Sikh Boy In Army : ਨੇਪਾਲ ਦੀ ਫ਼ੌਜ ’ਚ ਪਹਿਲੀ ਵਾਰੀ ਸਿੱਖਾਂ ਨੂੰ ਮਿਲੀ ਨੁਮਾਇੰਦਗੀ

Sikhs get representation in Nepal's army

Sikh Boy In Army : ਨੇਪਾਲ ਦੀ ਫ਼ੌਜ ’ਚ ਪਹਿਲੀ ਵਾਰੀ ਸਿੱਖਾਂ ਨੂੰ ਵੀ ਨੁਮਾਇੰਦਗੀ ਮਿਲੀ ਹੈ। ਸਿਪਾਹੀ ਕਨ ਸਿੰਘ ਨੂੰ ਸ਼ੁਕਰਵਾਰ ਨੂੰ ਅਛਮ ’ਚ ਹੋਈ ਪਾਸਿੰਗ ਆਊਟ ਪਰੇਡ ’ਚ ਨੇਪਾਲੀ ਫ਼ੌਜ ’ਚ ਸ਼ਾਮਲ ਕੀਤਾ ਗਿਆ ਹੈ।

ਬਾਂਕੇ ਜ਼ਿਲ੍ਹੇ ਦੇ ਜਾਨਕੀ ਪੇਂਡੂ ਨਗਰ ਪਾਲਿਕਾ-2 ਦੇ ਪਿੰਡ ਬਨਕਟਵਾ ਦੇ ਵਾਸੀ ਕਰਨ ਸਿੰਘ ਨੇ ਫ਼ੌਜ ’ਚ ਭਰਤੀ ’ਤੇ ਖ਼ੁਸ਼ੀ ਪ੍ਰਗਟਾਉਂਦਿਆਂ ਕਿਹਾ, ‘‘ਇਹ ਮੇਰੇ ਲਈ ਮਾਣ ਦੀ ਗੱਲ ਹੈ ਕਿ ਮੈਂ ਨੇਪਾਲੀ ਫ਼ੌਜ ਦਾ ਹਿੱਸਾ ਬਣ ਗਿਆ। ਮੈਂ ਦੇਸ਼ ਦੀ ਸੇਵਾ ਕਰਨ ਲਈ ਵਚਨਬੱਧ ਹਾਂ ਅਤੇ ਚਾਹੁੰਦਾ ਹਾਂ ਕਿ ਸਾਡੇ ਭਾਈਚਾਰੇ ਦੇ ਹੋਰ ਨੌਜੁਆਨ ਇਸ ਰਾਹ ’ਤੇ ਚੱਲਣ।’’ ਇਸ ਖ਼ਬਰ ਨਾਲ ਕਰਨ ਸਿੰਘ ਦੇ ਪਰਿਵਾਰ, ਪਿੰਡ ਅਤੇ ਸਿੱਖ ਭਾਈਚਾਰੇ ’ਚ ਖ਼ੁਸ਼ੀ ਦੀ ਲਹਿਰ ਹੈ।