Hyderabad News: ਹੈਦਰਾਬਾਦ 'ਚ ਚੋਰਾਂ ਨੇ ਕੁੱਕਰ ਨਾਲ ਮਹਿਲਾ ਦਾ ਕੀਤਾ ਕਤਲ

Thieves kill woman with a knife in Hyderabad

Thieves kill woman with a knife in Hyderabad: ਹੈਦਰਾਬਾਦ ਵਿਚ ਚੋਰਾਂ ਨੇ ਇਕ ਔਰਤ ਨੂੰ ਉਸ ਦੇ ਹੀ ਘਰ ਵਿੱਚ ਪ੍ਰੈਸ਼ਰ ਕੁੱਕਰ ਨਾਲ ਮਾਰ ਦਿੱਤਾ। ਇਹ ਘਟਨਾ ਵੀਰਵਾਰ ਨੂੰ ਸਾਹਮਣੇ ਆਈ। ਕਤਲ ਤੋਂ ਬਾਅਦ, ਚੋਰਾਂ ਨੇ ਚੀਜ਼ਾਂ ਚੋਰੀ ਕਰ ਲਈਆਂ। ਫਿਰ ਉਹ ਉਸੇ ਘਰ ਵਿੱਚ ਨਹਾਉਣ ਗਏ। ਫਿਰ ਨਵੇਂ ਕੱਪੜੇ ਪਾ ਕੇ ਫ਼ਰਾਰ ਹੋ ਗਏ। ਉਹ ਆਪਣੇ ਨਾਲ 40 ਗ੍ਰਾਮ ਸੋਨਾ ਅਤੇ 1 ਲੱਖ ਰੁਪਏ ਲੈ ਗਏ।

ਪੁਲਿਸ ਦੀ ਸ਼ੁਰੂਆਤੀ ਜਾਂਚ ਰਿਪੋਰਟ ਦੇ ਅਨੁਸਾਰ, ਇਹ ਘਟਨਾ 10 ਸਤੰਬਰ ਨੂੰ ਸਾਈਬਰਾਬਾਦ ਇਲਾਕੇ ਦੇ ਸਵੈਨ ਲੇਕ ਅਪਾਰਟਮੈਂਟ ਵਿੱਚ ਵਾਪਰੀ। ਮ੍ਰਿਤਕ ਰੇਣੂ ਅਗਰਵਾਲ (50) ਆਪਣੇ ਪਤੀ ਅਤੇ ਬੱਚੇ ਨਾਲ ਅਪਾਰਟਮੈਂਟ ਦੀ 13ਵੀਂ ਮੰਜ਼ਿਲ 'ਤੇ ਰਹਿੰਦੀ ਸੀ। ਘਟਨਾ ਦੇ ਸਮੇਂ ਔਰਤ ਘਰ ਵਿੱਚ ਇਕੱਲੀ ਸੀ। ਸਵੇਰੇ ਔਰਤ ਦਾ 26 ਸਾਲਾ ਪੁੱਤਰ ਅਤੇ ਪਤੀ ਦਫ਼ਤਰ ਗਏ ਹੋਏ ਸਨ। ਇਸ ਤੋਂ ਬਾਅਦ ਦੋ ਚੋਰ ਘਰ ਵਿੱਚ ਦਾਖ਼ਲ ਹੋਏ।

ਪੁਲਿਸ ਨੇ ਦੱਸਿਆ ਕਿ ਜਦੋਂ ਬੁੱਧਵਾਰ ਸ਼ਾਮ ਨੂੰ ਕਾਫ਼ੀ ਦੇਰ ਤੱਕ ਬੁਲਾਉਣ ਤੋਂ ਬਾਅਦ ਵੀ ਰੇਣੂ ਨੇ ਦਰਵਾਜ਼ਾ ਨਹੀਂ ਖੋਲ੍ਹਿਆ ਤਾਂ ਪੁੱਤਰ ਅਤੇ ਪਤੀ ਨੇ ਪਲੰਬਰ ਦੀ ਮਦਦ ਨਾਲ ਦਰਵਾਜ਼ਾ ਖੋਲ੍ਹਿਆ। ਇਸ ਤੋਂ ਬਾਅਦ ਪੁਲਿਸ ਨੂੰ ਸੂਚਿਤ ਕੀਤਾ ਗਿਆ। ਔਰਤ ਨੂੰ ਕੁੱਕਰ ਨਾਲ ਮਾਰਨ ਤੋਂ ਬਾਅਦ, ਚੋਰਾਂ ਨੇ ਕੈਂਚੀ ਨਾਲ ਉਸ ਦਾ ਗਲਾ ਵੱਢ ਦਿੱਤਾ। ਸੀਸੀਟੀਵੀ ਵਿੱਚ ਦੋ ਮੁਲਜ਼ਮਾਂ ਨੂੰ ਅਪਾਰਟਮੈਂਟ ਤੋਂ ਬਾਹਰ ਜਾਂਦੇ ਦੇਖਿਆ ਗਿਆ।

ਪੁਲਿਸ ਨੂੰ ਘਰ ਵਿੱਚ ਕੰਮ ਕਰਨ ਵਾਲੀ ਹਰਸ਼ਾ ਅਤੇ 14ਵੀਂ ਮੰਜ਼ਿਲ 'ਤੇ ਕੰਮ ਕਰਨ ਵਾਲੇ ਰੋਸ਼ਨ 'ਤੇ ਸ਼ੱਕ ਹੈ। ਘਟਨਾ ਵਾਲੀ ਸ਼ਾਮ 5 ਵਜੇ ਸੀਸੀਟੀਵੀ ਫੁਟੇਜ ਵਿੱਚ ਦੋਵੇਂ ਦੇਖੇ ਗਏ ਸਨ। ਉਦੋਂ ਤੋਂ ਦੋਵੇਂ ਲਾਪਤਾ ਹਨ। ਹਰਸ਼ਾ 10 ਦਿਨ ਪਹਿਲਾਂ ਮ੍ਰਿਤਕ ਦੇ ਘਰ ਕੰਮ ਕਰਨ ਆਇਆ ਸੀ। ਪੁਲਿਸ ਦਾ ਕਹਿਣਾ ਹੈ ਕਿ ਦੋਵੇਂ ਹੈਦਰਾਬਾਦ ਤੋਂ ਭੱਜ ਕੇ ਰਾਂਚੀ ਚਲੇ ਗਏ ਹਨ। ਪੁਲਿਸ ਅਪਾਰਟਮੈਂਟ ਵਿੱਚ ਬਾਕੀ ਲੋਕਾਂ ਤੋਂ ਪੁੱਛਗਿੱਛ ਕਰ ਰਹੀ ਹੈ। ਰੇਣੂ ਅਗਰਵਾਲ ਦੀ ਲਾਸ਼ ਪੋਸਟਮਾਰਟਮ ਲਈ ਭੇਜ ਦਿੱਤੀ ਗਈ ਹੈ।

"(For more news apart from “Thieves kill woman with a knife in Hyderabad, ” stay tuned to Rozana Spokesman.)