ਸਰਕਾਰ ਦਾ ਮਕਸਦ ਕਿਸਾਨਾਂ ਦੀ ਆਮਦਨ ਦੁਗਣੀ ਕਰਨਾ-  ਕੇਂਦਰੀ ਖੇਤੀਬਾੜੀ ਮੰਤਰੀ

ਉਨ੍ਹਾਂ ਕਿਹਾ ਕਿ ਦੇਸ਼ ਦੇ ਪ੍ਰਧਾਨ ਮੰਤਰੀ ਦਾ ਸਾਰਾ ਧਿਆਨ ਛੋਟੇ ਕਿਸਾਨਾਂ ਦੇ ਸਰਵਪੱਖੀ ਵਿਕਾਸ 'ਤੇ ਹੈ, ਜਿਨ੍ਹਾਂ ਦੀ ਗਿਣਤੀ ਲਗਭਗ 86 ਪ੍ਰਤੀਸ਼ਤ ਹੈ। ਕੇਂਦਰ ਸਰਕਾਰ ਦੀ 6,850 ਕਰੋੜ ਰੁਪਏ ਦੀ ਯੋਜਨਾ ਦੇ ਨਾਲ, ਦੇਸ਼ ਭਰ ਵਿੱਚ 10 ਹਜ਼ਾਰ ਨਵੇਂ FPO ਬਣਾਉਣ ਦਾ ਕੰਮ ਸ਼ੁਰੂ ਕੀਤਾ ਗਿਆ ਹੈ। ਖੇਤੀਬਾੜੀ ਸੁਧਾਰ ਕਾਨੂੰਨ ਖੇਤੀਬਾੜੀ ਵਿੱਚ ਨਿਜੀ ਨਿਵੇਸ਼ ਅਤੇ ਆਪਣੀ ਉਪਜ ਕਿਸੇ ਨੂੰ ਵੇਚਣ ਦੀ ਆਜ਼ਾਦੀ ਦੇਣ ਦੇ ਲਈ ਬਣਾਏ ਗਏ ਹਨ। ਇਸ ਤੋਂ ਇਲਾਵਾ, ਕੰਟਰੈਕਟ ਫਾਰਮਿੰਗ ਲਈ ਇੱਕ ਢੁੱਕਵਾਂ ਪਲੇਟਫਾਰਮ ਵੀ ਮੁਹੱਈਆ ਕੀਤਾ ਗਿਆ ਹੈ। 

ਉਹਨਾਂ ਦੱਸਿਆ ਕਿ ਪਹਿਲਾਂ, ਰਵਾਇਤੀ ਕਾਸ਼ਤ ਦੇ ਕਾਰਨ, ਸੇਬ ਦੇ ਦਰੱਖਤ 7 ਤੋਂ 8 ਸਾਲਾਂ ਵਿੱਚ ਫਲ ਦਿੰਦੇ ਸਨ, ਪਰ ਹਾਈਡੈਂਸਿਟੀ ਐਪਲ ਪਲਾਂਟੇਸ਼ਨ ਕਾਰਨ, ਫਸਲ ਦੂਜੇ ਸਾਲ ਤੋਂ ਹੀ ਆਉਣੀ ਸ਼ੁਰੂ ਹੋ ਜਾਂਦੀ ਹੈ। ਇਸ ਕਾਰਨ ਕਿਸਾਨਾਂ ਦੀ ਆਮਦਨ ਵਿੱਚ ਬਹੁਤ ਸੁਧਾਰ ਹੋ ਰਿਹਾ ਹੈ, ਨਾਲ ਹੀ ਕਿਸਾਨ ਵੀ ਬਹੁਤ ਖੁਸ਼ ਹੈ। ਬਾਗਬਾਨੀ ਦੇ ਕਿਸਾਨਾਂ ਨੂੰ ਵੀ ਸੈਂਟਰ ਆਫ਼ ਐਕਸੀਲੈਂਸ ਤੋਂ ਬਹੁਤ ਮਦਦ ਮਿਲ ਰਹੀ ਹੈ। ਕਿਸਾਨਾਂ ਦੀ ਬੇਨਤੀ 'ਤੇ, ਕੇਂਦਰੀ ਮੰਤਰੀ ਤੋਮਰ ਨੇ ਹਾਈਡੈਂਸਿਟੀ ਐਪਲ ਪਲਾਂਟੇਸ਼ਨ ਲਈ ਏਆਈਐਫ ਰਕਮ ਦੇਣ ਦਾ ਭਰੋਸਾ ਵੀ ਦਿੱਤਾ।

ਉਨ੍ਹਾਂ ਕਿਹਾ ਕਿ ਜਦੋਂ ਤੋਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਦੇਸ਼ ਦੇ ਮਾਮਲਿਆਂ ਨੂੰ ਸੰਭਾਲਿਆ ਹੈ ਉਦੋਂ ਤੋ ਉਨ੍ਹਾਂ ਦੀ ਲਗਾਤਾਰ ਕੋਸ਼ਿਸ਼ ਰਹੀ ਹੈ ਕਿ ਉਹ ਬੀਤੇ ਕੱਲ੍ਹ  ਤੋਂ ਪ੍ਰੇਰਨਾ ਲੈ ਕੇ ਵਰਤਮਾਨ ਵਿੱਚ ਸੰਕਲਪ ਲੈ ਕੇ  ਭਵਿੱਖ ਵਿੱਚ ਉਨ੍ਹਾਂ ਨੂੰ ਪੂਰਾ ਕਰਨ ਦੀ ਇਮਾਨਦਾਰੀ ਨਾਲ ਕੋਸ਼ਿਸ਼ ਕਰਨ । ਪ੍ਰਧਾਨ ਮੰਤਰੀ ਨੇ ਜੈ ਕਿਸਾਨ ਜੈ ਜਵਾਨ - ਜੈ ਵਿਗਿਆਨ ਦੇ ਨਾਅਰੇ ਨੂੰ ਅੱਗੇ ਵਧਾਇਆ ਹੈ। ਉਨ੍ਹਾਂ ਨੇ ਸਬਕਾ ਸਾਥ- ਸਬਕਾ ਵਿਕਾਸ- ਸਬਕਾ ਵਿਸ਼ਵਾਸ ਦਾ ਮੰਤਰ ਵੀ ਦਿੱਤਾ।  ਇਸ ਵਿਚ ਹਰ ਕਿਸੇ ਦੀ ਕੋਸ਼ਿਸ਼ ਵੀ ਸ਼ਾਮਲ ਕੀਤੀ ਗਈ ਹੈ। ਉਹ ਇਸ ਸੰਪੂਰਨਤਾ ਦੀ ਭਾਵਨਾ ਨਾਲ ਕੰਮ ਕਰ ਰਹੇ ਹਨ।