PM ਮੋਦੀ ਦੀ ਸੁਰੱਖਿਆ 'ਚ ਕੁਤਾਹੀ 'ਤੇ ਸਾਇਨਾ ਦੇ ਟਵੀਟ 'ਤੇ ਅਦਾਕਾਰ ਸਿਧਾਰਥ ਨੇ ਕੀਤੀ ਟਿੱਪਣੀ

photo

 

 ਨਵੀਂ ਦਿੱਲੀ: ਭਾਰਤ ਦੀ ਸਟਾਰ ਸ਼ਟਲਰ ਸਾਇਨਾ ਨੇਹਵਾਲ ਨੇ ਵੀ ਪੰਜਾਬ 'ਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਸੁਰੱਖਿਆ ਦੀ ਉਲੰਘਣਾ 'ਤੇ ਪ੍ਰਤੀਕਿਰਿਆ ਦਿੱਤੀ ਹੈ। ਸਾਇਨਾ ਨੇਹਵਾਲ ਦੇ ਟਵੀਟ 'ਤੇ ਤਮਿਲ ਅਦਾਕਾਰ ਸਿਧਾਰਥ ਨੇ ਵੀ ਟਿੱਪਣੀ ਕੀਤੀ ਹੈ। ਸਿਧਾਰਥ ਨੇ #ਰਿਹਾਨਾ ਦੇ ਨਾਲ ਟਵੀਟ ਕੀਤਾ ਕਿ ਵਿਸ਼ਵ ਦੀ ਐਸਟਰਲ ਰੂਸਟਰ ਚੈਂਪੀਅਨ...ਰੱਬ ਦਾ ਸ਼ੁਕਰ ਹੈ ਸਾਡੇ ਕੋਲ ਭਾਰਤ ਦੇ ਰਾਖੇ ਹਨ।
 

 

ਸਿਧਾਰਥ ਦੇ ਇਸ ਟਵੀਟ ਤੋਂ ਬਾਅਦ ਉਨ੍ਹਾਂ ਦੀ ਕਾਫੀ ਆਲੋਚਨਾ ਹੋ ਰਹੀ ਹੈ। ਯੂਜ਼ਰਸ ਨੇ ਲਿਖਿਆ ਕਿ ਸਿਧਾਰਥ ਨੇ ਸਾਇਨਾ 'ਤੇ ਅਪਮਾਨਜਨਕ ਟਿੱਪਣੀ ਕੀਤੀ ਹੈ। ਦੱਸ ਦੇਈਏ ਕਿ ਸਾਇਨਾ ਨੇਹਵਾਲ ਨੇ ਟਵੀਟ ਕਰਕੇ ਕਿਹਾ ਸੀ ਕਿ ਦੇਸ਼ ਦੇ ਪ੍ਰਧਾਨ ਮੰਤਰੀ ਦੀ ਸੁਰੱਖਿਆ ਨਾਲ ਜੋ ਕੁਝ ਹੋਇਆ ਹੈ, ਉਹ ਗਲਤ ਹੈ। ਸਾਇਨਾ ਨੇ ਟਵੀਟ ਕੀਤਾ ਕਿ "ਕੋਈ ਵੀ ਦੇਸ਼ ਸੁਰੱਖਿਅਤ ਹੋਣ ਦਾ ਦਾਅਵਾ ਨਹੀਂ ਕਰ ਸਕਦਾ ਜੇਕਰ ਉਸ ਦੇ ਆਪਣੇ ਪ੍ਰਧਾਨ ਮੰਤਰੀ ਦੀ ਸੁਰੱਖਿਆ ਨਾਲ ਸਮਝੌਤਾ ਕੀਤਾ ਜਾਂਦਾ ਹੈ, ਮੈਂ ਸਭ ਤੋਂ ਸਖ਼ਤ ਸ਼ਬਦਾਂ ਵਿੱਚ, ਮੈਂ ਅਰਾਜਕਤਾਵਾਦੀਆਂ ਦੁਆਰਾ ਪੀਐਮ ਮੋਦੀ 'ਤੇ ਕਾਇਰਾਨਾ ਹਮਲੇ ਦੀ ਨਿੰਦਾ ਕਰਦੀ ਹਾਂ।