ਇਸ ਇਨਸਾਨ ਨੇ ਬੰਜਰ ਜ਼ਮੀਨ 'ਚ ਹੀ ਲਗਾ ਦਿੱਤੇ 10 ਹਜ਼ਾਰ ਰੁੱਖ

planted around 10,000 trees, mostly of Guava, on barren land

ਬਿਹਾਰ: ਬਿਹਾਰ ਦੇ ਗਯਾ ਜ਼ਿਲੇ ਦੇ ਬੇਲਾਗੰਜ ਵਿਚ ਫਲਗੂ ਨਦੀ ਦੇ ਕਿਨਾਰੇ ਤੋਂ ਲੰਘਣ ਵਾਲੇ ਰਾਹਗੀਰਾਂ ਨੂੰ ਇਕ ਖੁਸ਼ਬੂ ਰਾਹਗੀਰਾਂ  ਨੂੰ ਆਪਣੇ ਵੱਲ ਖਿੱਚ ਰਹੀ ਹੈ। ਦਰਅਸਲ, ਸਤੇਂਦਰ ਗੌਤਮ ਮਾਂਝੀ ਦੇ ਅਮਰੂਦ ਦਾ ਬਾਗ ਲਗਾਇਆ ਹੋਇਆ ਹੈ।

ਉਹ ਵਾਤਾਵਰਣ ਦੀ ਰੱਖਿਆ ਲਈ ਕੋਸ਼ਿਸ਼ ਕਰਦੇ ਹਨ। ਉਹ ਆਪਣੇ ਅਮਰੂਦਾਂ ਨੂੰ ਵੇਚ ਕੇ ਚੰਗੀ ਆਮਦਨੀ ਕਰਦੇ ਹਨ। ਹੁਣ ਉਹ ਆਪਣੀ ਜ਼ਮੀਨ 'ਤੇ ਅਮਰੂਦ ਦੀ ਨਰਸਰੀ ਤਿਆਰ ਕਰ ਰਹੇ ਹਨ। ਉਹਨਾਂ ਨੇ 50,000 ਅਮਰੂਦ ਦੇ ਪੌਦੇ  ਤਿਆਰ ਕਰਨ ਲਈ ਬੀਜ ਲਗਾਏ ਹਨ।

ਮਾਂਝੀ ਦਾ ਦਾਅਵਾ ਹੈ ਕਿ ਉਹਨਾਂ ਨੇ ਪਿਛਲੇ 15 ਸਾਲਾਂ ਵਿੱਚ ਬੰਜਰ ਜ਼ਮੀਨ ਤੇ 10,000 ਰੁੱਖ ਲਗਾਏ ਹਨ। ਉਨ੍ਹਾਂ ਵਿਚੋਂ ਬਹੁਤੇ ਅਮਰੂਦ ਦੇ  ਰੁੱਖ ਹਨ। ਉਨ੍ਹਾਂ ਕਿਹਾ, ‘ਮੈਂ ਦਸ਼ਰਥ ਮਾਂਝੀ ਤੋਂ ਬਹੁਤ ਪ੍ਰੇਰਿਤ ਹਾਂ। ਇਕ ਵਾਰ ਉਹ ਮੇਰੇ ਘਰ ਆਏ ਅਤੇ ਉਨ੍ਹਾਂ ਨੇ ਮੈਨੂੰ ਇਥੇ ਰੁੱਖ ਲਗਾਉਣ ਲਈ ਕਿਹਾ। ਮੈਂ ਇਹ ਕੰਮ ਉਨ੍ਹਾਂ ਦੇ ਕਹਿਣ ਤੋਂ ਬਾਅਦ ਸ਼ੁਰੂ ਕੀਤਾ ਹੈ।

ਸਤਿੰਦਰ 15 ਬਿਘੇ ਜ਼ਮੀਨ 'ਤੇ ਅਮਰੂਦ ਦੀ ਕਾਸ਼ਤ ਕਰਦੇ ਹਨ। ਉਨ੍ਹਾਂ ਲੋਕਾਂ ਨੂੰ ਵਾਤਾਵਰਣ ਦੀ ਸੰਭਾਲ ਪ੍ਰਤੀ ਜਾਗਰੂਕਤਾ ਫੈਲਾਉਣ ਦੀ ਅਪੀਲ ਕੀਤੀ। ਉਹਨਾਂ ਦਾ ਕਹਿਣਾ ਹੈ ਕਿ ਲੋਕਾਂ ਨੂੰ ਆਪਣੇ ਘਰਾਂ ਦੇ ਆਸ ਪਾਸ ਰੁੱਖ ਲਗਾਉਣੇ ਚਾਹੀਦੇ ਹਨ ਅਤੇ ਉਨ੍ਹਾਂ ਦੀ ਰੱਖਿਆ ਕਰਨੀ ਚਾਹੀਦੀ ਹੈ। ਉਹਨਾਂ ਨੇ ਕਿਹਾ ਕਿ ਉਹ ਵਾਤਾਵਰਣ ਸੁਰੱਖਿਆ ਦੇ ਖੇਤਰ ਵਿੱਚ ਕੰਮ ਕਰਨਾ ਚਾਹੁੰਦਾ ਸੀ।