Jammu and Kashmir News : ਭਾਰਤੀ ਫ਼ੌਜ, ਜੰਮੂ-ਕਸ਼ਮੀਰ ਪੁਲਿਸ, ਸੀਆਰਪੀਐਫ਼ ਵਲੋਂ ਬਾਂਦੀਪੋਰਾ ’ਚ ਸਾਂਝਾ ਤਲਾਸ਼ੀ ਅਭਿਆਨ ਸ਼ੁਰੂ
Jammu and Kashmir News : ਦੋ ਨੂੰ ਕੀਤਾ ਗ੍ਰਿਫ਼ਤਾਰ, ਭਾਰੀ ਮਾਤਰਾ ’ਚ ਹਥਿਆਰ ਤੇ ਹੋਰ ਗੋਲਾ ਬਾਰੂਦ ਬਰਾਮਦ
Indian Army, Jammu and Kashmir Police, CRPF launch joint search operation in Bandipora News in Punjabi :ਜੰਮੂ ਅਤੇ ਕਸ਼ਮੀਰ ਦੇ ਬਾਂਦੀਪੋਰਾ ’ਚ ਖ਼ਾਸ ਖ਼ੁਫ਼ੀਆ ਜਾਣਕਾਰੀ ਦੇ ਆਧਾਰ 'ਤੇ, ਭਾਰਤੀ ਫ਼ੌਜ, ਜੰਮੂ-ਕਸ਼ਮੀਰ ਪੁਲਿਸ ਅਤੇ ਸੀਆਰਪੀਐਫ਼ ਦੇ ਗੰਦਬਲ-ਹਾਜਿਨ ਰੋਡ, ਬਾਂਦੀਪੋਰਾ ਵਿਖੇ ਇਕ ਸਾਂਝੇ ਆਪ੍ਰੇਸ਼ਨ ਵਿਚ ਦੋ ਸ਼ੱਕੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ।
ਬੀਤੇ ਦਿਨ ਕੀਤੇ ਗਏ ਸਾਂਝੇ ਆਪ੍ਰੇਸ਼ਨ ਵਿਚ ਸੁਰੱਖਿਆ ਬਲਾਂ ਦੁਆਰਾ ਇਕ ਪਿਸਤੌਲ, ਇਕ ਪਿਸਤੌਲ ਮੈਗਜ਼ੀਨ, ਦੋ ਹੈਂਡ ਗ੍ਰਨੇਡ, ਇਕ ਏਕੇ ਮੈਗਜ਼ੀਨ ਅਤੇ ਹੋਰ ਗੋਲਾ ਬਾਰੂਦ ਬਰਾਮਦ ਕੀਤਾ ਗਿਆ। ਪੁਲਿਸ ਦੁਆਰਾ ਹੋਰ ਜਾਂਚ ਜਾਰੀ ਹੈ।
ਹਾਲ ਹੀ ਵਿਚ, ਸਪੀਅਰ ਕੋਰ ਦੇ ਅਧੀਨ ਭਾਰਤੀ ਫ਼ੌਜ ਅਤੇ ਅਸਾਮ ਰਾਈਫ਼ਲਜ਼ ਦੇ ਜਵਾਨਾਂ ਨੇ ਮਣੀਪੁਰ ਪੁਲਿਸ, ਸੀਆਰਪੀਐਫ਼, ਬੀਐਸਐਫ਼ ਅਤੇ ਆਈਟੀਬੀਪੀ ਦੇ ਤਾਲਮੇਲ ਨਾਲ ਮਣੀਪੁਰ ਦੇ ਪਹਾੜੀ ਅਤੇ ਘਾਟੀ ਜ਼ਿਲ੍ਹਿਆਂ ਜਿਰੀਬਾਮ, ਤੇਂਗਨੋਪਲ, ਕਾਕਚਿੰਗ, ਉਖਰੁਲ, ਇੰਫਾਲ ਪੂਰਬੀ ਅਤੇ ਇੰਫਾਲ ਪੱਛਮੀ ਵਿਚ ਵੱਡੀ ਗਿਣਤੀ ਵਿਚ ਕਾਰਵਾਈਆਂ ਸ਼ੁਰੂ ਕੀਤੀਆਂ ਸਨ।
