ਮਹਿਲਾ ਅਧਿਕਾਰੀ ਨੇ ਬੇਹੋਸ਼ ਨੌਜਵਾਨ ਨੂੰ ਮੋਢੇ 'ਤੇ ਚੁੱਕ ਪਹੁੰਚਾਇਆ ਹਸਪਤਾਲ, ਬਚਾਈ ਜਾਨ

photo

 

ਚੇਨੱਈ: ਕਿਸੇ ਦੀ ਜਾਨ ਬਚਾਉਣ ਲਈ ਕੁਝ ਵੀ ਕਰਨਾ ਸ਼ਾਇਦ ਇਸ ਨੂੰ ਕਹਿੰਦੇ ਹਨ। ਭਾਰੀ ਮੀਂਹ ਦਾ ਸਾਹਮਣਾ ਕਰ ਰਹੇ ਚੇਨਈ ਤੋਂ ਵਾਇਰਲ ਹੋਈ ਇਸ ਵੀਡੀਓ ਨੇ ਇਨਸਾਨੀਅਤ, ਮਦਦ ਅਤੇ ਡਿਊਟੀ ਪ੍ਰਤੀ ਸ਼ਰਧਾ ਵਰਗੇ ਸ਼ਬਦਾਂ ਨੂੰ ਨਵੇਂ ਅਰਥ ਦਿੱਤੇ ਹਨ।  ਵਾਇਰਲ ਵੀਡੀਓ 'ਚ ਦੇਖਿਆ ਜਾ ਰਿਹਾ ਹੈ ਕਿ ਸ਼ਮਸ਼ਾਨਘਾਟ 'ਚ ਕੰਮ ਕਰ ਰਿਹਾ ਇਕ ਨੌਜਵਾਨ ਤੇਜ਼ ਮੀਂਹ ਦੌਰਾਨ ਅਚਾਨਕ ਬੇਹੋਸ਼ ਹੋ ਗਿਆ। ਟੀਪੀ ਚੇਤਰਮ ਥਾਣੇ ਦੀ ਇੰਸਪੈਕਟਰ ਰਾਜੇਸ਼ਵਰੀ ਬੇਹੋਸ਼ ਵਿਅਕਤੀ ਨੂੰ ਆਪਣੇ ਮੋਢੇ 'ਤੇ ਚੁੱਕ ਕੇ ਲੈ ਕੇ ਜਾਂਦੀ ਹੈ।

 

 

 

 ਪਹਿਲਾਂ ਉਸਨੂੰ ਕਾਰ ਦੀ ਡਿੱਗੀ ਵਿੱਚ ਲੱਦਣ ਦੀ ਕੋਸ਼ਿਸ਼ ਕੀਤੀ ਜਾਂਦੀ ਹੈ ਪਰ ਰਾਜੇਸ਼ਵਰੀ ਦਾ ਕਹਿਣਾ ਹੈ ਕਿ ਉਹ ਇਸ ਵਿੱਚ ਨਹੀਂ  ਜਾ ਸਕਦਾ। ਇਸ ਤੋਂ ਬਾਅਦ, ਉਹ ਉਸਨੂੰ ਲੈ ਕੇ ਸੜਕ 'ਤੇ ਤੇਜ਼ੀ ਨਾਲ ਦੌੜਦੀ ਹੈ। ਸੜਕ 'ਤੇ ਇਕ ਆਟੋ ਦੇਖ ਕੇ ਉਹ ਉਸ ਨੂੰ ਰੋਕਦੀ ਹੈ ਅਤੇ ਨੌਜਵਾਨ ਨੂੰ ਉਸ ਵਿਚ ਬਿਠਾ ਦਿੰਦੀ ਹੈ ਅਤੇ ਇਕ ਵਿਅਕਤੀ ਨੂੰ ਉਸ ਨੂੰ ਹਸਪਤਾਲ ਲੈ ਜਾਣ ਲਈ ਕਹਿੰਦੀ ਹੈ।

 

 ਪਹਿਲਾ ਦਿੱਤੀ ਫਸਟ ਏਡ: ਰਾਜੇਸ਼ਵਰੀ
ਖਬਰਾਂ ਅਨੁਸਾਰ ਰਾਜੇਸ਼ਵਰੀ ਨੇ ਕਿਹਾ, 'ਪਹਿਲਾਂ ਮੈਂ ਉਸ ਨੌਜਵਾਨ ਨੂੰ ਮੁੱਢਲੀ ਸਹਾਇਤਾ ਦਿੱਤੀ ਅਤੇ ਫਿਰ ਉਸ ਨੂੰ ਮੋਢੇ 'ਤੇ ਬਿਠਾ ਲਿਆ। ਫਿਰ ਉੱਥੇ ਇੱਕ ਆਟੋ ਆ ਗਿਆ ਅਤੇ ਅਸੀਂ ਉਸ ਨੂੰ ਹਸਪਤਾਲ ਭੇਜ ਦਿੱਤਾ। ਬਾਅਦ ਵਿਚ ਮੈਂ ਵੀ ਹਸਪਤਾਲ ਗਈ, ਉਸ ਦੀ ਮਾਂ ਉਥੇ ਆਈ ਹੋਈ ਸੀ। ਡਾਕਟਰ ਨੇ ਕਿਹਾ ਕਿ ਘਬਰਾਉਣ ਦੀ ਕੋਈ ਗੱਲ ਨਹੀਂ ਹੈ।'' ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ।

 

 

ਲੋਕ ਇੰਸਪੈਕਟਰ ਰਾਜੇਸ਼ਵਰੀ ਦੀ ਖੂਬ ਤਾਰੀਫ ਕਰ ਰਹੇ ਹਨ। ਕੋਈ ਉਸ ਨੂੰ ਅਸਲ ਜ਼ਿੰਦਗੀ ਦਾ ਸੂਰਜਵੰਸ਼ੀ ਦੱਸ ਰਿਹਾ ਹੈ ਤਾਂ ਉਹ ਮਹਿਲਾ ਸਸ਼ਕਤੀਕਰਨ ਦੀ ਅਸਲ ਮਿਸਾਲ ਹੈ। ਅਭਿਨੇਤਾ ਤੋਂ ਰਾਜਨੇਤਾ ਬਣੇ ਕਮਲ ਹਾਸਨ ਨੇ ਟਵਿੱਟਰ 'ਤੇ ਲਿਖਿਆ, ''ਇਕ ਬੇਹੋਸ਼ ਵਿਅਕਤੀ ਦੀ ਜਾਨ ਬਚਾਉਣ ਲਈ ਇੰਸਪੈਕਟਰ ਰਾਜੇਸ਼ਵਰੀ ਦੀ ਪ੍ਰੇਰਣਾਦਾਇਕ ਡਿਊਟੀ। ਉਸ ਦੀ ਹਿੰਮਤ ਅਤੇ ਸੇਵਾ ਭਾਵਨਾ ਬੇਮਿਸਾਲ ਹੈ।