H.D. Kumaraswamy

ਬੈਂਗਲੂਰ : ਕਰਨਾਟਕ ਦੀ ਜੇਡੀਐਸ ਅਤੇ ਕਾਂਗਰਸ ਦੇ ਗੱਠਜੋੜ ਵਾਲੀ ਸਰਕਾਰ ਨੂੰ ਮੰਗਲਵਾਰ ਨੂੰ ਵੱਡਾ ਝੱਟਕਾ ਲੱਗਿਆ ਹੈ। ਦੋ ਆਜ਼ਾਦ ਵਿਧਾਇਕਾਂ ਨੇ ਸਰਕਾਰ ਤੋਂ ਸਮਰਥਨ ਵਾਪਸ ਲੈ ਲਿਆ ਹੈ। ਇਨ੍ਹਾਂ ਦੋਨਾਂ ਵਿਧਾਇਕਾਂ ਦੇ ਨਾਮ ਐਚ ਨਾਗੇਸ਼ ਅਤੇ ਆਰ ਸ਼ੰਕਰ ਹਨ। ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ ਕਰਨਾਟਕ ਕਾਂਗਰਸ ਵਿਧਾਇਕਾਂ ਦੇ ਵੱਲੋਂ ਮੁੰਬਈ ਦੇ ਇਕ ਹੋਟਲ ਵਿਚ ਬੀਜੇਪੀ ਨੇਤਾਵਾਂ ਦੀ ਮੁਲਾਕਾਤ ਅਤੇ ਖਰੀਦ ਫਰੋਖਤ ਦੀ ਗੱਲ ਸਾਹਮਣੇ ਆਉਣ ਤੋਂ ਬਾਅਦ ਕਰਨਾਟਕ ਦੇ ਮੁੱਖ ਮੰਤਰੀ ਐਚਡੀ ਕੁਮਾਰਸਵਾਮੀ ਨੇ ਕਿਹਾ ਸੀ ਕਿ ਉਨ੍ਹਾਂ ਦੀ ਸਰਕਾਰ ਨੂੰ ਕਿਸੇ ਤਰ੍ਹਾਂ ਦਾ ਕੋਈ ਖ਼ਤਰਾ ਨਹੀਂ ਹੈ।

ਮੀਡੀਆ ਨਾਲ ਗੱਲ ਕਰਦੇ ਹੋਏ ਕੁਮਾਰ ਸਵਾਮੀ ਨੇ ਕਿਹਾ ਸੀ ਕਿ ਤਿੰਨਾਂ ਹੀ (ਕਾਂਗਰਸ ਦੇ ਵਿਧਾਇਕ) ਲਗਾਤਾਰ ਮੇਰੇ ਸੰਪਰਕ ਵਿਚ ਹਨ। ਮੈਨੂੰ ਸੂਚਿਤ ਕਰਨ ਤੋਂ ਬਾਅਦ ਉਹ ਮੁੰਬਈ ਗਏ। ਮੇਰੀ ਸਰਕਾਰ ਨੂੰ ਕਿਸੇ ਤਰ੍ਹਾਂ ਦਾ ਖ਼ਤਰਾ ਨਹੀਂ ਹੈ।

ਮੈਂ ਜਾਂਣਦਾ ਹਾਂ ਕਿ ਬੀਜੇਪੀ ਕਿਸ ਨੂੰ ਸੰਪਰਕ ਸਾਧਣ ਦੀ ਕੋਸ਼ਿਸ਼ ਕਰ ਰਹੀ ਹੈ ਅਤੇ ਉਹ ਕੀ ਪ੍ਰਸਤਾਵ ਦੇ ਰਹੇ ਹਨ। ਮੈਂ ਇਸ ਨੂੰ ਸੰਭਾਲ ਸਕਦਾ ਹਾਂ, ਮੀਡੀਆ ਨੂੰ ਕਿਉਂ ਇੰਨੀ ਚਿੰਤਾ ਹੈ ? ਭਾਜਪਾ ਨੇ ਅਪਣੇ ਸਾਰੇ 104 ਵਿਧਾਇਕਾਂ ਨੂੰ ਗੁਰੂਗਰਾਮ ਵਿਚ ਰੱਖਿਆ ਹੈ। ਭਾਜਪਾ ਦਾ ਇਲਜ਼ਾਮ ਹੈ ਕਿ ਮੁੱਖ ਮੰਤਰੀ ਐਚਡੀ ਕੁਮਾਰਸਵਾਮੀ ਭਾਜਪਾ ਵਿਧਾਇਕਾਂ ਨੂੰ ਤੋੜਨਾ ਚਾਹੁੰਦੇ ਹਨ।

ਉਥੇ ਹੀ ਮੀਡੀਆ ਰਿਪੋਰਟਸ ਦੇ ਮੁਤਾਬਕ ਕਾਂਗਰਸ ਦੇ ਪੰਜ ਵਿਧਾਇਕ ਲਾਪਤਾ ਦੱਸੇ ਜਾ ਰਹੇ ਹਨ। ਹਾਲਾਂਕਿ ਸੂਤਰਾਂ ਦਾ ਕਹਿਣਾ ਹੈ ਕਿ ਕਾਂਗਰਸ ਦੇ 10 ਅਤੇ ਜੇਡੀਐਸ ਦੇ ਤਿੰਨ ਵਿਧਾਇਕ ਭਾਜਪਾ ਦੇ ਸੰਪਰਕ ਵਿਚ ਹਨ। ਭਾਜਪਾ ਦੀ ਕੋਸ਼ਿਸ਼ ਹੈ ਕਿ ਇਹ 13 ਵਿਧਾਇਕ ਛੇਤੀ ਤੋਂ ਛੇਤੀ ਅਸਤੀਫਾ ਦੇ ਦੇਣ। ਭਾਜਪਾ ਅਗਲੇ ਹਫਤੇ ਪ੍ਰਦੇਸ਼ ਸਰਕਾਰ ਦੇ ਖਿਲਾਫ ਅਵਿਸ਼ਵਾਸ ਪ੍ਰਸਤਾਵ ਵੀ ਲਿਆ ਸਕਦੀ ਹੈ। ਦੱਸ ਦਈਏ ਕਿ ਵਿਧਾਨ ਸਭਾ ਚੋਣਾਂ ਵਿਚ ਭਾਜਪਾ ਨੂੰ ਸੱਭ ਤੋਂ ਜ਼ਿਆਦਾ ਸੀਟਾਂ ਹਾਸਲ ਹੋਈਆਂ ਸਨ ਅਤੇ ਪਾਰਟੀ ਨੇਤਾ ਬੀਐਸ ਯੇਦਿਉਰੱਪਾ ਨੇ ਮੁੱਖ ਮੰਤਰੀ ਅਹੁਦੇ ਦੀ ਸਹੁੰ ਵੀ ਲੈ ਲਈ ਸੀ ਪਰ ਬਾਅਦ ਵਿਚ ਕਾਂਗਰਸ ਅਤੇ ਜੇਡੀਐਸ ਨੇ ਹੱਥ ਮਿਲਾ ਕੇ ਐਚਡੀ ਕੁਮਾਰਸਵਾਮੀ ਦੇ ਅਗਵਾਈ ਵਿਚ ਸਰਕਾਰ ਬਣਾ ਲਈ ਸੀ।

ਤਾਜ਼ਾ ਘਟਨਾਕਰਮ ਵਿਚ ਕਾਂਗਰਸ - ਜੇਡੀਐਸ ਦੇ 13 ਵਿਧਾਇਕ ਬੇਂਗਲੁਰੂ ਤੋਂ ਗਾਇਬ ਹਨ। ਮੁੱਖ ਮੰਤਰੀ ਕੁਮਾਰਸਵਾਮੀ ਦਾ ਇਲਜ਼ਾਮ ਹੈ ਕਿ ਭਾਜਪਾ ਸੱਤਾਧਾਰੀ ਗੱਠਜੋੜ ਦੇ ਵਿਧਾਇਕਾਂ ਨੂੰ ਲੁਭਾਣ ਦੀ ਕੋਸ਼ਿਸ਼ ਕਰ ਰਹੀ ਹੈ ਪਰ ਗੱਠਜੋੜ ਦਾ ਕੋਈ ਵੀ ਵਿਧਾਇਕ ਪਾਲਾ ਨਹੀਂ ਬਦਲੇਗਾ। ਜਿਸ ਤਰ੍ਹਾਂ ਭਾਜਪਾ ਦੇ ਵਿਧਾਇਕ ਦਿੱਲੀ - ਐਨਸੀਆਰ ਵਿਚ ਡਟੇ ਹੋਏ ਹਨ। ਕਰਨਾਟਕ ਵਿਚ ਕਾਂਗਰਸ ਅਤੇ ਜੇਡੀਐਸ ਨੇ ਮਿਲ ਕੇ ਸਰਕਾਰ ਤਾਂ ਬਣਾ ਲਈ ਸੀ ਪਰ ਉਨ੍ਹਾਂ ਦੇ ਕੋਲ ਵੱਡਾ ਬਹੁਮਤ ਨਹੀਂ ਹੈ। ਅਜਿਹੇ ਵਿਚ ਜੇਕਰ 13 ਵਿਧਾਇਕਾਂ ਨੇ ਅਸਤੀਫਾ ਦੇ ਦਿਤਾ ਤਾਂ ਪਰੇਸ਼ਾਨੀ ਵੱਧ ਜਾਵੇਗੀ।