ਜਿਨਾਹ ਵਿਵਾਦ : 12 ਦਿਨ ਬਾਅਦ ਖੁੱਲ੍ਹਿਆ ਏਐਮਯੂ ਦਾ ਮੇਨ ਗੇਟ, ਵਿਦਿਆਰਥੀਆਂ ਦੀ ਭੁੱਖ ਹੜਤਾਲ ਜਾਰੀ

amu students continue hunger strike main gate open after 12 days jinnah controversy

ਅਲੀਗੜ੍ਹ: ਜਿਨਾਹ ਦੀ ਤਸਵੀਰ ਦੇ ਮਾਮਲੇ ਤੋਂ ਬਾਅਦ ਬੰਦ ਹੋਇਆ ਅਲੀਗੜ੍ਹ ਮੁਸਲਿਮ ਯੂਨੀਵਰਸਿਟੀ (ਏਐਮਯੂ) ਦਾ ਮੇਨ ਗੇਟ ਐਤਵਾਰ ਨੂੰ ਖੁੱਲ੍ਹ ਗਿਆ, ਜਿਸ ਨਾਲ ਇੱਥੇ ਆਉਣ ਜਾਣ ਵਾਲਿਆਂ ਨੂੰ ਸਹੂਲਤ ਮਿਲੀ ਹੈ। 2 ਮਈ ਨੂੰ ਸਾਬਕਾ ਉਪ ਰਾਸ਼ਟਰਪਤੀ ਹਾਮਿਦ ਅੰਸਾਰੀ ਦੇ ਏਐਮਯੂ ਆਉਣ 'ਤੇ ਹਿੰਦੁ ਜਾਗਰਣ ਮੰਚ ਦੇ ਵਰਕਰਾਂ ਨੇ ਪਾਕਿਸਤਾਨ ਦੇ ਸੰਸਥਾਪਕ ਮੁਹੰਮਦ ਅਲੀ ਜਿਨਾਹ ਦੀ ਤਸਵੀਰ ਹਟਾਉਣ ਨੂੰ ਲੈ ਕੇ ਹੰਗਾਮਾ ਕੀਤਾ ਸੀ।

ਇਸ ਤੋਂ ਬਾਅਦ ਹਾਲਤ ਤਣਾਅਪੂਰਨ ਹੋਣ ਕਾਰਨ ਪੁਲਿਸ ਨੂੰ ਲਾਠੀਚਾਰਜ ਕਰਨਾ ਪਿਆ ਸੀ। ਇਸ ਤੋਂ ਬਾਅਦ ਵਿਰੋਧ ਵਿਚ ਉਤਰੇ ਵਿਦਿਆਰਥੀ ਸੰਘ ਨੇਤਾਵਾਂ ਨੇ ਬਾਬੇ ਸੱਯਦ ਮੇਨ ਗੇਟ ਬੰਦ ਕਰ ਕੇ ਧਰਨਾ ਸ਼ੁਰੂ ਕਰ ਦਿਤਾ ਸੀ ਪਰ ਸਨਿਚਰਵਾਰ ਤੋਂ ਏਐਮਯੂ ਦੀਆਂ ਪ੍ਰੀਖਿਆਵਾਂ ਸ਼ੁਰੂ ਹੋਈਆਂ। ਐਤਵਾਰ ਨੂੰ ਬੀਟੈਕ ਅਤੇ ਬੀਆਰਕ ਦੀ ਪ੍ਰੀਖਿਆ ਵਿਚ ਸ਼ਾਮਲ ਹੋਣ ਲਈ ਬਾਹਰ ਤੋਂ ਵੀ ਵਿਦਿਆਰਥੀ ਪਹੁੰਚੇ। 

ਅਜਿਹੇ ਵਿਚ ਵਿਦਿਆਰਥੀ ਸੰਘ ਨੇਤਾਵਾਂ ਨੇ ਸਵੇਰੇ ਖ਼ੁਦ ਹੀ ਬਾਬੇ ਸੱਯਦ ਗੇਟ ਆਉਣ ਜਾਣ ਲਈ ਖੋਲ੍ਹ ਦਿਤਾ ਹੈ, ਜਿਸ ਨਾਲ ਵਿਦਿਆਰਥੀਆਂ ਨੂੰ ਸਹੂਲਤ ਮਿਲੀ ਹੈ। ਏਐਮਯੂ ਵਿਚ ਵਿਦਿਆਰਥੀਆਂ ਦੀ ਭੁੱਖ ਹੜਤਾਲ ਜਾਰੀ ਹੈ। ਵਿਦਿਆਰਥੀ ਸੰਗਠਨ ਉਪ ਪ੍ਰਧਾਨ ਸੱਜਾਦ ਸੁਭਾਨ ਰਾਥਰ ਦੇ ਨਾਲ ਦੋ ਵਿਦਿਆਰਥੀ ਅਤੇ ਤਿੰਨ ਵਿਦਿਆਰਥੀ ਭੁੱਖ ਹੜਤਾਲ 'ਤੇ ਬੈਠੇ ਹਨ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਜਦੋਂ ਤਕ ਉਨ੍ਹਾਂ ਦੀਆਂ ਮੰਗਾਂ ਪੂਰੀਆਂ ਨਹੀਂ ਹੋ ਜਾਂਦੀਆਂ, ਉਦੋਂ ਤਕ ਭੁੱਖ ਹੜਤਾਲ ਜਾਰੀ ਰਹੇਗੀ। 

ਉਧਰ ਅਜੇ ਤਕ ਵਿਦਿਆਰਥੀ ਸੰਘ ਪ੍ਰਧਾਨ ਮਸ਼ਕੂਰ ਅਹਿਮਦ ਉਸਮਾਨੀ ਅਤੇ ਸਕੱਤਰ ਮੁਹੰਮਦ ਫਹਦ ਭੁੱਖ ਹੜਤਾਲ ਤੋਂ ਦੂਰ ਹਨ। ਹਾਲਾਂਕਿ ਯੂਨੀਅਨ ਦੋਫਾੜ ਹੋਣ ਦੀ ਗੱਲ ਤੋਂ ਯੂਨੀਅਨ ਦੇ ਅਹੁਦੇਦਾਰ ਇਨਕਾਰ ਕਰ ਰਹੇ ਹਨ।

 

ਉਨ੍ਹਾਂ ਦਾ ਕਹਿਣਾ ਹੈ ਕਿ ਸਨਿਚਵਾਰ ਨੂੰ ਦੋ ਵਿਦਿਆਰਥਣਾਂ ਭੁੱਖ ਹੜਤਾਲ 'ਤੇ ਬੈਠ ਗਈਆਂ ਸੇਨ। ਅਜਿਹੇ ਵਿਚ ਉਪ ਪ੍ਰਧਾਨ ਸੱਜਾਦ ਰਾਥਰ ਨੂੰ ਵੀ ਉਨ੍ਹਾਂ ਦੇ ਨਾਲ ਭੁੱਖ ਹੜਤਾਲ ਵਿਚ ਬੈਠਣਾ ਪਿਆ।