ਮਾਨਸਾ ਨੇੜੇ ਵੱਡਾ ਰੇਲ ਹਾਦਸਾ ਟਲਿਆ, ਰੇਲ ਪਟੜੀ ਦੀ ਕੀਤੀ ਜਾ ਰਹੀ ਜਾਂਚ

ਮਾਨਸਾ: ਅੱਜ ਮਾਨਸਾ ਨੇੜਲੇ ਪਿੰਡ ਨਰਿੰਦਰਪੁਰਾ ਕੋਲ ਵੱਡਾ ਰੇਲਵੇ ਹਾਦਸਾ ਟਲ ਗਿਆ। ਦੱਸ ਦੇਈਏ ਕਿ ਇੱਥੇ ਦੋ ਫੁੱਟ ਰੇਲਵੇ ਲਾਈਨ ਟੁੱਟੀ ਹੋਈ ਸੀ। ਇਸ ਦੇ ਬਾਵਜੂਦ ਰੇਲ ਚਾਲਕ ਦੀ ਸੂਝਬੂਝ ਕਰਕੇ ਹਾਦਸਾ ਟਲ ਗਿਆ ਤੇ ਲਾਲਾਗੜ੍ਹਜੀ ਜਾ ਰਹੀ ਅਵਧ ਐਕਸਪ੍ਰੈਸ ਗੱਡੀ ਹਾਦਸੇ ਦਾ ਸ਼ਿਕਾਰ ਹੋਣ ਤੋਂ ਬਚ ਗਈ।

ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਦੇ ਮੁਤਾਬਿਕ ਟੁੱਟੀ ਲਾਈਨ ਤੋਂ ਇੰਜਨ ਲੰਘ ਗਿਆ ਸੀ ਪਰ ਰੇਲ ਚਾਲਕ ਨੇ ਤੁਰੰਤ ਗੱਡੀ ਰੋਕ ਲਈ। ਮੌਕੇ ਤੇ ਰੇਲਵੇ ਪੁਲਿਸ ਵਲੋਂ ਮੁਰੰਮਤ ਤੋਂ ਬਾਅਦ ਗੱਡੀ ਰਵਾਨਾ ਕੀਤੀ ਗਈ। ਹੁਣ ਵਿਭਾਗ ਵੱਲੋਂ ਰੇਲ ਪਟੜੀ ਟੁੱਟਣ ਦੀ ਜਾਂਚ ਕੀਤੀ ਜਾ ਰਹੀ ਹੈ।