ਪੀਐਨਬੀ ਘਪਲਾ : ਸੀਬੀਆਈ ਨੇ ਨੀਰਵ ਮੋਦੀ-ਮੇਹੁਲ ਚੌਕਸੀ ਵਿਰੁਧ ਦਾਇਰ ਕੀਤੀ ਚਾਰਜਸ਼ੀਟ

cbi files first charge sheet in pnb scam by nirav modi and mehul choksi

ਨਵੀਂ ਦਿੱਲੀ : ਸੀਬੀਆਈ ਨੇ ਪੀਐਨਬੀ ਵਿਚ ਹੀਰਾ ਕਾਰੋਬਾਰੀ ਨੀਰਵ ਮੋਦੀ ਅਤੇ ਮੇਹੁਲ ਚੌਕਸੀ ਵਲੋਂ ਦੋ ਅਰਬ ਡਾਲਰ ਦੇ ਘਪਲਾ ਮਾਮਲੇ ਵਿਚ ਪਹਿਲੀ ਚਾਰਜਸ਼ੀਟ ਦਾਇਰ ਕਰ ਦਿਤੀ ਹੈ।

ਸੀਬੀਆਈ ਨੇ ਨੀਰਵ ਮੋਦੀ ਦੇ ਮਾਮਲੇ ਵਿਚ ਚਾਰਜਸ਼ੀਟ ਵਿਚ ਇਲਾਹਾਬਾਦ ਬੈਂਕ ਦੀ ਐਮਡੀ-ਸੀਈਓ ਊਸ਼ਾ ਅਨੰਤ ਸੁਬਰਮਨੀਅਮ ਅਤੇ ਪੀਐਨਬੀ ਦੇ ਦੋ ਕਾਰਜਕਾਰੀ ਨਿਦੇਸ਼ਕਾਂ ਦੀਆਂ ਕਥਿਤ ਭੂਮਿਕਾਵਾਂ ਦਾ ਵਿਸਥਾਰ ਨਾਲ ਜ਼ਿਕਰ ਕੀਤਾ ਹੈ। 

ਇਹ ਚਾਰਜਸ਼ੀਟ ਸਬੰਧਤ ਮੁੰਬਈ ਦੀ ਸੀਬੀਆਈ ਅਦਾਲਤ ਵਿਚ ਦਾਖ਼ਲ ਕੀਤੀ ਗਈ ਹੈ। ਸੀਬੀਆਈ ਨੇ 1 ਜਨਵਰੀ ਨੂੰ ਹੀਰਾ ਵਪਾਰੀ ਨੂੰ ਫ਼ਰਜ਼ੀਵਾੜੇ ਕਰ ਕੇ ਜਾਰੀ ਕੀਤੇ ਗਏ 6400 ਕਰੋੜ ਲੈਟਰਜ਼ ਆਫ਼ ਅੰਡਰਟੇਕਿੰਗਜ਼ (ਐਲਓਯੂ) ਨੂੰ ਲੈ ਕੇ ਕੇਸ ਦਰਜ ਕੀਤਾ ਗਿਆ ਸੀ।

ਇਸ ਐਫਆਈਆਰ ਤੋਂ ਬਾਅਦ ਏਜੰਸੀ ਨੇ ਇਕ ਹੋਰ ਕੇਸ ਨੀਰਵ ਮੋਦੀ ਦੇ ਰਿਸ਼ਤੇਦਾਰ ਮੇਹੁਲ ਚੌਕਸੀ ਨੂੰ ਜਾਰੀ ਕੀਤੇ ਗਏ ਐਲਓਯੂ ਅਤੇ ਫਾਰੇਨ ਲੈਟਰਜ਼ ਆਫ਼ ਕ੍ਰੈਡਿਟ ਨੂੰ ਲੈ ਕੇ ਦਰਜ ਕੀਤਾ। ਮਾਰਚ ਵਿਚ ਜਾਂਚ ਏਜੰਸੀ ਨੇ ਨੀਰਵ ਮੋਦੀ ਅਤੇ ਉਸ ਦੀਆਂ ਦੋ ਕੰਪਨੀਆਂ ਵਿਰੁਧ ਵਿੱਤੀ ਸੰਸਥਾ ਤੋਂ 322 ਕਰੋੜ ਰੁਪਏ ਦਾ ਫ਼ਰਜ਼ੀਵਾੜਾ ਕਰਨ ਨੂੰ ਲੈ ਕੇ ਤੀਜਾ ਕੇਸ ਦਰਜ ਕੀਤਾ।