ਪੱਥਰਬਾਜ਼ਾਂ ਦੇ ਹਮਲੇ ਵਿਚ ਮਾਰੇ ਗਏ ਸੈਲਾਨੀ ਦਾ ਸਸਕਾਰ, ਮਾਂ ਨੇ ਕਿਹਾ-ਮੇਰੇ ਬੇਟੇ ਦਾ ਕਸੂਰ ਕੀ ਸੀ?

Tourists parents whose son get killed in jammu

ਚੇਨਈ,ਕਸ਼ਮੀਰ ਵਿਚ ਪੱਥਰਬਾਜ਼ਾਂ ਦੇ ਹਮਲੇ ਵਿਚ ਮਾਰੇ ਗਏ 22 ਸਾਲਾ ਸੈਲਾਨੀ ਤਿਰੂਮਣੀਸੇਲਵਮ ਦੀ ਲਾਸ਼ ਨੂੰ ਸੇਜਲ ਅੱਖਾਂ ਨਾਲ ਕਬਰਿਸਤਾਨ ਵਿਚ ਦਫ਼ਨਾ ਦਿਤਾ ਗਿਆ। ਇਸ ਦੌਰਾਨ ਮ੍ਰਿਤਕ ਦੀ ਮਾਂ ਨੇ ਰੋਂਦੇ ਹੋਏ ਪੁਛਿਆ ਕਿ ਉਸ ਦੇ ਪੁੱਤਰ ਦਾ ਕਸੂਰ ਕੀ ਸੀ? ਤਿਰੂਮਣੀਸੇਲਵਮ ਅਪਣੀ ਮਾਤਾ, ਪਿਤਾ ਅਤੇ ਭੈਣ ਨਾਲ ਛੁੱਟੀਆਂ ਬਿਤਾਉਣ ਕਸ਼ਮੀਰ ਗਿਆ ਹੋਇਆ ਸੀ।

ਸ੍ਰੀਨਗਰ ਦੇ ਬਾਹਰੀ ਇਲਾਕੇ ਵਿਚ ਸੋਮਵਾਰ ਨੂੰ ਭਾਜੜ ਦੌਰਾਨ ਹੋਏ ਪਥਰਾਅ ਵਿਚ ਉਹ ਜ਼ਖ਼ਮੀ ਹੋ ਗਿਆ ਤੇ ਹਸਪਤਾਲ ਵਿਚ ਉਸ ਦੀ ਮੌਤ ਹੋ ਗਈ। ਉਸ ਦੀ ਮਾਂ ਵਾਰ ਵਾਰ ਕਹਿ ਰਹੀ ਸੀ, 'ਮੇਰੇ ਬੇਟੇ ਨੇ ਅਜਿਹਾ ਕੀ ਕੀਤਾ ਸੀ ਕਿ ਉਸ ਨੂੰ ਮਾਰ ਦਿਤਾ ਗਿਆ।' ਉਸ ਨੇ ਕਿਹਾ, 'ਕੀ ਉਹ ਸਿਰਫ਼ ਇਕ ਸੈਲਾਨੀ ਨਹੀਂ ਸੀ। ਇਹ ਸੱਭ ਕਿਉਂ ਹੋਇਆ।' (ਏਜੰਸੀ)