ਸੈਨਾ ਨੇ ਬਰਫਬਾਰੀ 'ਚ ਫਸੇ ਸੈਲਾਨੀਆਂ ਦਾ ਕੀਤਾ ਬਚਾਅ 

Rescue operation Army

ਗੰਗਟੋਕ: ਸਿੱਕਮ 'ਚ ਫੌਜ ਨੇ ਇਕ ਰੈਸਕਿਊ ਅਪਰੇਸ਼ਨ ਦੇ ਤਹਿਤ ਬਰਫਬਾਰੀ 'ਚ ਫਸੇ ਤਕਰੀਬਨ 150 ਸੈਲਾਨੀਆਂ ਨੂੰ ਬਾਹਰ ਕੱਢਿਆ ਹੈ। ਇਹ ਸੈਲਾਨੀ ਭਾਰੀ ਬਰਫਬਾਰੀ ਤੋਂ ਬਾਅਦ ਰਸਤਾ ਜਾਮ ਹੋਣ ਕਾਰਨ ਘਾਟੀ 'ਚ ਫਸੇ ਹੋਏ ਸਨ। ਕੁੱਝ ਹੀ ਦਿਨਾਂ ਪਹਿਲਾਂ ਫੌਜ ਨੇ ਸਿੱਕਮ 'ਚ ਹੀ ਇਕ ਹੋਰ ਵੱਡੇ ਰੈਸਕਿਊ ਅਪਰੇਸ਼ਨ ਨੂੰ ਅੰਜਾਮ ਦਿਤਾ ਸੀ। ਇਸ ਆਪਰੇਸ਼ਨ 'ਚ ਫੌਜ ਦੇ ਜਵਾਨਾਂ ਨੇ ਗੰਗਟੋਕ ਅਤੇ ਨਾਥੂ-ਲਿਆ ਦੇ ਰਸਤੇ 'ਚ ਫਸੇ ਤਕਰੀਬਨ 3 ਹਜ਼ਾਰ ਸੈਲਾਨੀਆਂ ਨੂੰ ਬਾਹਰ ਕੱਢਿਆ ਸੀ।

ਇਸ ਦੌਰਾਨ ਫੌਜ ਦੇ ਜਵਾਨਾਂ ਨੇ ਟੂਰਿਸਟਸ ਨੂੰ ਰਾਹਤ ਦੇਣ ਲਈ ਅਪਣੇ ਬੈਰਕ ਖਾਲੀ ਕਰ ਦਿਤੇ ਸਨ ਅਤੇ ਉਨ੍ਹਾਂ ਨੂੰ ਖਾਣ ਲਈ ਅਪਣਾ ਭੋਜਨ ਵੀ ਦਿਤੇ ਸੀ।  
ਪੂਰਬੀ ਕਮਾਨ ਮੁੱਖ ਦਫਤਰ ਦੇ ਇਕ ਉੱਚ ਅਧਿਕਾਰੀ ਦੇ ਮੁਤਾਬਕ ਬੁੱਧਵਾਰ ਨੂੰ ਤਿੰਨ ਸ਼ਕਤੀ  ਕਾਰਪਸ ਦੇ ਜਵਾਨਾਂ ਨੇ ਸੈਲਾਨੀਆਂ ਦੇ ਵਾਹਨਾਂ ਦੇ ਗ਼ੀਰੋ ਤੋਂ ਘੱਟ ਤਾਪਮਾਨ 'ਚ ਫਸੇ ਹੋਣ ਦੀ ਜਾਣਕਾਰੀ ਮਿਲਣ ਤੋਂ ਬਾਅਦ ਤੁਰਤ ਕਾਰਵਾਈ ਸ਼ੁਰੂ ਕਰ ਦਿਤੀ ਅਤੇ ਉਨ੍ਹਾਂ ਨੂੰ ਮੈਡੀਕਲ ਸੁਵਿਧਾਵਾਂ ਦਿੰਦੇ ਹੋਏ ਨਜ਼ਦੀਕੀ ਆਰਮੀ ਕੈਂਪਸ ਤੱਕ ਪਹੁੰਚਾਇਆ ਗਿਆ।

