ਕੋਰੋਨਾ ਵਾਇਰਸ ਦੀ ਵਾਹਨ ਉਦਯੋਗ ਨੂੰ ਮਾਰ : ਉਤਪਾਦਨ 8.3 ਫ਼ੀ ਸਦੀ ਘਟਣ ਦਾ ਅਨੁਮਾਨ!
ਭਾਰਤ 'ਚ ਜ਼ਿਆਦਾ ਅਸਰ ਦੀ ਸ਼ੰਕਾ
ਨਵੀਂ ਦਿੱਲੀ : ਫਿਚ ਸਲਿਊਸ਼ਨ ਨੇ ਚੀਨ 'ਚ ਕੋਰੋਨਾ ਵਾਇਰਸ ਦੇ ਫੈਲੇ ਇੰਫੈਕਸ਼ਨ ਕਾਰਨ 2020 'ਚ ਘਰੇਲੂ ਵਾਹਨ ਨਿਰਮਾਣ 8.3 ਫੀਸਦੀ ਸਿਕੁੜ ਜਾਣ ਦਾ ਬੁੱਧਵਾਰ ਨੂੰ ਅਨੁਮਾਨ ਪ੍ਰਗਟ ਕੀਤਾ ਹੈ। ਚੀਨ 'ਚ ਇਸ ਵਾਇਰਸ ਦਾ ਇੰਫੈਕਸ਼ਨ ਫੈਲਣ ਦੇ ਕਾਰਨ ਵਾਹਨਾਂ ਦੇ ਕਲਪੁਰਜੇ ਬਣਾਉਣ ਵਾਲੀਆਂ ਕੰਪਨੀਆਂ ਨੇ ਉਤਪਾਦਨ ਰੋਕ ਦਿਤਾ ਹੈ।
ਫਿਚ ਨੇ ਕਿਹਾ ਕਿ ਜੇਕਰ ਭਾਰਤ 'ਚ ਵੀ ਵਾਇਰਸ ਦਾ ਇੰਫੈਕਸ਼ਨ ਫੈਲਿਆ ਤਾਂ ਇਥੇ ਵੀ ਇਸ ਤਰ੍ਹਾਂ ਦੀਆਂ ਨੀਤੀਆਂ ਅਪਣਾਈਆਂ ਜਾ ਸਕਦੀਆਂ ਹਨ। ਉਸ ਨੇ ਕਿਹਾ ਕਿ ਭਾਰਤ ਦੀ ਸਿਹਤਮੰਦ ਅਤੇ ਮੈਡੀਕਲ ਪ੍ਰਣਾਲੀ ਦੀ ਸਥਿਤੀ ਨੂੰ ਦੇਖਦੇ ਹੋਏ ਇਹ ਕਿਹਾ ਜਾ ਸਕਦਾ ਹੈ ਕਿ ਭਾਰਤ 'ਚ ਵਾਇਰਸ ਦਾ ਇੰਫੈਕਸ਼ਨ ਫੈਲਣ ਦੀ ਰਫਤਾਰ ਚੀਨ ਦੀ ਤੁਲਨਾ 'ਚ ਜ਼ਿਆਦਾ ਹੋਵੇਗੀ ਅਤੇ ਘਰੇਲੂ ਵਾਹਨ ਉਦਯੋਗ 'ਤੇ ਜ਼ਿਆਦਾ ਵਿਆਪਕ ਅਸਰ ਦੇਖਣ ਨੂੰ ਮਿਲੇਗਾ।
ਫਿਚ ਨੇ ਕਿਹਾ ਕਿ ਚੀਨ ਭਾਰਤੀ ਵਾਹਨ ਉਦਯੋਗ ਦੇ ਲਈ ਕਲਪੁਰਜ਼ਿਆਂ ਦਾ ਸਭ ਤੋਂ ਵੱਡਾ ਸਪਲਾਈਕਰਤਾ ਹੈ। ਅਜਿਹੇ 'ਚ ਚੀਨ 'ਚ ਤਿਆਰ ਕਲਪੁਰਜ਼ਿਆਂ ਦੀ ਕਮੀ ਹੋਣ ਨਾਲ ਭਾਰਤੀ ਵਾਹਨ ਉਦਯੋਗ ਨੂੰ ਉਤਪਾਦਨ ਦੀ ਗਤੀ ਘੱਟ ਕਰਨ ਜਾਂ ਬੰਦ ਕਰਨ ਨੂੰ ਮਜ਼ਬੂਰ ਹੋਣਾ ਪੈ ਸਕਦਾ ਹੈ।
ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਕਾਰਨਾਂ ਨਾਲ ਅਸੀਂ 2020 'ਚ ਘਰੇਲੂ ਵਾਹਨ ਵਿਨਿਰਮਾਣ 'ਚ 8.3 ਫ਼ੀ ਸਦੀ ਦੀ ਗਿਰਾਵਟ ਆਉਣ ਦਾ ਅਨੁਮਾਨ ਕਰਦੇ ਹਾਂ। ਸਾਲ 2019 'ਚ ਇਸ 'ਚੋਂ 13.2 ਫੀਸਦੀ ਦੀ ਗਿਰਾਵਟ ਰਹੀ ਸੀ। ਫਿਚ ਨੇ ਕਿਹਾ ਕਿ ਚੀਨ ਭਾਰਤ ਦੇ ਵਾਹਨ ਕਲਪੁਰਜੇ ਲੋੜ ਦੀ 10 ਤੋਂ 30 ਫ਼ੀ ਸਦੀ ਦੀ ਪੂਰਤੀ ਕਰਦਾ ਹੈ।