ਬਿਜਨਸ ਆਈਡੀਆ ਲੈ ਕੇ ਸ਼ਾਰਕ ਟੈਂਕ ਇੰਡੀਆ ’ਚ ਪਹੁੰਚਿਆ ਕੇਐਲ ਰਾਹੁਲ ਦਾ ਭਰਾ, ਫੰਡਿੰਗ ਮਿਲੀ ਜਾਂ ਹੋਏ ਨਿਰਾਸ਼, ਜਾਣਨ ਲਈ ਪੜ੍ਹੋ ਪੂਰੀ ਖ਼ਬਰ
ਉਸ ਨੇ ਦਾਅਵਾ ਕੀਤਾ ਕਿ ਉਹ ਇਕਲੌਤੀ ਕੰਪਨੀ ਹੈ ਜੋ ਘੱਟ ਕੀਮਤ 'ਤੇ ਗੇਂਦਬਾਜ਼ੀ ਮਸ਼ੀਨ ਮੁਹੱਈਆ ਕਰਵਾ ਰਹੀ ਹੈ...
ਨਵੀਂ ਦਿੱਲੀ- ਭਾਰਤੀ ਕ੍ਰਿਕਟਰ ਕੇਐਲ ਰਾਹੁਲ ਦਾ ਭਰਾ ਬਿਜਨੈਸ ਲੈ ਕੇ ਰਿਐਲਿਟੀ ਸ਼ੋਅ ਸ਼ਾਰਕ ਟੈਂਕ ਇੰਡੀਆ ਵਿੱਚ ਪਹੁੰਚਿਆ। ਆਓ ਜਾਣਦੇ ਹਾਂ ਕਿ ਉਨ੍ਹਾਂ ਨੂੰ ਫੰਡ ਮਿਲਿਆ ਜਾਂ ਜੱਜ ਨਿਰਾਸ਼...
ਨਵੀਂ ਦਿੱਲੀ- ਕਾਰੋਬਾਰੀ ਰਿਐਲਿਟੀ ਸ਼ੋਅ ਸ਼ਾਰਕ ਟੈਂਕ ਇੰਡੀਆ ਸਟਾਰਟਅਪ ਆਈਡੀਆ ਅਤੇ ਇਸ ਵਿੱਚ ਫੰਡਿੰਗ ਲਈ ਪ੍ਰਸਿੱਧ ਹੋ ਰਿਹਾ ਹੈ। ਇਸ ਦਾ ਇੱਕ ਕਿੱਸਾ ਇਨ੍ਹੀਂ ਦਿਨੀਂ ਭਾਰਤੀ ਕ੍ਰਿਕਟ ਟੀਮ ਦੇ ਦੋ ਖਿਡਾਰੀਆਂ ਕੇਐਲ ਰਾਹੁਲ ਅਤੇ ਰਵੀਚੰਦਰਨ ਅਸ਼ਵਿਨੀ ਨੂੰ ਲੈ ਕੇ ਚਰਚਾ ਵਿੱਚ ਹੈ। ਇਸ 'ਚ ਕੇਐੱਲ ਰਾਹੁਲ ਦਾ ਭਰਾ ਬਿਜ਼ਨੈੱਸ ਆਈਡੀਆ ਲੈ ਕੇ ਪਹੁੰਚਿਆ ਸੀ। ਉਸ ਨੇ ਸ਼ੋਅ ਸ਼ਾਰਕ ਟੈਂਕ ਦੇ ਦੂਜੇ ਸੀਜ਼ਨ ਵਿੱਚ ਆਪਣਾ ਬਿਜਨਸ ਆਈਡੀਆ ਸਾਂਝਾ ਕੀਤਾ ਅਤੇ ਫੰਡਿੰਗ ਦੀ ਮੰਗ ਕੀਤੀ।
ਕੇਐੱਲ ਰਾਹੁਲ ਦੇ ਚਚੇਰੇ ਭਰਾ ਪ੍ਰਤੀਕ ਪਲਨੇਤਰਾ ਅਤੇ ਉਸ ਦੇ ਸਾਥੀ ਵਿਸ਼ਵਨਾਥ ਗੇਂਦਬਾਜ਼ੀ ਮਸ਼ੀਨ ਬ੍ਰਾਂਡ ਫ੍ਰੀ ਬਾਊਲਰ ਲਈ ਫੰਡ ਇਕੱਠਾ ਕਰਨ ਲਈ ਸ਼ਾਰਕ ਟੈਂਕ ਇੰਡੀਆ ਪਹੁੰਚੇ। ਉਸ ਨੇ ਦਾਅਵਾ ਕੀਤਾ ਕਿ ਉਹ ਇਕਲੌਤੀ ਕੰਪਨੀ ਹੈ ਜੋ ਘੱਟ ਕੀਮਤ 'ਤੇ ਗੇਂਦਬਾਜ਼ੀ ਮਸ਼ੀਨ ਮੁਹੱਈਆ ਕਰਵਾ ਰਹੀ ਹੈ। ਇਸ ਬ੍ਰਾਂਡ ਲਈ ਉਸ ਨੇ 7.5 ਪ੍ਰਤੀਸ਼ਤ ਇਕੁਇਟੀ ਲਈ 75 ਲੱਖ ਰੁਪਏ ਦੀ ਮੰਗ ਕੀਤੀ।
ਆਪਣੇ ਬਿਜਨਸ ਆਈਡੀਏ ਨੂੰ ਸਮਝਾਉਣ ਤੋਂ ਬਾਅਦ ਸ਼ਾਰਕ ਨੂੰ ਇਸ ਕਾਰੋਬਾਰ ਵਿੱਚ ਬਹੁਤੀ ਦਿਲਚਸਪੀ ਨਹੀਂ ਦਿਖਾਈ ਦਿੱਤੀ। ਜ਼ਿਆਦਾਤਰ ਸ਼ਾਰਕਾਂ ਨੇ ਇਸ ਕਾਰੋਬਾਰੀ ਵਿਚਾਰ ਤੋਂ ਆਪਣੇ ਆਪ ਨੂੰ ਦੂਰ ਕਰ ਲਿਆ ਹੈ। ਹਾਲਾਂਕਿ, ਨਮਿਤਾ ਥਾਪਰ ਨੇ ਉਨ੍ਹਾਂ ਨੂੰ 15 ਪ੍ਰਤੀਸ਼ਤ ਇਕੁਇਟੀ ਲਈ 25 ਲੱਖ ਰੁਪਏ ਦਾ ਭੁਗਤਾਨ ਕਰਨ ਲਈ ਕਿਹਾ। ਨਾਲ ਹੀ 5 ਫੀਸਦੀ 'ਤੇ 50 ਲੱਖ ਰੁਪਏ ਦੇ ਕਰਜ਼ੇ ਦੀ ਪੇਸ਼ਕਸ਼ ਕੀਤੀ ਹੈ। ਇਸ ਤੋਂ ਬਾਅਦ ਉਨ੍ਹਾਂ ਦੀ ਤਰਫੋਂ ਇੱਕ ਕਾਊਂਟਰ ਆਫਰ ਵੀ ਪੇਸ਼ ਕੀਤਾ ਗਿਆ ਪਰ ਕੋਈ ਹੋਰ ਵਿਕਲਪ ਨਾ ਹੋਣ ਕਾਰਨ ਉਨ੍ਹਾਂ ਨੇ ਨਮਿਤਾ ਥਾਪਰ ਦੀ ਪੇਸ਼ਕਸ਼ ਸਵੀਕਾਰ ਕਰ ਲਈ।
ਪ੍ਰਤੀਕ ਨੇ ਆਪਣਾ ਬਿਜਨਸ ਆਈਡੀਆ ਸਾਂਝਾ ਕਰਦੇ ਹੋਏ ਦੱਸਿਆ ਕਿ ਉਹ ਭਾਰਤੀ ਕ੍ਰਿਕਟਰ ਕੇ.ਐਲ ਰਾਹੁਲ ਦਾ ਚਚੇਰਾ ਭਰਾ ਹੈ ਅਤੇ ਰਵੀਚੰਦਰਨ ਅਸ਼ਵਿਨ ਉਸ ਦੇ ਬ੍ਰਾਂਡ ਦਾ ਅੰਬੈਸਡਰ ਹੈ। ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਦਾ ਕਾਰੋਬਾਰ ਪਿਛਲੇ ਕੁਝ ਸਮੇਂ ਤੋਂ ਘਾਟੇ ਵਿੱਚ ਚੱਲ ਰਿਹਾ ਹੈ। ਅਜਿਹੀ ਸਥਿਤੀ ਵਿੱਚ ਜ਼ਿਆਦਾਤਰ ਸ਼ਾਰਕਾਂ ਨੇ ਇਸ ਤੋਂ ਕਿਨਾਰਾ ਕਰ ਲਿਆ।