ਤਕਰੀਬਨ 4 ਘੰਟੇ ਤੱਕ ਫੌਜ ਦੇ ਜਵਾਨ ਅਪਣੀ ਜਾਨ ਜੋਖਮ 'ਚ ਪਾਉਂਦੇ ਹੋਏ ਬਰਫਬਾਰੀ 'ਚ ਫਸੇ ਸੈਲਾਨੀਆਂ ਨੂੰ ਬਾਹਰ ਕੱਢਣੇ 'ਚ ਲੱਗੇ ਰਹੇ। ਸੈਨਿਕਾਂ ਨੇ ਇਕ ਮਹਿਲਾ ਟੂਰਿਸਟਸ ਦੇ ਹੱਥ 'ਚ ਫਰੈਕਚਰ ਹੋਣ 'ਤੇ ਉਸ ਨੂੰ ਦਵਾਈਆਂ ਉਪਲੱਬਧ ਕਰਾਉਣ ਤੋਂ ਇਲਾਵਾ ਕਈ ਅਜਿਹੇ ਸੈਲਾਨੀਆਂ ਨੂੰ ਮੈਡੀਕਲ ਟ੍ਰੀਟਮੈਂਟ ਦੀ ਸਹੂਲਤ ਉਪਲੱਬਧ ਕਰਵਾਈ ਜਿਨ੍ਹਾਂ ਨੂੰ ਚੱਕਰ ਆਉਣ, ਥਕਾਣ, ਸਾਹ ਲੈਣ 'ਚ ਮੁਸ਼ਕਿਲ ਵਰਗੇ ਲੱਛਣ ਮਹਿਸੂਸ ਹੋ ਰਹੇ ਸਨ।  

ਰੈਸਕਿਊ ਆਪਰੇਸ਼ਨ ਤੋਂ ਬਾਅਦ ਬਾਹਰ ਕੱਢੇ ਗਏ ਸੈਲਾਨੀਆਂ ਨੂੰ ਰਹਿਣ ਲਈ ਸ਼ਿਵਿਰ ਅਤੇ ਖਾਣ ਲਈ ਭੋਜਨ ਵੀ ਆਰਮੀ ਨੇ ਉਪਲੱਬਧ ਕਰਾਇਆ। ਫੌਜ ਦੇ ਜਵਾਨਾਂ ਦੀ ਅਜਿਹੀ ਹਲਾਤ ਨੂੰ ਵੇਖ ਕੇ ਹਰ ਸੈਲਾਨੀ ਭਾਵੁਕ ਸੀ। ਉਨ੍ਹਾਂ ਦੇ ਲਈ ਫੌਜ ਦੇ ਜਵਾਨਾਂ ਨੂੰ ਧੰਨਵਾਦ ਕਹਿਣ ਲਈ ਸ਼ਬਦ ਨਹੀਂ ਮਿਲ ਰਹੇ ਸਨ ਪਰ ਉਨ੍ਹਾਂ ਦੇ ਚਿਹਰੇ ਦੀ ਮੁਸਕਾਨ ਬਿਨਾਂ ਸ਼ਬਦਾਂ ਦੇ ਹੀ ਸਭ ਕੁੱਝ ਕਹਿ ਦੇਣ ਲਈ ਸਮਰੱਥ ਸੀ।

ਆਰਮੀ ਸੂਤਰਾਂ ਮੁਤਾਬਕ ਸੈਲਾਨੀ ਏਰੀਆ 'ਚ ਰੈਸਕਿਊ ਆਪਰੇਸ਼ਨ ਦੇਰ ਰਾਤ ਤੱਕ ਚੱਲਦਾ ਰਹੇਗਾ।  ਵੀਰਵਾਰ ਨੂੰ ਬਚਾਏ ਗਏ ਸੈਲਾਨੀਆਂ ਨੂੰ ਗੰਗਟੋਕ ਤੋਂ ਲਿਆਇਆ ਜਾਵੇਗਾ, ਜਿਸ ਤੋਂ ਬਾਅਦ ਉਹ ਅਪਣੇ ਘਰ ਨੂੰ ਜਾ ਸਕਣਗੇ।