ਆਯੂਰਵੈਦ ਭਾਰਤ ਦੀ ਵਿਰਾਸਤ, ਇਸ ਦੇ ਵਿਸਤਾਰ 'ਚ ਮਨੁੱਖਤਾ ਦੀ ਭਲਾਈ: ਮੋਦੀ

ਮੋਦੀ ਨੇ ਆਯੂਰਵੈਦ ਦਿਵਸ 'ਤੇ ਦੇਸ਼ ਨੂੰ ਸਮਰਪਿਤ ਕੀਤੀਆਂ ਦੋ ਰਾਸ਼ਟਰੀ ਸੰਸਥਾਵਾਂ

ਨਵੀਂ ਦਿੱਲੀ, 13 ਨਵੰਬਰ: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਸ਼ੁਕਰਵਾਰ ਨੂੰ ਕਿਹਾ ਕਿ ਆਯੂਰਵੈਦ ਭਾਰਤ ਦੀ ਵਿਰਾਸਤ ਹੈ ਜਿਸ ਦਾ ਵਿਸਤਾਰ ਸਾਰੀ ਮਨੁੱਖਤਾ ਦੀ ਭਲਾਈ ਸਮਾਈ ਹੋਈ ਹੈ।

image

ਉਨ੍ਹਾਂ ਕਿਹਾ ਕਿ ਕੋਰੋਨਾ ਦੀ ਲਾਗ ਕਾਰਨ ਭਾਰਤ ਸਥਿਰ ਸਥਿਤੀ 'ਚ ਹੈ, ਇਸ ਲਈ ਰਵਾਇਤੀ ਮੈਡੀਕਲ ਪ੍ਰਣਾਲੀ ਦਾ ਇਸ ਵਿਚ ਵੱਡਾ ਯੋਗਦਾਨ ਹੈ ਜੋ ਅੱਜ ਦੂਜੇ ਦੇਸ਼ਾਂ ਨੂੰ ਵੀ ਅਮੀਰ ਬਣਾ ਰਿਹਾ ਹੈ। ਪ੍ਰਧਾਨ ਮੰਤਰੀ ਨੇ ਇਹ ਗੱਲਾਂ ਪੰਜਵੇਂ ਆਯੂਰਵੈਦ ਦਿਵਸ ਨੂੰ ਆਯੂਰਵੈਦ ਸੰਸਥਾਨਾਂ, ਜਾਮਨਗਰ ਦੇ ਆਯੂਰਵੇਦ ਟੀਚਿੰਗ ਐਂਡ ਰਿਸਰਚ (ਆਈਟੀਆਰਏ) ਅਤੇ ਜੈਪੁਰ ਦੇ ਰਾਸ਼ਟਰੀ ਆਯੂਰਵੈਦ (ਐਨਆਈਏ) ਨੂੰ ਸਮਰਪਿਤ ਕਰਨ ਤੋਂ ਬਾਅਦ ਅਪਣੇ ਸੰਬੋਧਨ 'ਚ ਕਹੀਆਂ।

ਉਨ੍ਹਾਂ ਕਿਹਾ ਕਿ ਆਯੂਰਵੈਦ ਭਾਰਤ ਦੀ ਵਿਰਾਸਤ ਹੈ, ਇਸ ਦੇ ਵਿਸਤਾਰ ਵਿਚ ਸਮੁੱਚੀ ਮਨੁੱਖਤਾ ਦੀ ਭਲਾਈ ਹੈ। ਇਹ ਵੇਖ ਕੇ ਕਿਸ ਭਾਰਤੀ ਨੂੰ ਖ਼ੁਸ਼ੀ ਨਹੀਂ ਹੋਵੇਗੀ ਕਿ ਸਾਡਾ ਰਵਾਇਤੀ ਗਿਆਨ ਹੁਣ ਹੋਰ ਦੇਸ਼ਾਂ ਨੂੰ ਵੀ ਅਮੀਰ ਬਣਾ ਰਿਹਾ ਹੈ। ਅੱਜ, ਬ੍ਰਾਜੀਲ ਦੀ ਰਾਸ਼ਟਰੀ ਨੀਤੀ 'ਚ ਆਯੂਰਵੈਦ ਸ਼ਾਮਲ ਹੈ। ਭਾਰਤ-ਅਮਰੀਕਾ ਸਬੰਧ ਹਨ ਜਾਂ ਭਾਰਤ ਜਰਮਨੀ ਰਿਸ਼ਤੇ ਹੋਣ, ਆਯੂਸ਼ ਅਤੇ ਰਵਾਇਤੀ ਦਵਾਈ ਨਾਲ ਜੁੜੇ ਸਹਿਯੋਗ ਨਿਰੰਤਰ ਵੱਧ ਰਿਹਾ ਹੈ। (ਏਜੰਸੀ)