ਆਪਣੇ ਦਾਦੇ ਦੀਆਂ ਅੱਖਾਂ ਨਾਲ ਦੁਨੀਆ ਦੇਖ ਰਹੀ ਹੈ ਇਹ ਪੋਤੀ
ਦਾਦਾ ਪੋਤੀ ਦਾ ਗਾਇਆ ਗਾਣਾ ਕਰ ਰਿਹਾ ਸਭ ਨੂੰ ਭਾਵੁਕ
ਚੰਡੀਗੜ੍ਹ- ਮਾਂ ਬਾਪ ਬੱਚਿਆਂ ਨੂੰ ਜਨਮ ਦੇ ਕੇ ਇਹ ਬੇਹੱਦ ਖੂਬਸੂਰਤ ਸ੍ਰਿਸ਼ਟੀ ਦਿਖਾਉਂਦੇ ਪਰ ਬੱਚਿਆਂ ਦੇ ਦਾਦਾ ਦਾਦੀ ਜਾਂ ਨਾਨਾ ਨਾਨੀ ਸਾਨੂੰ ਉਹ ਹੌਂਸਲਾ ਦਿੰਦੇ ਹਨ ਜੋ ਸਾਨੂੰ ਇਸ ਸਮਾਜ ਵਿਚ ਵਿਚਾਰਨਾ ਸਿਖਾਉਂਦੇ ਹਨ, ਅਜਿਹੀ ਹੀ ਇੱਕ ਵੀਡੀਓ ਅਸੀਂ ਤੁਹਾਡੇ ਨਾਲ ਸਾਂਝੀ ਕਰਨ ਜਾ ਰਹੇ ਹਾਂ ਜਿਥੇ ਇੱਕ ਦਾਦਾ ਆਪਣੀ ਪੋਤੀ ਨਾਲ ਸਟੇਜ ਤੇ ਪੁਰਾਣੀ ਫਿਲਮ ਜੀਵਨ ਮ੍ਰਿਤਯੂ ਦਾ ਗਾਣਾ 'ਝਿਲ ਮਿਲ ਸਿਤਾਰੋਂ ਕਾ ਆਂਗਨ ਹੋਗਾ' ਗਾਉਂਦੇ ਦਿਖਾਈ ਦੇ ਰਹੇ ਹਨ
ਪਰ ਇਸ ਦਾਦਾ ਜੀ ਦੀ ਇਹ ਲਾਡਲੀ ਪੋਤੀ ਦੇਖ ਨਹੀਂ ਸਕਦੀ। ਇਸ ਲੜਕੀ ਦੀ ਅੱਖਾਂ ਦੀ ਜੋਤ ਨਹੀਂ ਹੈ ਪਰ ਇਹ ਦਾਦਾ ਪੋਤੀ ਗਾਉਂਦੇ ਬਹੁਤ ਸੋਹਣਾ ਹਨ ਅਤੇ ਇਸ ਲੜਕੀ ਦਾ ਦਾਦਾ ਉਸਨੂੰ ਹਰ ਥਾਂ ਹੌਂਸਲਾ ਦੇ ਰਿਹਾ ਹੈ। ਦੋਵਾਂ ਵਿਚਲਾ ਪਿਆਰ ਇਹ ਸਾਫ ਦਰਸਾ ਰਿਹਾ ਹੈ ਕਿ ਇਹ ਪੋਤੀ ਆਪਣੇ ਦਾਦਾ ਜੀ ਦੀਆਂ ਅੱਖਾਂ ਨਾਲ ਸੰਸਾਰ ਨੂੰ ਦੇਖ ਪਾ ਰਹੀ ਹੈ।
ਇੱਕ ਵਾਰ ਤਾਂ ਇਹ ਵੀਡੀਓ ਦੇਖਕੇ ਤੁਹਾਡਾ ਸਭ ਦਾ ਦਿਲ ਵੀ ਭਾਵੁਕ ਹੋ ਗਿਆ ਹੋਣਾ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿ ਇਸ ਦਾਦਾ ਪੋਤੀ ਦੇ ਪਿਆਰ ਦਾ ਕਿ ਆਪਣੇ ਬਜ਼ੁਰਗਾਂ ਕੋਲੋਂ ਇਸ ਲੜਕੀ ਨੂੰ ਕਿੰਨੀ ਜ਼ਿਆਦਾ ਸੁਪੋਰਟ ਮਿਲ ਰਹੀ ਹੈ। ਸਲਾਮ ਹੈ ਅਜਿਹੇ ਰਿਸ਼ਤਿਆਂ ਨੂੰ ਜਿਥੇ ਰੱਬ ਰੂਪੀ ਪਿਆਰ ਇਸ ਕਦਰ ਵਰਸਦਾ ਹੈ।
ਦੱਸ ਦਈਏ ਕਿ ਅੱਜ ਕੱਲ੍ਹ ਦੇ ਬੱਚਿਆਂ ਕੋਲ ਇਨ੍ਹਾਂ ਸਮਾਂ ਹੀ ਨਹੀਂ ਹੈ ਕਿ ਉਹ ਆਪਣੇ ਦਾਦਾ-ਦਾਦੀ ਨਾਲ ਸਮਾਂ ਬਿਤਾ ਸਕਣ। ਕਿਉਂਕਿ ਅੱਜ ਕੱਲ੍ਹ ਦੇ ਬੱਚੇ ਸਾਰਾ ਦਿਨ ਇੰਟਰਨੈੱਟ ਦੀ ਵਰਤੋਂ ਕਰ ਦੇ ਹਨ ਜਾਂ ਪੜ੍ਹਾਈ ਜਾਂ ਫਿਰ ਜ਼ਿਆਦਾ ਸਮਾਂ ਆਪਣੇ ਦੋਸਤਾਂ ਨਾਲ ਗੁਜਾਰਦੇ ਹਨ ਅਤੇ ਇਹੀ ਕਾਰਨ ਹੈ ਕਿ ਬੱਚੇ ਆਪਣੇ ਪਿਆਰ ਦੇ ਰਿਸ਼ਤਿਆਂ ਤੋਂ ਦੁਰ ਹੋ ਰਹੇ ਹਨ।