ਡਾ. ਅੰਬੇਡਕਰ ਦੀ ਫਿਰੋਜ਼ਾਬਾਦ 'ਚ ਤੋੜੀ ਗਈ ਮੂਰਤੀ

ਫਿਰੋਜ਼ਾਬਾਦ : ਡਾ. ਅੰਬੇਡਕਰ ਦੀ ਮੂਰਤੀ ਤੋੜਨ ਦਾ ਸਿਲਸਿਲਾ ਰੁੱਕ ਨਹੀਂ ਰਿਹਾ ਹੈ। ਆਏ ਦਿਨ ਕੁੱਝ ਲੋਕ ਮੂਰਤੀ ਨੂੰ ਤੋੜ ਕੇ ਦੰਗਾ ਭੜਕਾਉਣ ਦਾ ਕੰਮ ਕਰ ਰਹੇ ਹਨ। ਤਾਜ਼ਾ ਮਾਮਲਾ ਫਿਰੋਜ਼ਾਬਾਦ ਜ਼ਿਲ੍ਹੇ ਦਾ ਹੈ। ਜਿਥੇ ਮੰਗਲਵਾਰ ਰਾਤ ਨੂੰ ਬਾਬਾ ਸਾਹਿਬ ਦੀ ਮੂਤਰੀ ਨੂੰ ਨੁਕਸਾਨ ਪਹੁੰਚਾਇਆ ਗਿਆ, ਜਿਸ ਨਾਲ ਖੇਤਰ 'ਚ ਤਨਾਅ ਫ਼ੈਲ ਗਿਆ। ਸੂਤਰਾਂ ਮੁਤਾਬਕ ਮਾਮਲਾ ਥਾਣਾ ਟੁੰਡਲਾ ਇਲਾਕੇ ਦਾ ਹੈ। ਇਥੇ ਕੁਝ ਬਦਮਾਸ਼ਾਂ ਵਲੋਂ ਮੰਗਲਵਾਰ ਰਾਤ ਨੂੰ ਅੰਬੇਡਕਰ ਦੀ ਮੂਰਤੀ ਤੋੜੀ ਗਈ। ਜਿਸ ਦੇ ਬਾਅਦ ਲੋਕਾਂ 'ਚ ਬਹੁਤ ਤਨਾਅ ਦੇਖਣ ਨੂੰ ਮਿਲ ਰਿਹਾ ਹੈ।

 ਗੱਲ ਅੱਗੇ ਵਧਦੀ ਦੇਖ ਕੇ ਇਸ ਤੋਂ ਪਹਿਲਾ ਪੁਲਿਸ ਫ਼ੋਰਸ ਅਤੇ ਐਸ.ਡੀ.ਐਮ ਦੀ ਟੀਮ ਮੌਕੇ 'ਤੇ ਪੁੱਜ ਗਈ। ਉਨ੍ਹਾਂ ਨੇ ਮਾਮਲਾ ਸੰਭਾਲ ਲਿਆ ਅਤੇ ਲੋਕਾਂ ਨੂੰ ਸ਼ਾਂਤ ਕਰਵਾਇਆ। ਐਸ.ਡੀ.ਐਮ ਨੇ ਤੁਰੰਤ ਅੰਬੇਡਕਰ ਦੀ ਨਵੀਂ ਮੂਤਰੀ ਮੰਗਵਾਈ ਹੈ। ਬਾਬਾ ਸਾਹਿਬ ਦੀ ਮੂਰਤੀ ਨੂੰ ਤੋੜੇ ਜਾਣ ਦਾ ਇਹ ਕੋਈ ਪਹਿਲਾਂ ਮਾਮਲਾ ਨਹੀਂ ਹੈ। ਇਸ ਤੋਂ ਪਹਿਲੇ ਵੀ ਇਲਾਹਾਬਾਦ ਦੇ ਝੂਸੀ ਇਲਾਕੇ 'ਚ ਇਕ ਪਾਰਕ 'ਚ ਲੱਗੀ ਬਾਬਾ ਸਾਹਿਬ ਭੀਮ ਰਾਓ ਅੰਬੇਡਕਰ ਦੀ ਮੂਰਤੀ ਕਿਸੇ ਨੇ ਤੋੜ ਦਿਤੀ ਸੀ।