10 ਮਹੀਨਿਆਂ ਦੀ ਮਾਸੂਮ ਏਲਿਨ ਮੌਤ ਤੋਂ ਬਾਅਦ ਵੀ ਰਹੇਗੀ ਜਿਊਂਦੀ

10-month-old innocent Elin will live even after death

ਕੇਰਲ : ਕੁਝ ਲੋਕ ਮਰਦੇ-ਮਰਦੇ ਹੋਏ ਵੀ ਅਜਿਹਾ ਕੁੱਝ ਕਰ ਜਾਂਦੇ ਹਨ ਅਤੇ ਉਹ ਮੌਤ ਤੋਂ ਬਾਅਦ ਵੀ ਜਿਊਂਦੇ ਰਹਿੰਦੇ ਹਨ। ਅਜਿਹਾ ਕੁੱਝ ਹੀ ਕਰ ਗਈ ਕੇਰਲ ਦੀ 10 ਮਹੀਨਿਆਂ ਦੀ ਮਾਸੂਮ ਏਲਿਨ ਸ਼ੇਰਿਨ ਅਬ੍ਰਾਹਮ ਅਤੇ ਉਸ ਨੇ 5 ਲੋਕਾਂ ਦੀ ਜਾਨ ਬਚਾਈ । ਏਲਿਨ ਨੂੰ ਦਿਮਾਗੀ ਤੌਰ 'ਤੇ ਮ੍ਰਿਤਕ ਐਲਾਨ ਦਿੱਤਾ ਗਿਆ ਸੀ, ਜਿਸ ਤੋਂ ਬਾਅਦ ਉਸਦੇ ਮਾਪਿਆਂ ਨੇ ਉਸ ਦੇ ਅੰਗ ਦਾਨ ਕਰਨ ਦਾ ਫੈਸਲਾ ਕੀਤਾ। ਉਨ੍ਹਾਂ ਦੇ ਇਸ ਫੈਸਲੇ ਨਾਲ ਏਲਿਨ ਸ਼ੇਰਿਨ ਅਬ੍ਰਾਹਮ ਕੇਰਲ ਦੀ ਸਭ ਤੋਂ ਛੋਟੀ ਉਮਰ ਦਾ ਅੰਗ ਦਾਨੀ ਬਣ ਗਈ । ਏਲਿਨ ਦਾ ਜਿਗਰ, ਦੋ ਗੁਰਦੇ, ਦਿਲ ਦੇ ਵਾਲਵ ਅਤੇ ਕੌਰਨੀਆ ਦਾਨ ਕੀਤੇ ਗਏ ਸਨ। ਇਲਾਜ ਅਧੀਨ ਛੇ ਮਹੀਨੇ ਦੇ ਇੱਕ ਲੜਕੇ ਨੂੰ ਜਿਗਰ ਮਿਲਿਆ, ਜਿਸ ਨਾਲ ਉਹ ਮਰਨ ਉਪਰੰਤ ਜਿਗਰ ਟ੍ਰਾਂਸਪਲਾਂਟ ਕਰਵਾਉਣ ਵਾਲਾ ਰਾਜ ਦਾ ਸਭ ਤੋਂ ਛੋਟਾ ਬੱਚਾ ਬਣ ਗਿਆ। ਗੁਰਦੇ ਇੱਕ ਹੋਰ ਬੱਚੇ ਨੂੰ ਦਿੱਤੇ ਗਏ, ਜਦਕਿ ਦਿਲ ਦੇ ਵਾਲਵ ਅਤੇ ਕੌਰਨੀਆ ਵੀ ਲੋੜਵੰਦ ਮਰੀਜ਼ਾਂ ਨੂੰ ਟ੍ਰਾਂਸਪਲਾਂਟ ਕੀਤੇ ਗਏ। ਇਸ ਤੋਂ ਬਾਅਦ ਸਿਹਤ ਮੰਤਰੀ ਵੀਨਾ ਜਾਰਜ ਨੇ ਦੁਖੀ ਮਾਪਿਆਂ ਦਾ ਦਿਲੋਂ ਧੰਨਵਾਦ ਕਰਦਿਆਂ ਕਿਹਾ ਕਿ ਉਨ੍ਹਾਂ ਦੇ ਫੈਸਲੇ ਨਾਲ ਬਹੁਤ ਸਾਰੀਆਂ ਜਾਨਾਂ ਬਚਾਉਣ ਵਿੱਚ ਮਦਦ ਮਿਲੇਗੀ। ਏਲਿਨ ਦੀ ਮੌਤ ਇੱਕ ਸੜਕ ਹਾਦਸੇ ਵਿੱਚ ਹੋ ਗਈ ਸੀ। 

ਜ਼ਿਕਰਯੋਗ ਹੈ ਕਿ 5 ਫਰਵਰੀ ਨੂੰ ਪਠਾਨਮਥਿੱਟਾ ਜ਼ਿਲ੍ਹੇ ਦੇ ਪੱਲਮ ਬੋਰਮਾ ਜੰਕਸ਼ਨ 'ਤੇ ਇੱਕ ਸੜਕ ਹਾਦਸੇ ਵਿੱਚ ਏਲਿਨ ਦੀ ਮੌਤ ਹੋ ਗਈ ਸੀ, ਜਿੱਥੇ ਇੱਕ ਕਾਰ ਉਸ ਦੀ ਗੱਡੀ ਨਾਲ ਟਕਰਾ ਗਈ ਸੀ, ਜਿਸ ਕਾਰਨ ਉਹ ਗੰਭੀਰ ਜ਼ਖਮੀ ਹੋ ਗਈ ਸੀ ਅਤੇ ਉਸਦੀ ਮਾਂ ਅਤੇ ਦਾਦਾ-ਦਾਦੀ ਵੀ ਗੰਭੀਰ ਰੂਪ ਵਿੱਚ ਜ਼ਖਮੀ ਹੋ ਗਏ ਸਨ। ਚੰਗਨਾਸੇਰੀ ਅਤੇ ਤਿਰੂਵੱਲਾ ਵਿੱਚ ਸ਼ੁਰੂਆਤੀ ਇਲਾਜ ਤੋਂ ਬਾਅਦ, ਲੜਕੀ ਨੂੰ ਕੋਚੀ ਲਿਜਾਇਆ ਗਿਆ, ਜਿੱਥੇ 13 ਫਰਵਰੀ ਨੂੰ ਉਸ ਨੂੰ ਦਿਮਾਗੀ ਤੌਰ 'ਤੇ ਮ੍ਰਿਤਕ ਐਲਾਨ ਦਿੱਤਾ ਗਿਆ ਸੀ।