Bridge collapse near CSMT railway station
ਮੁੰਬਈ : ਛਤਰਪਤੀ ਸ਼ਿਵਾਜੀ ਸਟੇਸ਼ਨ ਨੇੜੇ ਬਣੇ ਇੱਕ ਫੁਟ ਓਵਰ ਬ੍ਰਿਜ ਦਾ ਵੱਡਾ ਹਿੱਸਾ ਵੀਰਵਾਰ ਸ਼ਾਮ ਡਿੱਗ ਗਿਆ। ਪੁਲਿਸ ਮੁਤਾਬਕ ਹਾਦਸੇ 'ਚ 2 ਔਰਤਾਂ ਸਮੇਤ 5 ਲੋਕਾਂ ਦੀ ਮੌਤ ਹੋ ਗਈ, ਜਦਕਿ 34 ਲੋਕ ਜ਼ਖ਼ਮੀ ਹਨ। ਸੜਕ 'ਤੇ ਮਲਬਾ ਡਿੱਗਣ ਕਾਰਨ ਕਈ ਲੋਕ ਇਸ 'ਚ ਦੱਬੇ ਹੋਏ ਹਨ। ਮਲਬੇ ਨੂੰ ਹਟਾਉਣ ਦਾ ਕੰਮ ਜਾਰੀ ਹੈ।
ਮੁੰਬਈ ਪੁਲਿਸ ਮੁਤਾਬਕ ਫ਼ੁਰ ਓਵਰ ਬ੍ਰਿਜ ਸੀਐਸਐਮਟੀ ਦੇ ਪਲੇਟਫਾਰਮ ਨੰਬਰ-1 ਦੇ ਉੱਤਰੀ ਸਿਰੇ ਨੂੰ ਬੀਟੀ ਲੇਨ ਨਾਲ ਜੋੜਦਾ ਹੈ। ਪੁਲ ਡਿੱਗਣ ਕਾਰਨ ਕਈ ਗੱਡੀਆਂ ਇਸ ਦੀ ਲਪੇਟ 'ਚ ਆ ਗਈਆਂ। ਜ਼ਖ਼ਮੀਆਂ ਨੂੰ ਹਸਪਤਾਲਾਂ 'ਚ ਦਾਖ਼ਲ ਕਰਵਾਇਆ ਗਿਆ ਹੈ। ਇਨ੍ਹਾਂ 'ਚੋਂ ਕਈਆਂ ਦੀ ਹਾਲਤ ਗੰਭੀਰ ਦੱਸੀ ਜਾ ਰਹੀ ਹੈ। ਮ੍ਰਿਤਕਾਂ 'ਚ ਅਪੂਰਵਾ ਪ੍ਰਭੂ (35), ਰੰਜਨਾ ਤਾਂਬੇ (40) ਅਤੇ ਜਾਹਿਦਾ ਸ਼ਿਰਾਜ ਖ਼ਾਨ (32) ਸ਼ਾਮਲ ਹਨ।