ਆਪ੍ਰੇਸ਼ਨ ਸੰਧੂਰ 2.0 ਹੋਰ ਜ਼ਿਆਦਾ ਘਾਤਕ ਹੋਵੇਗਾ : ਲੈਫਟੀਨੈਂਟ ਜਨਰਲ ਕਟਿਆਰ
'ਪਹਿਲਗਾਮ ਵਰਗੇ ਹਮਲੇ ਦੀ ਕੋਸ਼ਿਸ਼ ਮੁੜ ਕਰ ਸਕਦਾ ਹੈ ਪਾਕਿਸਤਾਨ'
ਜੰਮੂ : ਪਛਮੀ ਫੌਜ ਦੇ ਕਮਾਂਡਰ ਲੈਫਟੀਨੈਂਟ ਜਨਰਲ ਮਨੋਜ ਕੁਮਾਰ ਕਟਿਆਰ ਨੇ ਮੰਗਲਵਾਰ ਨੂੰ ਕਿਹਾ ਕਿ ਪਾਕਿਸਤਾਨ ਕੋਲ ਭਾਰਤ ਨਾਲ ਲੜਨ ਦੀ ਸਮਰੱਥਾ ਨਹੀਂ ਹੈ ਪਰ ਉਹ ਪਹਿਲਗਾਮ ਵਰਗੇ ਹਮਲੇ ਦੀ ਕੋਸ਼ਿਸ਼ ਮੁੜ ਕਰ ਸਕਦਾ ਹੈ।
ਲੈਫਟੀਨੈਂਟ ਜਨਰਲ ਕਟਿਆਰ ਨੇ ਪੱਤਰਕਾਰਾਂ ਨੂੰ ਕਿਹਾ, ‘‘ਪਾਕਿਸਤਾਨ ਨੇ ਹਜ਼ਾਰਾਂ ਕੱਟਾਂ ਰਾਹੀਂ ਭਾਰਤ ਦਾ ਖੂਨ ਵਹਾਉਣ ਦੀ ਅਪਣੀ ਨੀਤੀ ਜਾਰੀ ਰੱਖੀ ਹੈ। ਪਰ ਭਾਰਤੀ ਫੌਜ ਇਸ ਨਾਲ ਨਜਿੱਠਣ ਲਈ ਪੂਰੀ ਤਰ੍ਹਾਂ ਤਿਆਰ ਹੈ। ਇਸ ਵਾਰ ਅਸੀਂ ਜੋ ਕਾਰਵਾਈ ਕਰਾਂਗੇ ਉਹ ਪਹਿਲਾਂ ਨਾਲੋਂ ਵੱਧ ਘਾਤਕ ਹੋਵੇਗੀ। ਇਹ ਵਧੇਰੇ ਤਾਕਤਵਰ ਹੋਵੇਗਾ। ਆਪਰੇਸ਼ਨ ਸੰਧੂਰ 2.0 ਘਾਤਕ ਹੋਣਾ ਚਾਹੀਦਾ ਹੈ। ਇਸ ਵਿਚ ਕੋਈ ਸ਼ੱਕ ਨਹੀਂ ਹੈ।’’ ਉਹ ਇਕ ਸਵਾਲ ਦਾ ਜਵਾਬ ਦੇ ਰਹੇ ਸਨ ਕਿ ਕੀ ਆਪ੍ਰੇਸ਼ਨ ਸੰਧੂਰ 2.0 ਪਹਿਲੇ ਨਾਲੋਂ ਘਾਤਕ ਹੋਵੇਗਾ।
ਇਹ ਪੁੱਛੇ ਜਾਣ ਉਤੇ ਕਿ ਕੀ ਪਾਕਿਸਤਾਨ ਵਲੋਂ ਭਵਿੱਖ ’ਚ ਪਹਿਲਗਾਮ ਵਰਗੇ ਹਮਲੇ ਹੋਣਗੇ, ਉਨ੍ਹਾਂ ਕਿਹਾ ਕਿ ਜਦੋਂ ਤਕ ਪਾਕਿਸਤਾਨ ਦੀ ਸੋਚ ’ਚ ਤਬਦੀਲੀ ਨਹੀਂ ਆਉਂਦੀ, ਉਹ ਇਸ ਤਰ੍ਹਾਂ ਦੀਆਂ ਸ਼ਰਾਰਤਾਂ ਕਰਦਾ ਰਹੇਗਾ।
ਪਛਮੀ ਫੌਜ ਦੇ ਕਮਾਂਡਰ ਨੇ ਕਿਹਾ ਕਿ ਭਾਰਤ ਨੇ ਆਪ੍ਰੇਸ਼ਨ ਸੰਧੂਰ ਵਿਚ ਪਾਕਿਸਤਾਨ ਨੂੰ ਭਾਰੀ ਨੁਕਸਾਨ ਪਹੁੰਚਾਇਆ ਹੈ। ਉਨ੍ਹਾਂ ਕਿਹਾ, ‘‘ਅਸੀਂ ਉਸ ਦੀਆਂ ਚੌਕੀਆਂ ਅਤੇ ਹਵਾਈ ਅੱਡੇ ਤਬਾਹ ਕਰ ਦਿਤੇ ਹਨ ਪਰ ਇਹ ਇਕ ਵਾਰ ਫਿਰ ਪਹਿਲਗਾਮ ਵਰਗੇ ਹਮਲੇ ਦੀ ਕੋਸ਼ਿਸ਼ ਕਰ ਸਕਦਾ ਹੈ। ਸਾਨੂੰ ਤਿਆਰ ਰਹਿਣਾ ਹੋਵੇਗਾ। ਅਸੀਂ ਪੂਰੀ ਤਰ੍ਹਾਂ ਤਿਆਰ ਹਾਂ। ਮੈਨੂੰ ਪੂਰਾ ਵਿਸ਼ਵਾਸ ਹੈ ਕਿ ਇਸ ਵਾਰ ਦੀ ਕਾਰਵਾਈ ਪਹਿਲਾਂ ਨਾਲੋਂ ਘਾਤਕ ਹੋਵੇਗੀ।’’
ਇਸ ਤੋਂ ਪਹਿਲਾਂ ਸਾਬਕਾ ਫ਼ੌਜੀਆਂ ਨੂੰ ਸੰਬੋਧਨ ਕਰਦਿਆਂ ਉਨ੍ਹਾਂ ਕਿਹਾ, ‘‘ਪਾਕਿਸਤਾਨ ’ਚ ਸਾਡਾ ਸਿੱਧਾ ਸਾਹਮਣਾ ਕਰਨ ਦੀ ਹਿੰਮਤ ਨਹੀਂ ਹੈ। ਪਾਕਿਸਤਾਨ ਅਪਣੇ ਮਨਸੂਬਿਆਂ ਤੋਂ ਪਿੱਛੇ ਨਹੀਂ ਹਟੇਗਾ। ਪਰ ਭਾਰਤੀ ਫੌਜ ਇਸ ਨੂੰ ਨਾਕਾਮ ਕਰਨ ਲਈ ਤਿਆਰ ਹੈ। ਇਸ ਲਈ ਸਾਨੂੰ ਲੋਕਾਂ, ਖਾਸ ਤੌਰ ਉਤੇ ਬਜ਼ੁਰਗਾਂ ਦੇ ਸਮਰਥਨ ਦੀ ਜ਼ਰੂਰਤ ਹੈ। ਸਾਨੂੰ ਉਮੀਦ ਹੈ ਕਿ ਵੈਟਰਨਜ਼ ਸਾਡਾ ਸਮਰਥਨ ਕਰਨਗੇ।’’ (ਪੀਟੀਆਈ)