Central govt is planning to impose a ban on 12 items including small plastic bottles

ਨਵੀਂ ਦਿੱਲੀ: ਕੇਂਦਰ ਸਰਕਾਰ ਛੋਟੀਆਂ ਪਲਾਸਟਿਕ ਬੋਤਲਾਂ, ਥਰਮਾਕੋਲ ਅਤੇ ਸਿਗਰੇਟ ਬਟਸ ਸਮੇਤ 12 ਚੀਜ਼ਾਂ ਤੇ ਬੈਨ ਲਗਾਉਣ ਦੀ ਯੋਜਨਾ ਬਣਾ ਰਹੀ ਹੈ। ਇਸ ਤੋਂ ਪਹਿਲਾਂ ਕੇਂਦਰ ਸਰਕਾਰ ਨੇ ਸਿੰਗਲ ਯੂਜ਼ ਪਲਾਸਟਿਕ ’ਤੇ ਪੂਰੀ ਤਰ੍ਹਾਂ ਪਾਬੰਦ ਲਾਉਣ ਦੀ ਇੱਛਾ ਜ਼ਾਹਰ ਕੀਤੀ ਸੀ ਪਰ ਇਸ ਦੇ ਲਾਗੂ ਹੋਣ ਲਈ ਕੋਈ ਟਾਈਮ ਲਾਈਨ ਨਹੀਂ ਦਿੱਤੀ ਗਈ ਸੀ। ਵੀਰਵਾਰ ਨੂੰ ਕੇਂਦਰੀ ਮੰਤਰੀ ਰਾਮ ਵਿਲਾਸ ਪਾਸਵਾਨ ਨੇ ਦਸਿਆ ਕਿ ਇਸ ਨੂੰ ਪੱਕੇ ਤੌਰ ’ਤੇ ਪਾਬੰਦੀ ਲਗਾ ਦਿੱਤੀ ਜਾਵੇਗੀ।

ਸਰਕਾਰ ਨੇ ਇਕ ਸੂਚੀ ਤਿਆਰ ਕੀਤੀ ਹੈ ਜਿਸ ਨੂੰ ਸੈਂਟਰਲ ਪਾਲਯੂਸ਼ਨ ਕੰਟਰੋਲ ਬੋਰਡ ਸਾਹਮਣੇ ਬੈਨ ਕਰਨ ਲਈ ਪੇਸ਼ ਕੀਤਾ ਜਾਵੇਗਾ। ਇਸ ਸੂਚੀ ਵਿਚ ਕੈਰੀ ਬੈਗ, ਬਿਨਾਂ ਬੁਣਿਆ ਕੈਰੀ ਬੈਗ, ਛੋਟੀ ਰੈਪਿੰਗ/ਪੈਕਿੰਗ ਫਿਲਮ, ਡੰਡੇ, ਕਟਲਰੀ, ਫੋਮ ਵਾਲੇ ਕੱਪ, ਕਟੋਰੇ ਅਤੇ ਪਲੇਟਾਂ, ਛੋਟੇ ਪਲਾਸਟਿਕ ਦੇ ਕੱਪ ਅਤੇ ਡੱਬੇ ਸ਼ਾਮਲ ਹਨ। ਇਸ ਤੋਂ ਇਲਾਵਾ ਪਲਾਸਟਿਕ ਸਟਿਕ ਅਤੇ ਈਅਰ ਬ੍ਰਡਸ, ਗੁਬਾਰੇ, ਝੰਡੇ ਅਤੇ ਕੈਂਡੀ, ਸਿਗਰੇਟ ਦੇ ਬਟਸ, ਫੈਲਾਇਆ ਹੋਇਆ ਪੌਲੀਸਟ੍ਰਿਨ, ਪੀਣ ਵਾਲੇ ਪਦਾਰਥ ਲਈ ਛੋਟੇ ਪਲਾਸਟਿਕ ਪੈਕੇਟ ਅਤੇ ਸੜਕਾਂ ਕਿਨਾਰੇ ਬੈਨਰਾਂ ਆਦਿ ’ਤੇ ਪਾਬੰਦੀ ਲਗਾਈ ਜਾਵੇਗੀ।

