Coronavirus

ਨਵੀਂ ਦਿੱਲੀ : ਦੇਸ਼ ਵਿਚ ਕੋਵਿਡ-19 ਦੇ 97,570 ਨਵੇਂ ਕੇਸ ਸਾਹਮਣੇ ਆਉਣ ਤੋਂ ਬਾਅਦ ਸਨਿਚਰਵਾਰ ਨੂੰ ਪੀੜਤਾਂ ਦੀ ਗਿਣਤੀ 46 ਲੱਖ ਤੋਂ ਪਾਰ ਹੋ ਗਈ। ਜਦਕਿ 36,24,196 ਲੋਕ ਇਸ ਮਹਾਂਮਾਰੀ ਤੋਂ ਠੀਕ ਹੋ ਚੁਕੇ ਹਨ ਅਤੇ ਠੀਕ ਹੋਣ ਦੀ ਦਰ 77.77 ਫ਼ੀ ਸਦੀ ਹੋ ਗਈ ਹੈ।

ਕੇਂਦਰੀ ਸਿਹਤ ਮੰਤਰਾਲੇ ਅਨੁਸਾਰ ਕੁੱਲ ਮਰੀਜ਼ਾਂ ਦੀ ਗਿਣਤੀ 46,59,984 ਹੋ ਗਈ ਹੈ। ਬੀਤੇ 24 ਘੰਟਿਆਂ ਵਿਚ 1,201 ਵਧੇਰੇ ਪੀੜਤ ਲੋਕਾਂ ਦੀ ਮੌਤ ਹੋਣ ਨਾਲ ਮ੍ਰਿਤਕਾਂ ਦੀ ਗਿਣਤੀ 77,472 ਹੋ ਗਈ ਹੈ ਅਤੇ ਮੌਤ ਦਰ ਹੇਠਾਂ 1.66 ਫ਼ੀ ਸਦੀ ਹੋ ਗਈ ਹੈ।

ਇਸ ਸਮੇਂ ਦੇਸ਼ ਵਿਚ 9,58,316 ਪੀੜਤ ਮਰੀਜ਼ਾਂ ਦਾ ਇਲਾਜ ਚੱਲ ਰਿਹਾ ਹੈ, ਜੋ ਕੁੱਲ ਸੰਖਿਆ ਦਾ 20.56 ਫ਼ੀ ਸਦੀ ਹੈ। ਬੀਤੇ 24 ਘੰਟਿਆਂ ਵਿਚ, ਦੇਸ਼ ਵਿਚ 1,201 ਲੋਕਾਂ ਦੀ ਮੌਤ ਹੋ ਗਈ, ਜਿਨ੍ਹਾਂ ਵਿਚੋਂ 442 ਮਹਾਰਾਸ਼ਟਰ ਵਿਚ ਸਭ ਤੋਂ ਵਧ ਸਨ।

ਕਰਨਾਟਕ ਵਿਚ 130, ਆਂਧਰਾ ਪ੍ਰਦੇਸ਼ ਅਤੇ ਤਾਮਿਲਨਾਡੂ ਵਿਚ 77-77, ਉਤਰ ਪ੍ਰਦੇਸ਼ ਵਿਚ 76, ਪੰਜਾਬ ਵਿਚ 63, ਪਛਮੀ ਬੰਗਾਲ ਵਿਚ 57, ਮੱਧ ਪ੍ਰਦੇਸ਼ ਵਿਚ 30, ਛੱਤੀਸਗੜ ਵਿਚ 26, ਹਰਿਆਣਾ ਵਿਚ 25, ਦਿੱਲੀ ਵਿਚ 21, ਅਸਾਮ ਅਤੇ ਗੁਜਰਾਤ ਵਿਚ 16- ਝਾਰਖੰਡ ਅਤੇ ਰਾਜਸਥਾਨ ਵਿਚ 16, 15–15, ਜਦਕਿ ਕੇਰਲ ਅਤੇ ਓਡੀਸ਼ਾ ਵਿਚ 14-15 ਲੋਕਾਂ ਦੀ ਮੌਤ ਹੋ ਗਈ।    

ਮਹਾਰਾਸ਼ਟਰ 'ਚ 18 ਹਜ਼ਾਰ 890 ਪੁਲਿਸ ਮੁਲਾਜ਼ਮ ਕੋਰੋਨਾ ਪੀੜਤ
ਮਹਾਰਾਸ਼ਟਰ, 12 ਸਤੰਬਰ : ਮਹਾਰਾਸ਼ਟਰ 'ਚ ਕੋਰੋਨਾ ਪੀੜਤਾਂ ਦੀ ਗਿਣਤੀ ਤੇਜ਼ੀ ਨਾਲ ਵਧ ਰਹੀ ਹੈ। ਹੁਣ ਤਕ 10 ਲੱਖ ਤੋਂ ਵਧ ਲੋਕ ਪੀੜਤ ਹੋ ਚੁੱਕੇ ਹਨ। ਮਹਾਰਾਸ਼ਟਰ ਪੁਲਿਸ ਨੇ ਸਨਿਚਰਵਾਰ ਨੂੰ ਇਕ ਰਿਪੋਰਟ ਜਾਰੀ ਕੀਤੀ ਜਿਸ  ਅਨੁਸਾਰ ਮਹਾਰਾਸ਼ਟਰ ਵਿਚ ਹੁਣ ਤਕ 18 ਹਜ਼ਾਰ 890 ਪੁਲਿਸ ਕਰਮੀ ਕੋਰੋਨਾ ਪੀੜਤ ਹੋਏ ਹਨ ਅਤੇ 186 ਪੁਲਿਸ ਕਰਮੀਆਂ ਦੀ ਮੌਤ ਹੋ ਗਈ ਹੈ। ਦੂਜੇ ਪਾਸੇ ਉਤਰ ਪ੍ਰਦੇਸ਼ ਵਿਚ ਸ਼ਨੀਚਰਵਾਰ ਨੂੰ ਮਰੀਜ਼ਾਂ ਦੀ ਗਿਣਤੀ 3 ਲੱਖ ਤੋਂ ਪਾਰ ਕਰ ਗਈ।