ਹਿਮਾਚਲ 'ਚ BJP ਉਮੀਦਵਾਰ ਦੀ ਦੁਕਾਨ ਤੋਂ 14 ਲੱਖ ਦੀ ਨਕਦੀ ਬਰਾਮਦ
ਮੇਰੀ ਗ੍ਰਿਫਤਾਰੀ ਗੈਰ-ਕਾਨੂੰਨੀ ਸੀ, ਮੈਨੂੰ ਜੇਲ 'ਚ ਤਸੀਹੇ ਦਿੱਤੇ ਗਏ- ਸੰਜੇ ਰਾਉਤ
ਹਿਮਾਚਲ ਪ੍ਰਦੇਸ਼:- ਕਾਂਗੜਾ ਜ਼ਿਲ੍ਹੇ ਦੇ ਬੈਜਨਾਥ ਤੋਂ ਮੌਜੂਦਾ ਵਿਧਾਇਕ ਅਤੇ ਭਾਜਪਾ ਉਮੀਦਵਾਰ ਮੁਲਖ ਰਾਜ ਪ੍ਰੇਮੀ ਦੀ ਦੁਕਾਨ ਤੋਂ 14 ਲੱਖ ਰੁਪਏ ਦੀ ਨਕਦੀ ਬਰਾਮਦ ਹੋਈ ਹੈ। ਇਹ ਰਕਮ ਬੁੱਧਵਾਰ ਦੇਰ ਰਾਤ ਐਫ਼ਐੱਸਟੀ ਟੀਮ ਅਤੇ ਪੁਲਿਸ ਦੀ ਸਾਂਝੀ ਕਾਰਵਾਈ ਵਿੱਚ ਫੜੀ ਗਈ।
ਇਹ ਗੱਲ ਸੁਣਦੇ ਹੀ ਕਾਂਗਰਸੀ ਵਰਕਰ ਮੁਲਖ ਰਾਜ ਪ੍ਰੇਮੀ ਦੀ ਦੁਕਾਨ ਦੇ ਬਾਹਰ ਇਕੱਠੇ ਹੋ ਗਏ ਅਤੇ ਮੁਲਖ ਰਾਜ ਖਿਲਾਫ ਨਾਅਰੇਬਾਜ਼ੀ ਕਰਨੀ ਸ਼ੁਰੂ ਕਰ ਦਿੱਤੀ। ਮਾਹੌਲ ਤਣਾਅਪੂਰਨ ਬਣ ਗਿਆ।
ਗੁੱਸੇ ਵਿੱਚ ਆਏ ਵਰਕਰ ਪੁਲਿਸ ਨਾਲ ਵੀ ਉਲਝ ਗਏ ਅਤੇ ਪੁਲਿਸ ਦੀ ਗੱਡੀ ਨੂੰ ਰੋਕ ਲਿਆ। ਦੱਸਿਆ ਜਾ ਰਿਹਾ ਹੈ ਕਿ ਜ਼ਬਤ ਕੀਤੀ ਗਈ ਰਕਮ ਮੁਲਖ ਰਾਜ ਪ੍ਰੇਮੀ ਦੀ ਮਿਠਾਈ ਦੀ ਦੁਕਾਨ ਤੋਂ ਫੜੀ ਗਈ ਹੈ।
ਇਸ ਸਬੰਧੀ ਦੁਕਾਨ ਦੇ ਮਾਲਕ ਤੋਂ ਪੁੱਛ-ਪੜਤਾਲ ਕੀਤੀ ਜਾ ਰਹੀ ਹੈ ਕਿ ਇਹ ਪੈਸੇ ਕਿੱਥੋਂ ਲਿਆਂਦੇ ਗਏ ਅਤੇ ਕਿਸ ਮਕਸਦ ਨਾਲ ਇੰਨੀ ਨਕਦੀ ਆਪਣੇ ਕੋਲ ਰੱਖੀ ਹੋਈ ਸੀ।
ਤੁਹਾਨੂੰ ਦੱਸ ਦੇਈਏ ਕਿ ਚੋਣਾਂ ਦੌਰਾਨ 10,000 ਰੁਪਏ ਤੋਂ ਵੱਧ ਨਕਦੀ ਲੈ ਕੇ ਜਾਣ 'ਤੇ ਪਾਬੰਦੀ ਹੈ। ਇਸ ਦੇ ਨਾਲ ਹੀ ਉਮੀਦਵਾਰਾਂ ਦੇ ਚੋਣ ਖਰਚਿਆਂ ਲਈ ਵੱਖਰਾ ਬੈਂਕ ਖਾਤਾ ਵੀ ਖੋਲ੍ਹਿਆ ਗਿਆ ਹੈ। ਕਿਸੇ ਨੂੰ ਵੀ ਇੰਨੀ ਨਕਦੀ ਲਿਜਾਣ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾ ਸਕਦੀ।