ਹਿਮਾਚਲ ’ਚ ਲਾਪਤਾ ਅਮਰੀਕੀ ਸੈਲਾਨੀ ਦੀ 8 ਦਿਨਾਂ ਬਾਅਦ ਝਾੜੀਆਂ ’ਚੋਂ ਮਿਲੀ ਲਾਸ਼

The body of the missing American tourist in Himachal was found in the bushes after 8 days

 

ਹਿਮਾਚਲ ਪ੍ਰਦੇਸ਼: ਸੈਰ-ਸਪਾਟਾ ਕਸਬੇ ਮੈਕਲਿਓਡਗੰਜ ਤੋਂ ਅੱਠ ਦਿਨਾਂ ਤੋਂ ਲਾਪਤਾ ਅਮਰੀਕੀ ਸੈਲਾਨੀ ਦੀ ਲਾਸ਼ ਮੰਗਲਵਾਰ ਦੁਪਹਿਰ ਨੂੰ ਮਿਲੀ। ਲਾਸ਼ ਟੋਏ ਵਿੱਚ ਝਾੜੀਆਂ ਵਿੱਚ ਫਸੀ ਹੋਈ ਮਿਲੀ। ਮੌਸਮ ਸਾਫ਼ ਹੋਣ ਕਾਰਨ ਬਚਾਅ ਟੀਮ ਨੂੰ ਲਾਸ਼ ਦਿਖਾਈ ਦਿੱਤਾ ਸੀ। ਟ੍ਰੈਕਿੰਗ ਮਾਰਗ ਤੋਂ ਭਟਕਣ ਕਾਰਨ ਖਾਈ 'ਚ ਡਿੱਗਣ ਨਾਲ ਯਾਤਰੀ ਦੀ ਮੌਤ ਹੋਈ ਹੈ।
ਮ੍ਰਿਤਕ ਮੈਕਸੀਮਿਲੀਅਨ ਲੋਰੇਂਜ਼ ਸੈਰ ਸਪਾਟਾ ਸਥਾਨ ਗੁਨਾ ਮਾਤਾ ਟਰੈਕ ਦੀ ਟ੍ਰੈਕਿੰਗ 'ਤੇ ਘੁੰਮਣ ਨਿਕਲਿਆ ਸੀ ਅਤੇ ਭਟਕਣ ਕਾਰਨ ਲਾਪਤਾ ਹੋ ਗਿਆ। 8 ਦਿਨਾਂ ਤੋਂ ਉਸ ਦਾ ਸੁਰਾਗ ਨਹੀਂ ਮਿਲ ਰਿਹਾ ਸੀ। ਬਲਹ ਪਿੰਡ ਦੀ ਆਰਾ ਕੈਂਪਿੰਗ ਸਾਈਟ ਤੋਂ ਉਸ ਦੀਆਂ ਦੋ ਡਾਇਰੀਆਂ ਮਿਲੀਆਂ ਹਨ, ਜਿਸ ਵਿੱਚ ਉਸ ਨੇ ਧਿਆਨ ਅਭਿਆਸ ਦੇ ਆਪਣੇ ਅਨੁਭਵ ਸਾਂਝੇ ਕੀਤੇ ਹਨ।
ਮਹਾਤਮਾ ਬੁੱਧ ਦਾ ਹਵਾਲਾ ਦਿੰਦੇ ਹੋਏ ਉਨ੍ਹਾਂ ਲਿਖਿਆ ਹੈ ਕਿ ਧਿਆਨ ਕਰਦੇ ਹੋਏ ਉਸ ਨੂੰ ਨਿਰਵਾਣ ਪ੍ਰਾਪਤ ਹੋਇਆ। ਪਿਛਲੇ 15 ਦਿਨਾਂ ਤੋਂ ਮੈਕਸਮਿਲੀਅਨ ਲੋਰੇਂਜ਼ ਇਸ ਟ੍ਰੈਕ 'ਤੇ ਟ੍ਰੈਕਿੰਗ 'ਤੇ ਗਿਆ ਹੋਇਆ ਸੀ। ਅਚਾਨਕ ਉਹ ਆਪਣਾ ਰਸਤਾ ਭੁੱਲ ਗਿਆ ਅਤੇ ਗਾਇਬ ਹੋ ਗਿਆ। SDRF ਅਤੇ ਮਾਊਂਟੇਨੀਅਰਿੰਗ ਇੰਸਟੀਚਿਊਟ ਦੇ ਪਰਬਤਾਰੋਹੀਆਂ ਦੀ ਟੀਮ ਨੇ ਉਸ ਦੀ ਲਾਸ਼ ਲੱਭ ਲਈ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਅਮਰੀਕਾ ਦਾ ਰਹਿਣ ਵਾਲਾ ਮੈਕਸਮਿਲੀਅਨ ਲੋਰੇਂਜ਼ ਪਿਛਲੇ 15 ਦਿਨਾਂ ਤੋਂ ਪਿੰਡ ਦੇ ਆਰਾ ਕੈਂਪ ਵਿੱਚ ਰਹਿ ਰਿਹਾ ਸੀ। ਉਹ 7 ਨਵੰਬਰ ਨੂੰ ਪੂਰਨਮਾਸ਼ੀ ਵਾਲੇ ਦਿਨ ਧਿਆਨ ਲਈ ਗੁਣਾ ਮਾਤਾ ਮਾਰਗ 'ਤੇ ਗਿਆ ਸੀ। ਉਸ ਨੇ 8 ਨਵੰਬਰ ਨੂੰ ਭੇਜੇ ਸੰਦੇਸ਼ ਵਿੱਚ ਲਿਖਿਆ ਸੀ ਕਿ ਉਹ ਆਪਣਾ ਰਾਹ ਭੁੱਲ ਗਿਆ ਹੈ।
ਇਸ ਤੋਂ ਬਾਅਦ ਆਰਾ ਕੈਂਪ ਦੇ ਮੈਨੇਜਰ ਨੂੰ ਮੈਕਲਿਓਡਗੰਜ ਥਾਣੇ 'ਚ ਮੈਕਸੀਮਿਲੀਅਨ ਲੋਰੇਂਜ਼ ਦੇ ਲਾਪਤਾ ਹੋਣ ਦੀ ਸੂਚਨਾ ਮਿਲੀ। ਅਮਰੀਕੀ ਦੇ ਲਾਪਤਾ ਹੋਣ ਦੀ ਸੂਚਨਾ ਮਿਲ ਦੇ ਹੀ ਕਾਂਗੜਾ ਪੁਲਿਸ ਅਤੇ ਜ਼ਿਲ੍ਹਾ ਪ੍ਰਸ਼ਾਸਨ ਤੁਰੰਤ ਹਰਕਤ ਵਿੱਚ ਆ ਗਿਆ। ਸੂਚਨਾ ਮਿਲਦੇ ਹੀ ਐਸਡੀਆਰਐਫ ਦੀ ਬਚਾਅ ਟੀਮ ਨੂੰ ਰਵਾਨਾ ਕੀਤਾ ਗਿਆ।
ਐਸਡੀਆਰਐਫ ਦੇ ਡੀਐਸਪੀ ਸੁਨੀਲ ਰਾਣਾ ਨੇ ਦੱਸਿਆ ਕਿ ਵਧੀਕ ਜ਼ਿਲ੍ਹਾ ਮੈਜਿਸਟਰੇਟ ਰੋਹਿਤ ਰਾਠੌੜ ਨੇ ਇੱਕ ਪੱਤਰ ਲਿਖ ਕੇ ਐਸਡੀਆਰਐਫ ਟੀਮ ਨੂੰ ਲਾਪਤਾ ਅਮਰੀਕੀ ਦੇ ਟਰੈਕਰ ਨੂੰ ਲੱਭਣ ਲਈ ਹਦਾਇਤ ਕੀਤੀ ਸੀ। ਮੌਸਮ ਸਾਫ਼ ਹੋਣ ਤੋਂ ਬਾਅਦ ਉਸ ਦੀ ਲਾਸ਼ ਇੱਕ ਟੋਏ ਵਿੱਚੋਂ ਮਿਲੀ।