ਚਮੋਲੀ:ਇਕ ਹਫ਼ਤੇ ਬਾਅਦ ਸੁਰੰਗ ਦੇ ਅੰਦਰੋਂ ਤਿੰਨ ਲਾਸ਼ਾਂ ਬਰਾਮਦ,ਤੇਜ਼ ਹੋਇਆ ਸਰਚ ਆਪ੍ਰੇਸ਼ਨ
ਡੀਐਮ ਨੇ ਬੈਰਾਜ ਵਾਲੀ ਸਾਈਡ ਦਾ ਕੀਤਾ ਨਿਰੀਖਣ
ਉਤਰਾਖੰਡ: ਉਤਰਾਖੰਡ ਦੇ ਚਮੋਲੀ ਵਿਚ ਆਈ ਤਬਾਹੀ ਤੋਂ ਬਾਅਦ 164 ਲੋਕ ਲਾਪਤਾ ਹਨ। ਇਸ ਦੇ ਨਾਲ ਹੀ ਰੈਨੀ ਅਤੇ ਤਪੋਵਾਨ ਖੇਤਰਾਂ ਤੋਂ 38 ਅਤੇ ਸੁਰੰਗ ਵਿਚੋਂ ਤਿੰਨ ਲਾਸ਼ਾਂ ਮਿਲੀਆਂ ਹਨ।
ਤਬਾਹੀ ਤੋਂ ਬਾਅਦ ਕੁੱਲ 41 ਲਾਸ਼ਾਂ ਬਰਾਮਦ ਕੀਤੀਆਂ ਗਈਆਂ ਹਨ। ਸੁਰੰਗ ਵਿੱਚ ਫਸੇ 32 ਲੋਕਾਂ ਨੂੰ ਬਾਹਰ ਕੱਢਣ ਲਈ ਐਨਡੀਆਰਐਫ ਅਤੇ ਐਸਡੀਆਰਐਫ ਟੀਮਾਂ ਨਿਰੰਤਰ ਮਲਬੇ ਨੂੰ ਸਾਫ ਕਰਨ ਲਈ ਕੰਮ ਕਰ ਰਹੀਆਂ ਹਨ।
ਡੀਐਮ ਨੇ ਬੈਰਾਜ ਵਾਲੀ ਸਾਈਡ ਦਾ ਕੀਤਾ ਨਿਰੀਖਣ
ਤਪੋਵਨ ਵਿਖੇ ਦੋ ਲਾਸ਼ਾਂ ਮਿਲਣ ਤੋਂ ਬਾਅਦ ਜ਼ਿਲ੍ਹਾ ਮੈਜਿਸਟਰੇਟ ਸਵਾਤੀ ਭਦੋਰੀਆ ਅਤੇ ਪੁਲਿਸ ਸੁਪਰਡੈਂਟ ਯਸ਼ਵੰਤ ਸਿੰਘ ਚੌਹਾਨ ਨੇ ਬੈਰਾਜ ਵਾਲੇ ਪਾਸੇ ਦਾ ਮੁਆਇਨਾ ਕੀਤਾ। ਉਹਨਾਂ ਨਾਲ ਐਨਡੀਆਰਐਫ ਅਤੇ ਐਸਡੀਆਰਐਫ ਦੀਆਂ ਟੀਮਾਂ ਮੌਜੂਦ ਸਨ।
ਡੀਐਮ ਦਾ ਕਹਿਣਾ ਹੈ ਕਿ ਸਰਚ ਆਪ੍ਰੇਸ਼ਨ ਤੇਜ਼ੀ ਨਾਲ ਚੱਲ ਰਿਹਾ ਹੈ। ਸੱਤ ਐਂਬੂਲੈਂਸਾਂ, ਪੋਸਟ ਮਾਰਟਮ ਟੀਮਾਂ ਅਤੇ ਇੱਕ ਹੈਲੀਕਾਪਟਰ ਵੀ ਰੱਖਿਆ ਗਿਆ ਹੈ। ਜੇ ਕੋਈ ਵਿਅਕਤੀ ਜ਼ਿੰਦਾ ਬਰਾਮਦ ਕੀਤਾ ਜਾਂਦਾ ਹੈ, ਤਾਂ ਉਸ ਨੂੰ ਤੁਰੰਤ ਇਲਾਜ ਮੁਹੱਈਆ ਕਰਵਾਉਣ ਲਈ ਪੂਰੇ ਪ੍ਰਬੰਧ ਕੀਤੇ ਗਏ ਹਨ।