ਦੇਸ਼ ਦੀ ਟਾਪ ਐਂਟੀ ਪਾਲਿਊਸ਼ਨ ਬਾਡੀ ਸਿੰਗਲ ਯੂਜ਼ ਪਲਾਸਟਿਕ ਨੂੰ 2022 ਤਕ ਖਤਮ ਕਰਨ ਲਈ ਇਕ ਰੋਡਮੈਪ ਤਿਆਰ ਕਰ ਰਹੀ ਹੈ। ਇਹ ਪਲਾਸਟਿਕ ਵਾਤਾਵਾਰਣ ਲਈ ਖਤਰਾ ਹੈ। ਪਲਾਸਟਿਕ ਇੰਡਸਟਰੀ ਨੂੰ ਕਿਹਾ ਗਿਆ ਹੈ ਕਿ ਉਹ ਇਹਨਾਂ ਚੀਜ਼ਾਂ ਦੇ ਵਿਕਲਪ ਦੇ ਤੌਰ ’ਤੇ ਅਪਣੇ ਸੁਝਾਅ ਦੇਣ। ਦਿੱਲੀ ਅਤੇ ਪੰਜਾਬ ਵਿਚ ਪਲਾਸਟਿਕ ਕਟਲਰੀ ਫੈਕਟਰੀ ਚਲਾਉਣ ਵਾਲੇ ਵਪਾਰੀ ਦਿਨੇਸ਼ ਭਾਰਤੀ ਨੇ ਦਸਿਆ ਕਿ ਉਹਨਾਂ ਨੇ ਅਪਣੀ ਵਿਸਤਾਰ ਦੀਆਂ ਯੋਜਨਾਵਾਂ ਨੂੰ ਹੋਲਡ ਕਰ ਦਿੱਤਾ ਹੈ।

ਦਿਨੇਸ਼ ਨੇ ਦਸਿਆ ਕਿ ਉਹਨਾਂ ਨੇ 1.5 ਕਰੋੜ ਦੇ ਨਵੇਂ ਸਾਂਚੇ ਨੂੰ ਆਰਡਰ ਦੀ ਯੋਜਨਾ ਬਣਾਈ ਸੀ ਪਰ ਅਜਿਹਾ ਨਹੀਂ ਕਰ ਸਕਦੇ ਕਿਉਂ ਕਿ ਪਲਾਸਟਿਕ ’ਤੇ ਬੈਨ ਦਾ ਪ੍ਰਸਤਾਵ ਸਾਹਮਣੇ ਆਇਆ ਹੈ। ਦਿੱਲੀ ਦੇ ਲਾਜਪਤ ਨਗਰ ਵਿਚ ਲੈਸ ਅਤੇ ਬਟਨ ਵੇਚਣ ਵਾਲੇ ਸੂਰਜ ਨੇ ਦਸਿਆ ਕਿ ਉਹ ਪਹਿਲਾਂ ਹੀ ਪੇਪਰ ਅਤੇ ਕਪੜੇ ਦੇ ਬੈਗ ਦਾ ਪ੍ਰਯੋਗ ਕਰ ਰਹੇ ਹਨ ਅਤੇ ਉਹ ਉਹੀ ਕਰਨਗੇ ਜੋ ਸਰਕਾਰ ਉਹਨਾਂ ਨੂੰ ਕਹੇਗੀ।

ਉਹਨਾਂ ਕਿਹਾ ਕਿ ਸਰਕਾਰ ਦੀ ਗੱਲ ਮੰਨਣ ਤੋਂ ਇਲਾਵਾ ਉਹਨਾਂ ਕੋਲ ਕੋਈ ਦੂਜਾ ਰਾਸਤਾ ਨਹੀਂ ਹੈ। ਹਾਲਾਂਕਿ ਸਰਕਾਰ ਦੇ ਸਿੰਗਲ ਯੂਜ਼ ਪਲਾਸਟਿਕ ’ਤੇ ਬੈਨ ’ਤੇ ਕਈ ਲੋਕਾਂ ਦੀਆਂ ਨੌਕਰੀਆਂ ਜਾਣਗੀਆਂ। ਹਾਲਾਂਕਿ ਪਾਸਵਾਨ ਨੇ ਦਸਿਆ ਸੀ ਕਿ ਪਲਾਸਟਿਕ ਨਵੇਂ ਵਿਕਲਪਾਂ ਨਾਲ ਨਵੀਆਂ ਨੌਕਰੀਆਂ ਲਈ ਰਾਸਤਾ ਖੁਲ੍ਹੇਗਾ।

ਸੁਤੰਤਰਤਾ ਦਿਵਸ ਦੇ ਮੌਕੇ ’ਤੇ ਅਪਣੇ ਭਾਸ਼ਣ ਵਿਚ ਪੀਐਮ ਮੋਦੀ ਨੇ ਕਿਹਾ ਸੀ ਕਿ ਭਾਰਤ ਨੂੰ ਸਿੰਗਲ ਯੂਜ਼ ਪਲਾਸਟਿਕ ਨਾਲ ਮੁਕਤ ਕਰਨ ਲਈ ਪਹਿਲਾ ਕਦਮ 2 ਅਕਤੂਬਰ ਨੂੰ ਉਠਾਇਆ ਜਾਵੇਗਾ। ਇਸ ਦਿਨ ਮਹਾਤਮਾ ਗਾਂਧੀ ਦਾ ਜਨਮਦਿਨ ਹੈ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow ਕਰੋ।