ਸਕੂਲ ਖੋਲ੍ਹਣ ਦੀ ਤਿਆਰੀ, ਪਰ ਇਸ ਦੇਸ਼ 'ਚ 15 ਦਿਨਾਂ ਵਿਚ 97000 ਬੱਚੇ ਕੋਰੋਨਾ ਪਾਜ਼ੀਟਿਵ!

ਨਵੀਂ ਦਿੱਲੀ - ਦੁਨੀਆ ਭਰ ਦੇ ਵੱਖ-ਵੱਖ ਦੇਸ਼ਾਂ ਵਿਚ ਸਕੂਲ ਖੋਲ੍ਹਣ ਦੀਆਂ ਤਿਆਰੀਆਂ ਕੀਤੀਆਂ ਜਾ ਰਹੀਆਂ ਹਨ। ਉਸੇ ਸਮੇਂ, ਸੰਯੁਕਤ ਰਾਜ ਵਿਚ ਜੁਲਾਈ ਦੇ ਆਖਰੀ 15 ਦਿਨਾਂ ਵਿਚ ਲਗਭਗ 97,000 ਬੱਚੇ ਕੋਰੋਨਾ ਸੰਕਰਮਿਤ ਪਾਏ ਗਏ ਹਨ। ਅਮਰੀਕੀ ਅਕਾਦਮੀ ਆਫ ਪੀਡੀਏਟਰਿਕਸ ਨੇ ਇਕ ਰਿਪੋਰਟ ਵਿਚ ਇਹ ਅੰਕੜੇ ਜਾਰੀ ਕੀਤੇ ਹਨ। 

ਇਸ ਦੇ ਨਾਲ ਹੀ ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਅਮਰੀਕਾ ਵਿਚ ਕੁੱਲ 50 ਲੱਖ ਸੰਕਰਮਿਤ ਲੋਕਾਂ ਵਿਚੋਂ ਲਗਭਗ 3 ਲੱਖ 38 ਹਜ਼ਾਰ ਬੱਚੇ ਹਨ। ਇਹ ਅੰਕੜੇ ਸਾਹਮਣੇ ਆਉਣ ਤੋਂ ਬਾਅਦ, ਬਹੁਤ ਸਾਰੇ ਮਾਹਰਾਂ ਨੇ ਸਕੂਲ ਖੋਲ੍ਹਣ ਦੇ ਫੈਸਲੇ 'ਤੇ ਸਵਾਲ ਚੁੱਕੇ ਹਨ। ਸਿਰਫ਼ ਜੁਲਾਈ ਵਿਚ ਹੀ, ਅਮਰੀਕਾ ਵਿਚ ਕੋਰੋਨਾ ਵਾਇਰਸ ਨਾਲ ਲਗਭਗ 25 ਬੱਚਿਆਂ ਦੀ ਮੌਤ ਹੋ ਗਈ। ਉਸੇ ਸਮੇਂ, ਕੁਝ ਮਾਹਰ ਕਹਿੰਦੇ ਹਨ ਕਿ ਬੱਚਿਆਂ ਤੋਂ ਕੋਰੋਨਾ ਫੈਲਣ ਦਾ ਘੱਟ ਜੋਖਮ ਹੈ ਅਤੇ ਸੁਰੱਖਿਆ ਦੀਆਂ ਸਾਰੀਆਂ ਸਾਵਧਾਨੀਆਂ ਨਾਲ ਸਕੂਲ ਖੋਲ੍ਹਣੇ ਚਾਹੀਦੇ ਹਨ।

ਉਸੇ ਸਮੇਂ ਅਮਰੀਕਾ ਦੇ ਨਿਊਯਾਰਕ ਦੇ ਸਕੂਲਾਂ ਵਿਚ ਪੜ੍ਹ ਰਹੇ ਬੱਚਿਆਂ ਦੇ ਮਾਪਿਆਂ ਨੂੰ ਦੋ ਸਲਾਹ ਦਿੱਤੀਆਂ ਜਾ ਰਹੀਆਂ ਹਨ ਕਿ ਜਾਂ ਤਾਂ ਬੱਚਿਾਂ ਨੂੰ ਸਕੂਲ ਭੇਜਣ ਦਾ ਰਸਤਾ ਅਪਣਾਉਣ ਜਾਂ ਫਿਰ ਰਿਮੋਟ ਲਰਨਿੰਗ ਦਾ। ਦੱਸ ਦਈਏ ਕਿ ਦੁਨੀਆ ਵਿਚ ਕੋਰੋਨਾ ਨਾਲ ਸੰਕਰਮਿਤ ਲੋਕਾਂ ਦੀ ਸੰਖਿਆ 1.98 ਮਿਲੀਅਨ ਤੋਂ ਪਾਰ ਹੋ ਗਈ ਹੈ। ਇਨ੍ਹਾਂ ਵਿਚੋਂ ਸਭ ਤੋਂ ਜ਼ਿਆਦਾ ਅਮਰੀਕਾ ਤੋਂ ਹਨ, ਜਿੱਥੇ 51,50,060 ਲੋਕ ਸੰਕਰਮਿਤ ਹਨ, ਉਸ ਤੋਂ ਬਾਅਦ ਬ੍ਰਾਜ਼ੀਲ, ਜਿਥੇ 30,13,369 ਲੋਕ ਅਤੇ ਭਾਰਤ ਵਿਚ 21,53,010 ਲੋਕ ਸੰਕਰਮਿਤ ਹੋਏ ਹਨ।