NIA ਵਲੋਂ ਸਚਿਨ ਵਾਜੇ ਦਾ ਸਹਿਯੋਗੀ ਪੁਲਿਸ ਅਧਿਕਾਰੀ ਰਿਆਜ਼ ਕਾਜੀ ਗ੍ਰਿਫ਼ਤਾਰ 

Mumbai Police officer Riyaz Kazi arrested by NIA

ਮੁੰਬਈ -  ਐਨਟਿਲੀਆ ਬੰਬ ਮਾਮਲੇ ਅਤੇ ਮਨਸੁੱਖ ਕੇਸ ਦੇ ਮਾਮਲੇ ਵਿਚ ਐਨਆਈਏ ਨੇ ਵੱਡੀ ਕਾਰਵਾਈ ਕੀਤੀ ਹੈ। ਐਨਟਿਲੀਆ ਕੇਸ ਦੀ ਜਾਂਚ ਕਰ ਰਹੀ ਐਨਆਈਏ ਨੇ ਐਤਵਾਰ ਨੂੰ ਮੁੰਬਈ ਪੁਲਿਸ ਦੇ ਅਧਿਕਾਰੀ ਰਿਆਜ਼ ਕਾਜੀ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਏਜੰਸੀ ਨੇ ਕਿਹਾ ਕਿ ਮੁੰਬਈ ਪੁਲਿਸ ਦੇ ਅਧਿਕਾਰੀ ਰਿਆਜ਼ ਨੇ ਐਨਟਿਲੀਆ ਕੇਸ ਦੀ ਸਾਜਿਸ਼ ਵਿੱਚ ਸਚਿਨ ਵਾਜੇ ਦੀ ਮਦਦ ਕੀਤੀ ਸੀ। ਦੱਸ ਦਈਏ ਕਿ ਸਚਿਨ ਵਾਜੇ ਵੀ ਐਨਆਈਏ ਦੀ ਹਿਰਾਸਤ ਵਿਚ ਹੈ।

ਸਚਿਨ ਵਾਜੇ ਦੀ ਤਰ੍ਹਾਂ ਰਿਆਜ਼ ਕਾਜੀ ਵੀ ਸਹਾਇਕ ਥਾਣੇਦਾਰ ਹੈ। ਐਨਟਿਲੀਆ ਕੇਸ ਤੋਂ ਇਲਾਵਾ ਸਚਿਨ ਵਾਜੇ ਵੀ ਮਨਸੁਖ ਹੀਰੇਨ ਦੀ ਮੌਤ ਦੀ ਜਾਂਚ ਦੇ ਦਾਇਰੇ ਵਿਚ ਹਨ। 5 ਮਾਰਚ ਨੂੰ ਮਨਸੁਖ ਦੀ ਲਾਸ਼ ਮੁੰਬਈ ਤੋਂ ਮਿਲੀ ਸੀ। ਦੱਸਿਆ ਜਾ ਰਿਹਾ ਹੈ ਕਿ 25 ਫਰਵਰੀ ਨੂੰ ਅੰਬਾਨੀ ਦੇ ਘਰ ਨੇੜ੍ਹੇ ਜੋ ਗੱਡੀ ਖੜ੍ਹੀ ਕੀਤੀ ਗਈ ਸੀ, ਉਹ ਮਨਸੁਖ ਦੀ ਸੀ। ਇਸ ਤੋਂ ਬਾਅਦ ਸਚਿਨ ਵਾਜੇ ਨੂੰ 13 ਮਾਰਚ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਸੀ।