ਸੀਡੀਐਸ ਬਿਪਿਨ ਰਾਵਤ ਦੀ ਭਤੀਜੀ ਬੰਦਵੀ ਸਿੰਘ ਸ਼ੂਟਿੰਗ ਵਿੱਚ ਬਣੀ ਨੈਸ਼ਨਲ ਚੈਂਪੀਅਨ

 ਨਵੀਂ ਦਿੱਲੀ : ਜਿੱਥੇ ਪੂਰਾ ਦੇਸ਼ ਸੀਡੀਐਸ ਬਿਪਿਨ ਰਾਵਤ ਅਤੇ ਮਧੁਲਿਕਾ ਰਾਵਤ ਦੀ ਮੌਤ ਦਾ ਸੋਗ ਮਨਾ ਰਿਹਾ ਹੈ, ਉੱਥੇ ਹੀ ਸੀਡੀਐਸ ਰਾਵਤ ਦੀ ਭਤੀਜੀ ਨੇ ਨਿਸ਼ਾਨੇਬਾਜ਼ੀ ਵਿੱਚ ਨੈਸ਼ਨਲ ਚੈਂਪੀਅਨ ਬਣ ਕੇ ਪੂਰੇ ਦੇਸ਼ ਦਾ ਨਾਂ ਰੌਸ਼ਨ ਕੀਤਾ ਹੈ। ਦੱਸ ਦੇਈਏ ਕਿ ਬੰਧਵੀ ਸਿੰਘ ਨੂੰ ਭੂਆ ਫੂਫੜ ਜੀ ਦੀ ਮੌਤ ਦਾ ਪਤਾ ਵੀ ਨਹੀਂ ਸੀ।

ਉਸ ਨੂੰ ਹਾਦਸੇ ਦੀ ਸੂਚਨਾ ਨਹੀਂ ਦਿੱਤੀ ਗਈ, ਖੇਡ ਖਤਮ ਹੋਣ ਤੋਂ ਬਾਅਦ ਉਸ ਨੂੰ ਭੂਆ ਮਧੁਲਿਕਾ ਰਾਵਤ ਅਤੇ ਫੁੱਫੜ ਸੀਡੀਐੱਸ ਰਾਵਤ ਦੀ ਮੌਤ ਬਾਰੇ ਪਤਾ ਲੱਗਾ, ਜਿਸ ਤੋਂ ਬਾਅਦ ਉਹ ਆਪਣੇ ਆਪ ਨੂੰ ਰੋਕ ਨਹੀਂ ਸਕੀ। ਖੇਡ ਵਿਭਾਗ ਅਤੇ ਫੌਜ ਦੀ ਮਦਦ ਨਾਲ ਦਿੱਲੀ ਭੇਜਿਆ ਗਿਆ।

ਪ੍ਰਾਪਤ ਜਾਣਕਾਰੀ ਅਨੁਸਾਰ ਬੰਧਵੀ ਸਿੰਘ ਭੋਪਾਲ ਸਥਿਤ ਸ਼ੂਟਿੰਗ ਅਕੈਡਮੀ ਦੀ ਵਿਦਿਆਰਥਣ ਹੈ। ਦੱਸ ਦੇਈਏ ਕਿ ਉਹ ਸੀਡੀਐਸ ਰਾਵਤ ਦੀ ਸਕੀ ਭਤੀਜੀ ਹੈ। ਬੰਧਵੀ ਸਿੰਘ ਨੇ ਨੈਸ਼ਨਲ ਸ਼ੂਟਿੰਗ ਚੈਂਪੀਅਨਸ਼ਿਪ ਵਿੱਚ ਅੱਠ ਸੋਨ ਤਗਮੇ ਜਿੱਤੇ ਹਨ। ਬੰਧਵੀ ਸਿੰਘ ਨੂੰ ਵੀਰਵਾਰ ਤੱਕ ਉਸਦੀ ਭੂਆ ਅਤੇ ਫੁੱਫੜ ਦੀ ਮੌਤ ਦੀ ਸੂਚਨਾ ਨਹੀਂ ਦਿੱਤੀ ਗਈ ਸੀ।

ਚੈਂਪੀਅਨਸ਼ਿਪ ਖੇਡਣ ਵਾਲੇ ਖਿਡਾਰੀਆਂ ਕੋਲ ਤਿਆਰੀ ਦੌਰਾਨ ਫੋਨ ਨਹੀਂ ਸਨ, ਜਿਸ ਕਾਰਨ ਬੰਦਵੀ ਸਿੰਘ ਇਸ ਜਾਣਕਾਰੀ ਤੋਂ ਵਾਂਝੀ ਰਹਿ ਗਈ। ਖੇਡ ਖਤਮ ਹੋਣ ਤੋਂ ਬਾਅਦ ਬੰਧਵੀ ਨੂੰ ਘਟਨਾ ਦੀ ਜਾਣਕਾਰੀ ਮਿਲੀ ਤਾਂ ਘਟਨਾ ਦੀ ਜਾਣਕਾਰੀ ਮਿਲਦੇ ਹੀ ਬੰਧਵੀ ਸਿੰਘ ਭਾਵੁਕ ਹੋ ਗਈ ਅਤੇ ਉਸ ਦੀਆਂ ਅੱਖਾਂ 'ਚੋਂ ਹੰਝੂ ਵਹਿਣ ਲੱਗੇ। ਖੇਡ ਵਿਭਾਗ ਅਤੇ ਫੌਜ ਦੀ ਮਦਦ ਨਾਲ ਬੰਦਵੀ ਸਿੰਘ ਨੂੰ ਦਿੱਲੀ ਪਹੁੰਚਾਇਆ ਗਿਆ।

ਜਿਸ ਤੋਂ ਬਾਅਦ ਉਹ ਆਪਣੇ ਭੂਆ-ਫੁੱਫੜ ਦੇ ਸਸਕਾਰ 'ਚ ਸ਼ਾਮਲ ਹੋ ਸਕੀ ਅਤੇ ਉਸ ਨੇ ਸ਼ੂਟਿੰਗ ਚੈਂਪੀਅਨਸ਼ਿਪ 'ਚ ਜਿੱਤੇ ਸੋਨ ਤਗਮੇ ਨੂੰ ਆਪਣੇ ਭੂਆ-ਫੁੱਫੜ ਨੂੰ  ਸਮਰਪਿਕ ਕੀਤੇ।ਬੰਧਵੀ ਨੇ ਟੀਮ 'ਚ ਚਾਰ ਮੈਡਲ ਅਤੇ ਵਿਅਕਤੀਗਤ ਈਵੈਂਟ 'ਚ ਚਾਰ ਮੈਡਲ ਜਿੱਤੇ ਹਨ। ਬੰਧਵੀ ਸੀਨੀਅਰ ਵਰਗ ਵਿੱਚ ਰਾਸ਼ਟਰੀ ਚੈਂਪੀਅਨ ਬਣ ਗਈ ਹੈ। ਇਸ ਦੇ ਨਾਲ ਹੀ ਜੂਨੀਅਰ 'ਚ ਰਾਸ਼ਟਰੀ ਰਿਕਾਰਡ ਵੀ ਬਣ ਗਿਆ ਹੈ।