2022 ਦੌਰਾਨ ਭਾਰਤੀਆਂ ਨੇ ਵਿਦੇਸ਼ ਤੋਂ ਦੇਸ਼ ਵਿਚ ਭੇਜੇ 100 ਅਰਬ ਡਾਲਰ : ਸੀਤਾਰਮਨ

During 2022, Indians sent 100 billion dollars from abroad to the country: Sitharaman

 

ਇੰਦੌਰ: ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਮੰਗਲਵਾਰ ਨੂੰ ਦਸਿਆ ਕਿ ਸਾਲ 2022 ਦੌਰਾਨ ਭਾਰਤੀਆਂ ਵਲੋਂ ਦੇਸ਼ ਵਿਚ ਭੇਜੀ ਗਈ ਰਕਮ ਇਸ ਦੇ ਪਿਛਲੇ ਸਾਲ ਦੇ ਮੁਕਾਬਲੇ 12 ਫ਼ੀ ਸਦੀ ਵਧ ਕੇ ਕਰੀਬ 100 ਅਰਬ ਅਮਰੀਕੀ ਡਾਲਰ ’ਤੇ ਪਹੁੰਚ ਗਈ ਹੈ। ਦੇਸ਼ ਦੇ ਵਿਕਾਸ ਵਿਚ ਪ੍ਰਵਾਸੀ ਭਾਰਤੀਆਂ ਦੇ ਯੋਗਦਾਨ ਦਾ ਜ਼ਿਕਰ ਕਰਦੇ ਹੋਏ ਉਨ੍ਹਾਂ ਨੇ ਇਹ ਅੰਕੜੇ ਪੇਸ਼ ਕੀਤੇ।

ਸੀਤਾਰਮਨ ਨੇ ਇੰਦੌਰ ਵਿਚ ‘‘ਪ੍ਰਵਾਸੀ ਭਾਰਤੀ ਦਿਵਸ ਸੰਮੇਲਨ’’ ਦੇ ਇਕ ਸੈਸ਼ਨ ਦੌਰਾਨ ਕਿਹਾ, ‘‘ਕੋਵਿਡ 19 ਮਹਾਂਮਾਰੀ ਸ਼ੁਰੂ ਹੋਣ ਬਾਅਦ 2022 ਦੌਰਾਨ ਭਾਰਤੀਆਂ ਨੇ ਵਿਦੇਸ਼ ਤੋਂ ਦੇਸ਼ ਵਿਚ ਲਗਭਗ 100 ਅਰਬ ਅਮਰੀਕੀ ਡਾਲਰ ਭੇਜੇ ਜੋ 2021 ਦੇ ਮੁਕਾਬਲੇ 12 ਫ਼ੀ ਸਦੀ ਜ਼ਿਆਦਾ ਹੈ।’’