ਇਨ੍ਹਾਂ ਕਾਰਵਾਈਆਂ ਦੇ ਨਤੀਜੇ ਵਜੋਂ 25 ਹਥਿਆਰ, ਇੰਪਰੂਵਾਈਜ਼ਡ ਐਕਸਪਲੋਸਿਵ ਡਿਵਾਈਸ (ਆਈਈਡੀ), ਗ੍ਰਨੇਡ, ਗੋਲਾ ਬਾਰੂਦ ਅਤੇ ਹੋਰ ਜੰਗ ਵਰਗੇ ਸਟੋਰ ਬਰਾਮਦ ਕੀਤੇ ਗਏ ਸਨ। ਅਧਿਕਾਰਤ ਬਿਆਨ ਵਿਚ ਲਿਖਿਆ ਗਿਆ ਹੈ ਕਿ ਸੁਰੱਖਿਆ ਬਲਾਂ ਨੇ ਕਾਂਗਪੋਕਪੀ ਜ਼ਿਲ੍ਹੇ ਵਿਚ ਬੰਕਰਾਂ ਨੂੰ ਵੀ ਤਬਾਹ ਕਰ ਦਿਤਾ ਸੀ। ਜੀਰੀਬਾਮ ਜ਼ਿਲ੍ਹੇ ਦੇ ਜਨਰਲ ਏਰੀਆ ਬਿਦਿਆਨਗਰ ਅਤੇ ਨਿਊ ਅਲੀਪੁਰ ਪਿੰਡਾਂ ਵਿਚ, ਅਸਾਮ ਰਾਈਫ਼ਲਜ਼, ਮਨੀਪੁਰ ਪੁਲਿਸ ਅਤੇ ਸੀਆਰਪੀਐਫ਼ ਨੇ ਤਿੰਨ ਪੰਪ ਐਕਸ਼ਨ ਸ਼ਾਟਗਨ, ਇੱਕ ਡਬਲ ਬੈਰਲ ਰਾਈਫਲ, ਗੋਲਾ ਬਾਰੂਦ ਅਤੇ ਜੰਗ ਵਰਗੇ ਸਟੋਰ ਬਰਾਮਦ ਕੀਤੇ ਸਨ।
ਜਦੋਂ ਕਿ, ਤੇਂਗਨੋਪਾਲ ਜ਼ਿਲ੍ਹੇ ਦੇ ਸੇਨਮ ਵਿੱਚ, ਦੋ ਆਈਐਨਐਸਏਐਸ ਰਾਈਫ਼ਲਾਂ, ਦੋ ਕਾਰਬਾਈਨ, ਦੋ ਪਿਸਤੌਲ, ਇੱਕ ਰਾਈਫ਼ਲ, ਚਾਰ ਇੰਪਰੂਵਾਈਜ਼ਡ ਮੋਰਟਾਰ, 13 ਆਈਈਡੀ, ਗ੍ਰਨੇਡ, ਗੋਲਾ ਬਾਰੂਦ ਅਤੇ ਜੰਗ ਵਰਗੇ ਸਟੋਰਾਂ ਸਮੇਤ 11 ਹਥਿਆਰ ਬਰਾਮਦ ਕੀਤੇ ਗਏ। ਕਾਕਚਿੰਗ ਜ਼ਿਲ੍ਹੇ ਦੇ ਹੰਗੁਲ ਦੇ ਜਨਰਲ ਏਰੀਆ ਵਿਚ, ਇਕ ਕਾਰਬਾਈਨ, ਇਕ 0.22 ਰਾਈਫ਼ਲ, ਇਕ ਸਿੰਗਲ ਬੈਰਲ, ਇੱਕ ਸੋਧਿਆ ਹੋਇਆ 0.303 ਰਾਈਫ਼ਲ, ਇਕ ਸਿਗਲ ਬੈਰਲ ਬੋਲਟ ਰਾਈਫ਼ਲ ਸਮੇਤ ਪੰਜ ਹਥਿਆਰ ਬਰਾਮਦ ਕੀਤੇ ਗਏ।
ਇੰਫਾਲ ਪੂਰਬੀ ਜ਼ਿਲ੍ਹੇ ਦੇ ਜਨਰਲ ਏਰੀਆ ਮੋਇਰੰਗ ਕੰਪੂ ਵਿਚ, ਅਸਾਮ ਰਾਈਫ਼ਲਜ਼ ਅਤੇ ਮਨੀਪੁਰ ਪੁਲਿਸ ਨੇ ਸਾਂਝੇ ਆਪ੍ਰੇਸ਼ਨ ਸ਼ੁਰੂ ਕੀਤੇ ਅਤੇ ਇੱਕ ਪਿਸਤੌਲ, ਗੋਲਾ ਬਾਰੂਦ ਅਤੇ ਜੰਗ ਵਰਗੇ ਸਟੋਰ ਬਰਾਮਦ ਕੀਤੇ ਸਨ। ਭਾਰਤੀ ਫ਼ੌਜ, ਬੀਐਸਐਫ਼ ਅਤੇ ਮਨੀਪੁਰ ਪੁਲਿਸ ਦੁਆਰਾ ਉਖਰੁਲ ਜ਼ਿਲ੍ਹੇ ਦੇ ਥਵਾਈ ਕੁਕੀ/ਲਿਟਨ ਦੇ ਜਨਰਲ ਏਰੀਆ ਵਿਚ ਚਾਰ ਹਥਿਆਰ ਬਰਾਮਦ ਕੀਤੇ ਗਏ ਸਨ।