ਪ੍ਰਸਿੱਧ ਡਾਕਟਰ ਸਨਮੁਖ ਜੋਸ਼ੀ ਨੇ ਲੋਕਾਂ ਦੀ ਭਲਾਈ ਲਈ 18 ਲੱਖ ਰੁਪਏ ਦੀ ਸਾਲਾਨਾ ਤਨਖਾਹ ਨਾ ਲੈਣ ਦਾ ਕੀਤਾ ਫੈਸਲਾ

ਅਹਿਮਾਦਾਬਾਦ: ਗੁਜਰਾਤ ਦੇ ਪ੍ਰਸਿੱਧ ਡਾਕਟਰ ਸਨਮੁਖ ਜੋਸ਼ੀ ਨੇ ਨਿਰਸਵਾਰਥ ਸੇਵਾ ਲਈ 18 ਲੱਖ ਰੁਪਏ ਦੀ ਸਾਲਾਨਾ ਤਨਖਾਹ ਨਾ ਲੈਣ ਦਾ ਫੈਸਲਾ ਕੀਤਾ ਹੈ। ਹਾਲਾਂਕਿ, ਉਹ ਲੋਕ ਸਮਰਪਣ ਬਲੱਡ ਬੈਂਕ ਨੂੰ ਸੇਵਾਵਾਂ ਦਿੰਦੇ ਰਹਿਣਗੇ। ਡਾਕਟਰ ਜੋਸ਼ੀ ਕਹਿੰਦੇ ਹਨ ਕਿ ਮੈਂ 76 ਸਾਲ ਦਾ ਹਾਂ। ਕੋਰੋਨਾ ਦੇ ਦੌਰ ਦੌਰਾਨ ਮੇਰੇ ਅੰਦਰੋਂ ਆਵਾਜ਼ ਆਈ ਕਿ ਮੈਨੂੰ ਇੰਸਟੀਚਿਊਟ ਤੋਂ ਤਨਖਾਹ ਨਹੀਂ ਲੈਣੀ ਚਾਹੀਦੀ ਕਿਉਂਕਿ ਹੁਣ ਉਹਨਾਂ ਨੂੰ  ਪੈਸੇ ਦੀ ਕੋਈ ਲੋੜ ਨਹੀਂ ਹੈ।

ਪਰਿਵਾਰ ਦੇ ਮੈਂਬਰ ਵੀ ਇਸ ਫੈਸਲੇ ਤੋਂ ਖੁਸ਼ ਹਨ। ਡਾਕਟਰ ਜੋਸ਼ੀ ਦਾ ਕਹਿਣਾ ਹੈ ਕਿ ਇਸ ਉਮਰ 'ਚ ਮੈਂ ਅੱਧੀ ਰਾਤ ਨੂੰ ਵੀ ਤਿਆਰ ਰਹਿੰਦਾ ਹਾਂ ਜੇਕਰ ਦੇਸ਼ ਦੇ ਕਿਸੇ ਹਸਪਤਾਲ ਜਾਂ ਬਲੱਡ ਬੈਂਕ 'ਚ ਬਲੱਡ ਜਾਂ ਨਵੇਂ ਬਲੱਡ ਗਰੁੱਪ ਸਬੰਧੀ ਕੋਈ ਸਮੱਸਿਆ ਹੋਵੇ ਤਾਂ ਸੈਂਪਲ ਮੇਰੇ ਕੋਲ ਹੀ ਆਉਂਦੇ ਹਨ। “ਇਸ ਲਈ ਮੈਂ ਆਪਣੀ ਜ਼ਿੰਮੇਵਾਰੀ ਨਿਭਾਉਂਦਾ ਰਹਾਂਗਾ। ਦੂਜੇ ਪਾਸੇ ਬਲੱਡ ਬੈਂਕ ਨੇ ਡਾਕਟਰ ਜੋਸ਼ੀ ਦੀਆਂ ਲੋੜਾਂ ਪੂਰੀਆਂ ਕਰਨ ਦੀ ਜ਼ਿੰਮੇਵਾਰੀ ਲਈ ਹੈ।