਅਤੇ ਲਾਈਟਾਂ ਸਜਾਵਟ ਵਜੋਂ ਲਗਾਈਆਂ ਗਈਆਂ ਸਨ। ਇਨ੍ਹਾਂ 'ਚੋਂ ਇਕ ਹੋਰਡਿੰਗ 'ਚ ਦੇਵਤਿਆਂ ਨਾਲ ਮੀਆ ਖਲੀਫਾ ਦੀ ਤਸਵੀਰ ਨੇ ਲੋਕਾਂ ਨੂੰ ਹੈਰਾਨ ਕਰ ਦਿੱਤਾ।
ਦੱਸਿਆ ਜਾ ਰਿਹਾ ਹੈ ਕਿ ਹੋਰਡਿੰਗ ਲਗਾਉਣ ਵਾਲਿਆਂ ਨੇ ਇਸ 'ਤੇ ਆਧਾਰ ਕਾਰਡ ਵਰਗੇ ਫਾਰਮੈਟ 'ਚ ਆਪਣੀ ਫੋਟੋ ਵੀ ਲਗਾਈ ਸੀ। ਤਸਵੀਰ ਵਾਇਰਲ ਹੋਣ ਤੋਂ ਬਾਅਦ ਪੁਲਿਸ ਨੇ ਇਸ ਨੂੰ ਹਟਾ ਕੇ ਕਾਰਵਾਈ ਕੀਤੀ।