File

ਮੇਘਾਲਿਆ ਦੇ ਪੱਛਮੀ ਜੈਨਤੀਆ ਹਿਲਜ਼ ਜ਼ਿਲ੍ਹੇ ਦੇ ਸੁਦੂਰ ਪਿੰਡ ਵਿਚ 6 ਲੋਕਾਂ ਦੀ ਮੌਤ ਦਾ ਕਾਰਨ ਬਣੇ ਜ਼ਹਿਰੀਲੇ ਮਸ਼ਰੂਮ ਦੀ ਪਛਾਣ ਅਮਾਨਿਤਾ ਫੈਲੋਇਡਜ਼ ਵਜੋਂ ਕੀਤੀ ਗਈ ਹੈ। ਇਕ ਸੀਨੀਅਰ ਅਧਿਕਾਰੀ ਨੇ ਸ਼ਨੀਵਾਰ ਨੂੰ ਕਿਹਾ ਕਿ ਇਸ ਨੂੰ ਆਮ ਤੌਰ 'ਤੇ 'ਡੈਥ ਕੈਪ' ਮਸ਼ਰੂਮ ਕਿਹਾ ਜਾਂਦਾ ਹੈ। ਪਿਛਲੇ ਮਹੀਨੇ, ਅਮਲਾਰੇਮ ਸਿਵਲ ਸਬ-ਡਵੀਜ਼ਨ ਵਿਚ ਭਾਰਤ-ਬੰਗਲਾਦੇਸ਼ ਸਰਹੱਦ ਦੇ ਨੇੜੇ ਸਥਿਤ ਲਾਮਿਨ ਪਿੰਡ ਦੇ ਛੇ ਲੋਕਾਂ ਦੀ ਮਸ਼ਰੂਮ ਖਾਣ ਤੋਂ ਬਾਅਦ ਮੌਤ ਹੋ ਗਈ ਸੀ।

ਜਿਸ ਨੂੰ ਉਹ ਨੇੜਲੇ ਜੰਗਲ ਤੋਂ ਤੋੜ ਕੇ ਲੈ ਆਏ  ਸੀ। ਮ੍ਰਿਤਕਾਂ ਵਿਚ ਇਕ 14 ਸਾਲਾਂ ਲੜਕੀ ਵੀ ਸ਼ਾਮਲ ਸੀ। ਰਾਜ ਸਿਹਤ ਸੇਵਾਵਾਂ ਦੇ ਨਿਰਦੇਸ਼ਕ ਡਾ. ਅਮਨ ਵਰ ਨੇ ਦੱਸਿਆ ਕਿ ਇਸ ਜੰਗਲੀ ਮਸ਼ਰੂਮ ਦੀ ਪਛਾਣ ਅਮਿਨੀਤਾ ਫੈਲੋਇਡ ਵਜੋਂ ਹੋਈ ਹੈ ਜੋ ਸਿੱਧਾ ਜਿਗਰ ਨੂੰ ਨੁਕਸਾਨ ਪਹੁੰਚਾਉਂਦੀ ਹੈ।

ਉਨ੍ਹਾਂ ਕਿਹਾ ਕਿ ਜ਼ਹਿਰੀਲੇ ਮਸ਼ਰੂਮ ਨੂੰ ਮੌਤ ਦਾ ਕਾਰਨ ਮੰਨਣ ਤੋਂ ਬਾਅਦ ਜਾਂਚ ਨੇ ਇਸ ਦੀ ਪੁਸ਼ਟੀ ਕੀਤੀ ਹੈ। ਮਸ਼ਰੂਮ ਖਾਣ ਤੋਂ ਬਾਅਦ ਤਿੰਨ ਪਰਿਵਾਰਾਂ ਵਿਚੋਂ ਘੱਟੋ ਘੱਟ 18 ਲੋਕ ਬੀਮਾਰ ਹੋ ਗਏ। ਸੀਨੀਅਰ ਡਾਕਟਰ ਨੇ ਕਿਹਾ ਕਿ ਜ਼ਹਿਰੀਲੇ ਮਸ਼ਰੂਮ ਖਾਣ ਤੋਂ ਬਾਅਦ, ਉਲਟੀਆਂ, ਸਿਰਦਰਦ ਅਤੇ ਬੇਹੋਸ਼ੀ ਵਰਗੇ ਲੱਛਣ ਆਉਂਦੇ ਹਨ।

