ਵਿਧਵਾ ਨੂੰਹ ਸਹੁਰੇ ਤੋਂ ਮੰਗ ਸਕਦੀ ਹੈ ਗੁਜ਼ਾਰੇ ਲਈ ਖਰਚਾ-ਛੱਤੀਸਗੜ੍ਹ ਹਾਈ ਕੋਰਟ

High Court Of Chhattisgarh

 

 

ਰਾਏਪੁਰ: ਛੱਤੀਸਗੜ੍ਹ ਹਾਈ ਕੋਰਟ: ਜੇਕਰ ਹਿੰਦੂ ਵਿਧਵਾ ਨੂੰਹ ਚਾਹੇ, ਤਾਂ ਉਹ ਆਪਣੇ ਸਹੁਰੇ ਤੋਂ ਗੁਜ਼ਾਰੇ ਲਈ ਖਰਚੇ ਦੀ ਮੰਗ ਕਰ ਸਕਦੀ ਹੈ। ਛੱਤੀਸਗੜ੍ਹ ਹਾਈਕੋਰਟ ਨੇ ਇੱਕ ਮਾਮਲੇ ਦੀ ਸੁਣਵਾਈ ਕਰਦੇ ਹੋਏ ਇਹ ਅਹਿਮ ਫੈਸਲਾ ਦਿੱਤਾ ਹੈ। ਇਸ ਫੈਸਲੇ ਦੇ ਆਉਣ ਨਾਲ ਵਿਧਵਾ ਨੂੰਹ ਨੂੰ ਆਪਣੇ ਪਤੀ ਦੀ ਗੈਰ-ਮੌਜੂਦਗੀ ਵਿੱਚ ਜੀਵਨ ਜਿਊਣ ਵਿੱਚ ਮਦਦ ਮਿਲੇਗੀ। ਦਰਅਸਲ, ਹੁਣ ਤੱਕ ਇਹ ਮੰਨਿਆ ਜਾਂਦਾ ਸੀ ਕਿ ਔਰਤ ਆਪਣੇ ਪਤੀ ਤੋਂ ਹੀ ਗੁਜ਼ਾਰੇ ਦਾ ਖਰਚਾ ਮੰਗ ਸਕਦੀ ਹੈ, ਪਰ ਹਾਈ ਕੋਰਟ ਨੇ ਹੁਣ ਸਪੱਸ਼ਟ ਕਰ ਦਿੱਤਾ ਹੈ ਕਿ ਵਿਧਵਾ ਦੇ ਗੁਜ਼ਾਰੇ ਦਾ ਖਰਚਾ ਵੀ ਸਹੁਰੇ ਨੂੰ ਹੀ ਦੇਣਾ ਹੋਵੇਗਾ। 

 

ਖਬਰ ਮੁਤਾਬਕ ਕੋਰਬਾ ਨਿਵਾਸੀ ਲੜਕੀ ਦਾ ਵਿਆਹ ਸਾਲ 2008 'ਚ ਜਾਜਗੀਰ ਦੇ ਨੌਜਵਾਨ ਨਾਲ ਹੋਇਆ ਸੀ। ਉਸ ਦੇ ਪਤੀ ਦੀ ਸਾਲ 2012 ਵਿੱਚ ਮੌਤ ਹੋ ਗਈ ਸੀ। ਜਿਸ 'ਤੇ ਵਿਧਵਾ ਨੂੰਹ ਆਪਣੇ ਸਹੁਰੇ ਤੋਂ ਗੁਜ਼ਾਰੇ ਲਈ ਖਰਚੇ ਦੀ ਮੰਗ ਕਰ ਰਹੀ ਸੀ। ਇਸ ਦੇ ਲਈ ਉਸ ਨੇ ਚੰਪਾ ਜੰਜੀਰ ਦੀ ਫੈਮਿਲੀ ਕੋਰਟ 'ਚ ਪਟੀਸ਼ਨ ਦਾਇਰ ਕੀਤੀ ਸੀ।

ਨੂੰਹ ਦੀ ਫੈਮਿਲੀ ਕੋਰਟ 'ਚ ਦਾਇਰ ਪਟੀਸ਼ਨ ਖਿਲਾਫ ਉਸ ਦੇ ਸਹੁਰੇ ਨੇ ਹਾਈਕੋਰਟ 'ਚ ਪਟੀਸ਼ਨ ਦਾਇਰ ਕੀਤੀ ਸੀ। ਜਿਸ 'ਤੇ ਹਾਈਕੋਰਟ ਨੇ ਸੁਣਵਾਈ ਕਰਦੇ ਹੋਏ ਕਿਹਾ ਕਿ ਜੇਕਰ ਔਰਤ ਪਾਲਣ-ਪੋਸ਼ਣ 'ਚ ਅਸਮਰਥ ਹੈ ਤਾਂ ਉਹ ਸਹੁਰੇ 'ਤੇ ਖਰਚ ਲਈ ਦਾਅਵਾ ਕਰ ਸਕਦੀ ਹੈ।