ਜੰਮੂ ਕਸ਼ਮੀਰ ‘ਚ ਤਾਲਾਬੰਦੀ ਹੇਠ ਮਨਾਈ ਜਾ ਰਹੀ ਈਦ, ਨਹੀਂ ਦਿਖੀ ਸੜਕਾਂ ਤੇ ਰੌਣਕ
ਲੋਕਾਂ ਵੱਲੋਂ ਵੀ ਈਦ ਘਰੇ ਰਹਿਕੇ ਮਨਾਓਣ ਦੀ ਸਲਾਹ
ਜੰਮੂ ਕਸ਼ਮੀਰ(ਫਿਰਦੌਸ ਕਾਦਰੀ) ਇੱਕ ਸਾਲ ਤੋਂ ਉੱਪਰ ਦੇ ਸਮਾਂ ਬੀਤ ਚੁੱਕਿਆ ਪਰ ਕੋਰੋਨਾ ਕਾਰਨ ਅਜੇ ਵੀ ਸਾਰੇ ਤਿਓਹਾਰ ਹਦਾਇਤਾਂ ਹੇਠ ਮਨਾਏ ਜਾ ਰਹੇ ਹਨ। ਉਥੇ ਹੀ ਈਦ ਮੌਕੇ ਮੇਲੇ ਵਰਗੇ ਰੌਣਕ ਲੱਗਣ ਦੀ ਬਜਾਏ ਸੜਕਾਂ ਤੇ ਸੁੰਨ ਪਸਰੀ ਹੋਈ ਵਿਖਾਈ ਦਿੱਤੀ।
ਧਰਤੀ ਤੇ ਸਵਰਗ ਕਹਾਉਣ ਦਾ ਦਰਜਾ ਪ੍ਰਾਪਤ ਕਰਨ ਵਾਲੇ ਜੰਮੂ ਕਸ਼ਮੀਰ 'ਚ ਵੀ ਕੋਰੋਨਾ ਦੇ ਵੱਧਦੇ ਮਾਮਲਿਆਂ ਕਾਰਨ ਸੰਪੂਰਨ ਤਾਲਾਬੰਦੀ ਕੀਤੀ ਗਈ ਹੈ। ਜਿਸ ਦੀ ਲੋਕ ਬਾਖੂਬੀ ਪਾਲਣਾ ਵੀ ਕਰ ਰਹੇ ਹਨ।
ਪ੍ਰਸ਼ਾਸਨ ਦੀਆਂ ਹਦਾਇਤਾਂ 'ਤੇ ਸਾਰੀਆਂ ਦੁਕਾਨਾਂ ਅਤੇ ਕਾਰੋਬਾਰੀ ਅਦਾਰੇ ਬੰਦ ਹਨ ਅਤੇ ਲੋਕਾਂ ਨੂੰ ਲਾਗ ਦੇ ਫੈਲਣ ਦੇ ਵਿਰੁੱਧ ਸਾਵਧਾਨੀ ਉਪਾਅ ਵਜੋਂ ਆਪਣੇ ਘਰਾਂ 'ਚ ਰਹਿਣ ਦੀ ਸਲਾਹ ਦਿੱਤੀ ਗਈ ਹੈ।
ਸਥਾਨਕ ਲੋਕਾਂ ਦਾ ਕਹਿਣਾ ਹੈ ਕਿ ਸਾਨੂੰ ਆਪਣੇ ਭਲੇ ਲਈ ਤਾਲਾਬੰਦੀ ਦੀ ਪਾਲਣਾ ਕਰਨੀ ਚਾਹੀਦੀ ਹੈ। ਕਿਉਂਕਿ ਅਜਿਹੀਆਂ ਬਿਮਾਰੀਆਂ ਪ੍ਰਤੀ ਸੁਚੇਤ ਰਹਿਣਾ ਹਮੇਸ਼ਾਂ ਬਿਹਤਰ ਹੁੰਦਾ ਹੈ।
ਜ਼ਿਕਰਯੋਗ ਹੈ ਕਿ ਪੁਲਿਸ ਅਤੇ ਸੁਰੱਖਿਆ ਬਲਾਂ ਵੱਲੋਂ ਲੋਕਾਂ ਨੂੰ ਸਖਥ ਹਦਾਇਤਾਂ ਦਿੱਤੀ ਗਈਆਂ ਹਨ ਕਿ ਉਹ ਘਰੇ ਰਹਿਣ ਅਤੇ ਸਿਰਫ ਜ਼ਰੂਰੀ ਸੇਵਾਵਾਂ ਨੂੰ ਵਾਦੀ ਵਿੱਚ ਪ੍ਰਮੁੱਖਤਾ ਦੀ ਤਸਦੀਕ ਤੋਂ ਬਾਅਦ ਕੰਮ ਕਰਨ ਦੀ ਆਗਿਆ ਹੈ।