ਮੁੰਬਈ ਹਵਾਈਅੱਡੇ 'ਤੇ ਮਹਿਲਾ ਯਾਤਰੀ ਤੋਂ ਹੈਰੋਇਨ ਬਰਾਮਦ 

Heroin recovered from female passenger at Mumbai airport

ਮੁੰਬਈ : ਡੀਆਰਆਈ ਮੁੰਬਈ ਨੂੰ ਸੋਮਵਾਰ ਨੂੰ ਵੱਡੀ ਕਾਮਯਾਬੀ ਮਿਲੀ। ਡੀਆਰਆਈ ਨੇ ਬੀਤੇ ਦਿਨ ਇੱਕ ਮਹਿਲਾ ਯਾਤਰੀ ਕੋਲੋਂ 11.94 ਕਿਲੋਗ੍ਰਾਮ ਕਰੀਮ ਰੰਗ ਦੇ ਦਾਣੇ ਬਰਾਮਦ ਕੀਤੇ ਸਨ। ਜਾਂਚ ਦੌਰਾਨ ਪਤਾ ਲੱਗਾ ਕਿ ਇਨ੍ਹਾਂ 'ਚ ਕਾਫੀ ਮਾਤਰਾ 'ਚ ਹੈਰੋਇਨ ਮੌਜੂਦ ਸੀ। ਇਸ ਤੋਂ ਬਾਅਦ ਇਸ ਨੂੰ ਜ਼ਬਤ ਕਰ ਲਿਆ ਗਿਆ।

ਅੰਤਰਰਾਸ਼ਟਰੀ ਬਾਜ਼ਾਰ 'ਚ ਇਸ ਦੀ ਕੀਮਤ 84 ਕਰੋੜ ਰੁਪਏ ਦੱਸੀ ਜਾ ਰਹੀ ਹੈ। ਡੀਆਰਆਈ ਨੇ ਦੱਸਿਆ ਕਿ ਮਹਿਲਾ ਹਰਿਆਣਾ ਤੋਂ ਮੁੰਬਈ ਆਈ ਸੀ। ਮਹਿਲਾ ਯਾਤਰੀ ਅਤੇ ਉਸ ਦੇ ਨਾਲ ਦੋ ਹੋਰ ਲੋਕਾਂ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਮਾਮਲੇ ਵਿਚ ਅਗਲੇਰੀ ਜਾਂਚ ਜਾਰੀ ਹੈ।