ਰਾਹੁਲ ਗਾਂਧੀ ਦੇ ਸਮਰਥਨ ਵਿਚ ਪ੍ਰਦਰਸ਼ਨ ਦੌਰਾਨ ਪੀ ਚਿਦੰਬਰਮ ਦੀ ਖੱਬੀ ਪਸਲੀ ਟੁੱਟੀ
ਕਾਂਗਰਸ ਨੇ ਕੀਤਾ ਦਾਅਵਾ - ਪੁਲਿਸ ਨੇ ਦਿੱਤਾ ਧੱਕਾ
ਨਵੀਂ ਦਿੱਲੀ - ਸਾਬਕਾ ਕੇਂਦਰੀ ਮੰਤਰੀ ਅਤੇ ਸੀਨੀਅਰ ਕਾਂਗਰਸ ਨੇਤਾ ਪੀ ਚਿਦੰਬਰਮ ਨੂੰ ਅੱਜ ਦਿੱਲੀ ਵਿਚ ਪਾਰਟੀ ਦੇ ਪ੍ਰਦਰਸ਼ਨ ਦੌਰਾਨ ਪੁਲਿਸ ਨੇ ਧੱਕਾ ਦਿੱਤਾ, ਜਿਸ ਕਾਰਨ ਉਨ੍ਹਾਂ ਦੀ ਖੱਬੀ ਪਸਲੀ ਵਿਚ ਫਰੈਕਚਰ ਹੋ ਗਿਆ।
ਇਸ ਸਬੰਧੀ ਖ਼ੁਦ ਪੀ ਚਿਦੰਬਰਮ ਨੇ ਟਵੀਟ ਕਰ ਕੇ ਜਾਣਕਾਰੀ ਦਿੱਤੀ ਹੈ। ਇਸ ਦੇ ਨਾਲ ਹੀ ਦੱਸ ਦਈਏ ਕਿ ਕਾਂਗਰਸ ਦੇ ਮੁੱਖ ਬੁਲਾਰੇ ਰਣਦੀਪ ਸੁਰਜੇਵਾਲਾ ਨੇ ਵੀ ਇੱਕ ਵੀਡੀਓ ਜਾਰੀ ਕਰਦਿਆਂ ਕਿਹਾ, “ਸਾਰਾ ਦਿਨ ਕਾਂਗਰਸੀ ਆਗੂਆਂ ‘ਤੇ ਜਾਨਲੇਵਾ ਹਮਲਾ ਕੀਤਾ ਗਿਆ। ਕਾਂਗਰਸ ਦੇ ਜਨਰਲ ਸਕੱਤਰ ਕੇਸੀ ਵੇਣੂਗੋਪਾਲ 'ਤੇ ਜਾਨਲੇਵਾ ਹਮਲਾ ਹੋਇਆ ਹੈ। ਸਾਂਸਦ ਸ਼ਕਤੀ ਸਿੰਘ ਗੋਹਿਲ 'ਤੇ ਹਮਲਾ ਕੀਤਾ ਗਿਆ। ਕਾਂਗਰਸੀ ਵਰਕਰਾਂ ਦੀ ਕੁੱਟਮਾਰ ਕੀਤੀ ਗਈ।
ਸੁਰਜੇਵਾਲਾ ਨੇ ਇਹ ਵੀ ਦਾਅਵਾ ਕੀਤਾ, ''ਮੋਦੀ ਸਰਕਾਰ ਨੇ ਬਰਬਰਤਾ ਦੀ ਹਰ ਹੱਦ ਪਾਰ ਕਰ ਦਿੱਤੀ ਹੈ। ਸਾਬਕਾ ਗ੍ਰਹਿ ਮੰਤਰੀ ਪੀ.ਚਿਦੰਬਰਮ ਨੂੰ ਪੁਲਿਸ ਨੇ ਮਾਰਿਆ, ਐਨਕਾਂ ਜ਼ਮੀਨ 'ਤੇ ਸੁੱਟੀਆਂ, ਉਨ੍ਹਾਂ ਦੀ ਖੱਬੀ ਪਸਲੀ ਵਿਚ ਫਰੈਕਚਰ ਹੋ ਗਿਆ। ਸੰਸਦ ਮੈਂਬਰ ਪ੍ਰਮੋਦ ਤਿਵਾਰੀ ਨੂੰ ਸੜਕ 'ਤੇ ਸੁੱਟ ਦਿੱਤਾ ਗਿਆ। ਸਿਰ 'ਤੇ ਸੱਟ ਲੱਗੀ ਹੈ ਅਤੇ ਪਸਲੀ ਫ੍ਰੈਕਚਰ ਹੈ।'' ਸੁਰਜੇਵਾਲਾ ਨੇ ਪੁੱਛਿਆ, ''ਕੀ ਇਹ ਲੋਕਤੰਤਰ ਹੈ? ਕੀ ਵਿਰੋਧ ਕਰਨਾ ਅਪਰਾਧ ਹੈ?