ਅਸ਼ਵਿਨ ਦੀ ਝੋਲੀ ਵਿਚ ਇਕ ਹੋਰ ਰਿਕਾਰਡ,ਭਾਰਤ 'ਚ ਜ਼ਿਆਦਾ ਵਿਕਟਾਂ ਦੇ ਮਾਮਲੇ ਵਿਚ ਭੱਜੀ ਨੂੰ ਪਛਾੜਿਆ

 ਨਵੀਂ ਦਿੱਲੀ: ਟੀਮ ਇੰਡੀਆ ਦੇ ਦਿੱਗਜ ਗੇਂਦਬਾਜ਼ ਰਵੀਚੰਦਰਨ ਅਸ਼ਵਿਨ ਨੇ ਸ਼ਾਨਦਾਰ ਪ੍ਰਦਰਸ਼ਨ ਜਾਰੀ ਰੱਖਿਆ। ਚੇਨਈ ਵਿਚ ਇੰਗਲੈਂਡ ਖ਼ਿਲਾਫ਼ ਖੇਡੇ ਜਾ ਰਹੇ ਦੂਸਰੇ ਟੈਸਟ ਮੈਚ ਵਿਚ ਉਸਨੇ ਮਹਿਮਾਨ ਖਿਡਾਰੀਆਂ ਨੂੰ ਆਪਣੀ ਫਿਰਕੀ ਨਾਲ ਚਕਮਾ ਦਿੱਤਾ ਅਤੇ ਭਾਰਤ ਨੂੰ ਮਹੱਤਵਪੂਰਨ ਸਫਲਤਾਵਾਂ ਦਿੱਤੀਆਂ। ਇਸ ਸਮੇਂ ਦੌਰਾਨ ਅਸ਼ਵਿਨ ਨੇ ਆਪਣੀਆਂ ਪ੍ਰਾਪਤੀਆਂ ਦੀ ਸੂਚੀ ਵਿੱਚ ਇੱਕ ਹੋਰ ਰਿਕਾਰਡ ਸ਼ਾਮਲ ਕੀਤਾ।

ਅਸ਼ਵਿਨ ਨੇ ਹੁਣ ਭਾਰਤ ਵਿਚ ਟੈਸਟ ਕ੍ਰਿਕਟ ਵਿਚ ਸਭ ਤੋਂ ਵੱਧ ਵਿਕਟਾਂ ਲੈਣ ਦੇ ਮਾਮਲੇ ਵਿਚ ਹਰਭਜਨ ਸਿੰਘ ਨੂੰ ਪਛਾੜ ਦਿੱਤਾ ਹੈ। ਅਸ਼ਵਿਨ ਦੇ ਕੋਲ ਹੁਣ 266 * ਵਿਕਟਾਂ ਹੋ ਗਈਆਂ ਹਨ, ਜਦਕਿ ਹਰਭਜਨ ਨੇ 265 ਵਿਕਟਾਂ ਲਈਆਂ ਹਨ।

ਹਾਲਾਂਕਿ, ਭਾਰਤ ਵਿਚ ਸਭ ਤੋਂ ਵੱਧ ਵਿਕਟ ਲੈਣ ਦਾ ਰਿਕਾਰਡ ਅਜੇ ਵੀ ਦਿੱਗਜ ਅਨਿਲ ਕੁੰਬਲੇ ਦੇ ਨਾਮ 'ਤੇ ਦਰਜ ਹੈ। ਉਹਨਾਂ ਨੇ 350 ਵਿਕਟਾਂ ਲਈਆਂ ਸਨ ।  ਦੱਸ ਦੇਈਏ ਕਿ ਚੋਟੀ ਦੇ ਤਿੰਨੋਂ ਗੇਂਦਬਾਜ਼ ਭਾਰਤ ਵਿੱਚ ਸਭ ਤੋਂ ਵੱਧ ਟੈਸਟ ਲੈਣ ਦੇ ਮਾਮਲੇ ਵਿੱਚ ਸਪਿੰਨਰ ਹਨ। ਜਦੋਂਕਿ ਤੇਜ਼ ਗੇਂਦਬਾਜ਼ ਕਪਿਲ ਦੇਵ ਨੇ 219 ਵਿਕਟਾਂ ਲਈਆਂ ਸਨ।