ਬੈਂਗਲੁਰੂ 'ਚ ਬੱਸ ਨੂੰ ਲੱਗੀ ਭਿਆਨਕ ਅੱਗ, ਜ਼ਿੰਦਾ ਸੜਿਆ ਡਰਾਈਵਰ

ਬੈਂਗਲੁਰੂ : ਬੈਂਗਲੁਰੂ ਦੇ ਲਿੰਗਧੀਰਨਹੱਲੀ 'ਚ ਸ਼ੁੱਕਰਵਾਰ ਸਵੇਰੇ ਡਿਪੂ 'ਚ ਖੜ੍ਹੀ ਬੱਸ 'ਚ ਅੱਗ ਲੱਗ ਗਈ। ਇਸ ਹਾਦਸੇ 'ਚ ਬੱਸ 'ਚ ਸੁੱਤੇ ਪਏ ਕੰਡਕਟਰ ਦੀ ਸੜ ਕੇ ਮੌਤ ਹੋ ਗਈ। ਅੱਗ ਲੱਗਣ ਦੇ ਕਾਰਨਾਂ ਦਾ ਪਤਾ ਨਹੀਂ ਲੱਗ ਸਕਿਆ। ਜਦੋਂ ਬੱਸ ਨੂੰ ਅੱਗ ਲੱਗੀ ਤਾਂ 45 ਸਾਲਾ ਮੁਥੱਈਆ ਸਵਾਮੀ ਬੇਹੋਸ਼ ਹੋ ਗਿਆ, ਜਿਸ ਕਾਰਨ ਉਹ ਬੱਸ ਤੋਂ ਬਾਹਰ ਨਹੀਂ ਨਿਕਲ ਸਕਿਆ ਅਤੇ ਸੜ ਕੇ ਮਰ ਗਿਆ। ਘਟਨਾ ਸਮੇਂ ਥਾਣਾ ਬਦਰਾਹਲੀ ਦੀ ਗਸ਼ਤ ਟੀਮ ਉੱਥੋਂ ਲੰਘ ਰਹੀ ਸੀ। ਉਸ ਨੇ ਫਾਇਰ ਬ੍ਰਿਗੇਡ ਨੂੰ ਸੂਚਨਾ ਦਿੱਤੀ। ਪੁਲਿਸ ਹਾਦਸੇ ਦੀ ਜਾਂਚ ਕਰ ਰਹੀ ਹੈ।

ਇਹ ਵੀ ਪੜ੍ਹੋ : ਜਰਮਨੀ 'ਚ ਚਰਚ 'ਚ ਹੋਈ ਅੰਨ੍ਹੇਵਾਹ ਗੋਲੀਬਾਰੀ, 8 ਦੀ ਮੌਤ

ਖਬਰਾਂ ਮੁਤਾਬਕ ਮੁਥੱਈਆ ਜੋ ਬੀ.ਐੱਮ.ਟੀ.ਸੀ.ਵਿਚ ਕੰਮ ਕਰਦੇ ਹਨ। ਕੁਝ ਸਮੇਂ ਪਹਿਲਾਂ ਡਿਪੂ 31 'ਚ ਬਤੌਰ ਮੈਨੇਜਰ ਵਜੋਂ ਸ਼ਿਫਟ ਹੋਏ ਸਨ। ਉਹ ਇੱਥੇ ਕੰਡਕਟਰ ਸੀ। ਰਾਤ 10.30 ਵਜੇ ਆਪਣੀ ਸ਼ਿਫਟ ਖਤਮ ਕਰਨ ਤੋਂ ਬਾਅਦ ਉਹ ਡਰਾਈਵਰ ਨਾਲ ਲਿੰਗਧੀਰਾਨਹੱਲੀ ਬੱਸ ਸਟੈਂਡ ਪਹੁੰਚਿਆ। ਡਰਾਈਵਰ ਪ੍ਰਕਾਸ਼ ਡਿਪੂ ਦੀ ਇਮਾਰਤ ਵਿੱਚ ਇੱਕ ਸ਼ੈਲਟਰ ਵਿੱਚ ਸੌਂ ਗਿਆ, ਜਦੋਂ ਕਿ ਮੁਥੱਈਆ ਬੱਸ ਵਿੱਚ ਹੀ ਸੌਂ ਗਿਆ।

ਇਹ ਵੀ ਪੜ੍ਹੋ :ਅਬੋਹਰ 'ਚ ਧੀ ਨੂੰ ਮਿਲਣ ਜਾ ਰਹੇ ਪਿਓ-ਪੁੱਤ ਨਾਲ ਵਾਪਰਿਆ ਦਰਦਨਾਕ ਹਾਦਸਾ, ਪਿਓ ਦੀ ਮੌਤ  

ਪੁਲਿਸ ਨੇ ਮੁਥੱਈਆ ਦੀ ਲਾਸ਼ ਨੂੰ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ। ਜਦੋਂਕਿ ਹੋਰ ਪੁੱਛਗਿੱਛ ਕੀਤੀ ਜਾ ਰਹੀ ਹੈ। ਜਿਸ ਬੱਸ ਨੂੰ ਅੱਗ ਲੱਗੀ ਉਹ ਟਾਟਾ ਕੰਪਨੀ ਤੋਂ 2016 ਵਿੱਚ ਖਰੀਦੀ ਗਈ ਸੀ ਅਤੇ ਬੀਐਸ4 2016 ਮਾਡਲ ਦੀ ਹੈ। 2017 ਵਿੱਚ, ਇਸਨੂੰ BMTC ਫਲੀਟ ਵਿੱਚ ਸ਼ਾਮਲ ਕੀਤਾ ਗਿਆ ਸੀ। ਅੱਗ ਲੱਗਣ ਤੋਂ ਪਹਿਲਾਂ ਇਹ ਲਗਭਗ 3.75 ਲੱਖ ਕਿਲੋਮੀਟਰ ਦਾ ਸਫ਼ਰ ਤੈਅ ਕਰ ਚੁੱਕੀ ਸੀ। ਫਿਲਹਾਲ ਇਸ ਹਾਦਸੇ ਕਾਰਨ ਡਰਾਈਵਰ ਸਦਮੇ 'ਚ ਹੈ। ਪੁਲਿਸ ਦੇ ਸਾਹਮਣੇ ਸਵਾਲ ਖੜ੍ਹਾ ਹੋ ਗਿਆ ਹੈ ਕਿ ਮੁਥੱਈਆ ਸਵਾਮੀ ਦੀ ਮੌਤ ਦਾ ਜ਼ਿੰਮੇਵਾਰ ਕੌਣ ਹੈ।

ਇਹ ਵੀ ਪੜ੍ਹੋ :ਲੁਧਿਆਣਾ 'ਚ ਛੁੱਟੀਆਂ ਲਈ ਬਾਹਰ ਘੁੰਮਣ ਗਏ ਜੱਜ ਦੇ ਘਰ ਚੋਰੀ, ਬਾਥਰੂਮ ਦੀਆਂ ਟੂਟੀਆਂ ਵੀ ਨਾਲ ਲੈ ਗਏ ਚੋਰ