ਸ੍ਰੀਨਗਰ: ਅਤਿਵਾਦੀਆਂ ਦੀ ਗੋਲੀਬਾਰੀ 'ਚ ਪੀਡੀਪੀ ਆਗੂ ਦੇ ਨਿਜੀ ਸੁਰੱਖਿਆ ਅਧਿਕਾਰੀ ਦੀ ਮੌਤ

ਸ੍ਰੀਨਗਰ : ਸ਼੍ਰੀਨਗਰ ਦੇ ਨਾਟੀਪੋਰਾ ਖੇਤਰ ਵਿਚ ਸੋਮਵਾਰ ਨੂੰ ਪੀਪਲਜ਼ ਡੈਮੋਕ੍ਰੇਟਿਕ ਪਾਰਟੀ (ਪੀਡੀਪੀ) ਦੇ ਨੇਤਾ ਪਰਵੇਜ਼ ਭੱਟ ਦੇ ਘਰ 'ਤੇ ਅਤਿਵਾਦੀਆਂ ਨੇ ਗੋਲੀਆਂ ਚਲਾਈ ਅਤੇ ਉਨ੍ਹਾਂ ਦੇ ਨਿਜੀ ਸੁਰੱਖਿਆ ਅਧਿਕਾਰੀ (ਪੀਐਸਓ) ਦੀ ਮੌਤ ਹੋ ਗਈ। ਭੱਟ ਹਮਲੇ ਵਿਚ ਸੁਰੱਖਿਅਤ ਬਚ ਨਿਕਲੇ।ਭੱਟ ਨੇ ਕਿਹਾ ਕਿ ਅਤਿਵਾਦੀਆਂ ਨੇ ਰਵਾਇਤੀ ਕਸ਼ਮੀਰੀ ਕਪੜੇ (ਫਿਰਨ) ਪਾਏ ਹੋਏ ਸਨ  ਅਤੇ 'ਏ. 'ਕੇ ਰਾਈਫਲ' ਨਾਲ ਉਨ੍ਹਾਂ ਦੇ ਘਰ ਆਏ। ਅਤਿਵਾਦੀਆਂ ਦੇ ਹਥਿਆਰ ਬਾਹਰ ਕੱਢਦੇ ਹੀ ਪੀਐਸਓ ਨੇ ਫਾਇਰਿੰਗ ਸ਼ੁਰੂ ਕਰ ਦਿਤੀ।

ਅਤਿਵਾਦੀਆਂ ਦੀ ਗੋਲੀਬਾਰੀ ਵਿਚ ਕਾਂਸਟੇਬਲ ਜ਼ਖ਼ਮੀ ਹੋ ਗਿਆ।ਇਕ ਪੁਲਿਸ ਅਧਿਕਾਰੀ ਨੇ ਦਸਿਆ ਕਿ ਜ਼ਖ਼ਮੀ ਪੁਲਿਸ ਮੁਲਾਜ਼ਮ ਨੂੰ ਇਲਾਜ ਲਈ ਨਜ਼ਦੀਕੀ 'ਹੱਡੀਆਂ ਅਤੇ ਸੰਯੁਕਤ ਹਸਪਤਾਲ' ਲਿਜਾਇਆ ਗਿਆ, ਜਿਥੇ ਉਸ ਨੇ ਦਮ ਤੋੜ ਦਿਤਾ। ਭੱਟ ਨੇ ਦਾਅਵਾ ਕੀਤਾ ਕਿ ਮੁੱਖ ਧਾਰਾ ਦੀ ਰਾਜਨੀਤੀ ਵਿਚ ਦਾਖ਼ਲ ਹੋਣ ਤੋਂ ਬਾਅਦ ਉਨ੍ਹਾਂ ਉੱਤੇ ਤੀਜੀ ਵਾਰ ਹਮਲਾ ਕੀਤਾ ਗਿਆ ਹੈ। ਪਹਿਲਾਂ ਉਹ ਹਿਜ਼ਬੁਲ ਮੁਜਾਹਿਦੀਨ ਨਾਲ ਜੁੜਿਆ ਅਤਿਵਾਦੀ ਸੀ। ਭੱਟ ਨੇ ਅਪਣੀ ਰਿਹਾਇਸ਼ 'ਤੇ ਪੱਤਰਕਾਰਾਂ ਨੂੰ ਦਸਿਆ ਕਿ 'ਸਰਕਾਰ ਨੇ ਮੇਰੀ ਸੁਰੱਖਿਆ ਘਟਾ ਦਿਤੀ ਹੈ। 

ਮੈਨੂੰ ਨਹੀਂ ਪਤਾ ਕਿ ਜੇ ਜਾਗਰੂਕ ਪੀਐਸਓ ਨੇ ਗੋਲੀ ਨਾ ਚਲਾਈ ਹੁੰਦੀ ਤਾਂ ਮੇਰੇ ਪਰਵਾਰ ਦਾ ਕੀ ਹੁੰਦਾ।ਉਨ੍ਹਾਂ ਨੇ ਦਾਅਵਾ ਕੀਤਾ ਕਿ ਉਸ ਦੀ ਸੁਰੱਖਿਆ ਪਿਛਲੇ ਸਾਲ ਘੱਟ ਕੀਤੀ ਗਈ ਸੀ ਅਤੇ ਹੁਣ ਉਸ ਕੋਲ ਪਹਿਲਾਂ ਵਾਂਗ ਪੰਜ ਦੀ ਥਾਂ ਸਿਰਫ਼ ਦੋ ਪੀਐਸਓ ਹਨ।