'ਅੱਜ ਕੱਢ ਕੇ ਦਿੱਲੀ ਦਾ ਖਿਆਲ ਚੱਲੇ ਹਾਂ, ਵਿਆਹ ਕੇ ਬਰਾਤ ਅਸੀਂ ਮੁੜ ਪੰਜਾਬ ਚੱਲੇ ਹਾਂ'

Farmers Victory

 

ਨਵੀਂ ਦਿੱਲੀ (ਸੁਰਖ਼ਾਬ ਚੰਨ) - ਤਿੰਨ ਖੇਤੀ ਕਾਨੂੰਨਾਂ ਦੇ ਖਿਲਾਫ਼ ਕਿਸਾਨਾਂ ਨੇ ਦਿੱਲੀ ਦੇ ਬਾਰਡਰਾਂ 'ਤੇ 381 ਦਿਨਾਂ ਦਾ ਲੰਮਾ ਸੰਘਰਸ਼ ਕੀਤਾ ਤੇ ਅੱਜ 11 ਦਸੰਬਰ 2021 ਦੇ ਦਿਨ ਕਿਸਾਨਾਂ ਦੀ ਹੋਈ ਜਿੱਤ ਤੋਂ ਬਾਅਦ ਕਿਸਾਨ ਅੱਜ ਘਰ ਵਾਪਸੀ ਕਰ ਰਹੇ ਹਨ। ਅੱਜ ਸਾਰੇ ਕਿਸਾਨ ਨੱਚਦੇ ਟੱਪਦੇ ਪੰਜਾਬ ਲਈ ਰਵਾਨਾ ਹੋ ਗਏ ਹਨ ਤੇ ਕਿਸਾਨਾਂ ਦਾ ਕਹਿਣਾ ਹੈ ਕਿ ਉਹ ਇਸੇ ਤਰ੍ਹਾਂ ਹੀ ਨੱਚਦੇ ਟੱਪਦੇ ਘਰਾਂ ਨੂੰ ਵਾਪਸੀ ਕਰਨਗੇ ਤੇ ਉਹਨਾਂ ਨੂੰ ਅੱਜ ਕਿਸੇ ਵਿਆਹ ਦੇ ਦਿਨ ਨਾਲੋਂ ਵੀ ਵੱਧ ਖੁਸ਼ੀ ਹੈ। ਕਿਸਾਨਾਂ ਨੇ ਦੋ ਦਿਨ ਪਹਿਲਾਂ ਹੀ ਸਮਾਨ ਸਮੇਟਨਾ ਸ਼ੁਰੂ ਕਰ ਦਿੱਤਾ ਸੀ ਤੇ ਅੱਜ ਕਿਸਾਨ ਜ਼ੋਰਾਂ-ਸ਼ੋਰਾਂ ਨਾਲ ਅਪਣਾ ਫਤਿਹ ਮਾਰਚ ਕੱਢ ਰਹੇ ਹਨ ਤੇ ਖੁਸ਼ੀ-ਖੁਸ਼ੀ ਘਰ ਜਾ ਰਹੇ ਹਨ।  

Dr Satnam Ajnala

ਕਿਸਾਨਾਂ ਦਾ ਕਹਿਣਾ ਹੈ ਕਿ ਕਿਸਾਨਾਂ ਨੇ 381 ਦਿਨ ਸੜਕਾਂ 'ਤੇ ਕੱਟੇ ਹਨ ਪਰ ਉਹਨਾਂ ਦੇ ਚਿਹਰੇ 'ਤੇ ਇਕ ਦਿਨ ਵੀ ਮਾਯੂਸੀ ਨਹੀਂ ਛਾਈ ਸੀ ਤੇ ਅੱਜ ਉਹਨਾਂ ਨੂੰ ਸਭ ਤੋਂ ਵੱਧ ਖੁਸ਼ੀ ਹੈ, ਕਿਸਾਨਾਂ ਤੋਂ ਚਾਅ ਝੱਲਿਆ ਨਹੀਂ ਜਾ ਰਿਹਾ। ਇਕ ਕਿਸਾਨ ਨੇ ਸ਼ਾਇਰਾਨਾ ਅੰਦਾਜ਼ ਵਿਚ ਕਿਹਾ ਕਿ 32ਆਂ ਨੇ ਆਖਿਆ ਸੀ ਕਿ ਸਬਰ ਦੇ ਨਾਲ ਰਹਿਣਾ ਇਸੇ ਕਰ ਕੇ ਸਬਰ ਦੇ ਨਾਲ ਚੱਲੇ ਆ ਇਕ ਇਕ ਯਾਦ ਸੀ ਕਿ ਦਿੱਲੀ ਦਾ ਇਕ ਨਸ਼ੇੜੀ ਸਾਰਾ ਪੰਜਾਬ ਹੋ ਗਿਆ ਦਿੱਲੀ ਦਾ ਇਕ-ਇਕ ਕੱਢ ਕੇ ਖਿਆਲ ਚੱਲੇ ਆ ਅੱਜ ਜਿੱਤ ਕੇ ਲਲਕਾਰਿਆਂ ਦੇ ਨਾਲ ਚੱਲੇ ਆ।  ਇਸ ਦੇ ਨਾਲ ਹੀ ਡਾ ਸਤਨਾਮ ਸਿੰਘ ਅਜਨਾਲਾ ਨੇ ਕਿਹਾ ਕਿ ਕਿਸਾਨਾਂ ਦੀ ਇਹ ਇਤਿਹਾਸਕ ਫਤਿਹ ਹੈ, ਯਾਦਗਾਰ ਫਤਿਹ ਹੈ ਤੇ ਲੋਕਤੰਤਰ ਦੀ ਫਤਿਹ ਹੈ।