ਉਸ ਨੇ ਕਿਹਾ ਕਿ ਗਰਭਵਤੀ ਔਰਤ ਸਮੇਤ ਹੋਰ ਬਹੁਤ ਸਾਰੇ ਬਿਮਾਰ ਹੋ ਗਏ ਸਨ ਅਤੇ ਉਹ ਘਰ ਵਾਪਸ ਚਲੇ ਗਏ ਸਨ। ਇਸ ਲਈ ਸੇਵਨ ਕਰਨ ਤੋਂ ਬਾਅਦ ਵੀ ਲੋਕਾਂ ਨੂੰ ਬਚਾਇਆ ਜਾ ਸਕਦਾ ਹੈ ਕਿਉਂਕਿ ਇਹ ਨਿਰਭਰ ਕਰਦਾ ਹੈ ਕਿ ਤੁਸੀਂ ਇਸ ਦੀ ਕਿੰਨੀ ਮਾਤਰਾ ਦਾ ਸੇਵਨ ਕੀਤਾ ਹੈ। ਉਸ ਨੇ ਕਿਹਾ ਕਿ ਇਸ ਨਾਲ ਸਿਰਫ ਇਕ ਵਿਅਕਤੀ ਨੂੰ ਪ੍ਰਭਾਵਤ ਨਹੀਂ ਹੋਇਆ ਕਿਉਂਕਿ ਉਸ ਨੇ ਸ਼ਾਇਦ ਇਸਦਾ ਜ਼ਿਆਦਾ ਮਾਤਰਾ ਵਿਚ ਸੇਵਨ ਨਹੀਂ ਕੀਤਾ ਹੈ।

ਡਾ. ਵਾਰ ਨੇ ਦੱਸਿਆ ਕਿ ਤਿੰਨ ਵਿਅਕਤੀ ਅਜੇ ਵੀ ਇਲਾਜ ਅਧੀਨ ਹਨ ਅਤੇ ਉਹ ਠੀਕ ਹੋ ਰਹੇ ਹਨ। ਦੋ ਵਿਅਕਤੀ ਉੱਤਰ ਪੂਰਬ ਦੀ ਇੰਦਰਾ ਗਾਂਧੀ ਨੈਸ਼ਨਲ ਇੰਸਟੀਚਿਊਟ ਆਫ਼ ਹੈਲਥ ਐਂਡ ਮੈਡੀਕਲ ਸਾਇੰਸਜ਼ ਵਿਚ ਦਾਖਲ ਹਨ ਅਤੇ ਇਕ ਵਿਅਕਤੀ ਵੁੱਡਲੈਂਡ ਹਸਪਤਾਲ ਵਿਚ ਦਾਖਲ ਹੈ।

ਉਨ੍ਹਾਂ ਕਿਹਾ ਕਿ ਸਿਹਤ ਵਿਭਾਗ ਲੋਕਾਂ, ਖ਼ਾਸਕਰ ਪੇਂਡੂ ਖੇਤਰਾਂ ਵਿਚ ਰਹਿਣ ਵਾਲੇ ਲੋਕਾਂ ਨੂੰ ਜੰਗਲੀ ਮਸ਼ਰੂਮ ਨਾ ਖਾਣ ਦੀ ਅਪੀਲ ਕਰ ਸਕਦਾ ਹੈ, ਜਦਕਿ ਬਾਗਬਾਨੀ ਵਿਭਾਗ ਨੂੰ ਜਾਗਰੂਕਤਾ ਪੈਦਾ ਕਰਨ ਲਈ ਕਦਮ ਚੁੱਕਣੇ ਚਾਹੀਦੇ ਹਨ। 

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।